ನಾತಾಲ್

देवनागरी

Romi

ಕನ್ನಡ್

ಕ್ರಿಸ್ಮಸ್ ಮ್ಹಳ್ಯಾರ್ ಕ್ರಿಸ್ತ್ ಜಲ್ಮಲ್ಲೊ ದೀಸ್ ವಾ ನಾತಾಲಾಂ ಫೆಸ್ತ್. ಸಗ್ಳೊ ಸಂಸಾರಾಂತ್ ಹರ್ಯೆಕಾ ವರ್ಸಾಂ ಡಿಸೆಂಬರ್ ೨೫ ವೆರ್ ಜೆಜುಚೊ ಜಲ್ಮ ದಿವಸ್ ಆಚರಣ್ ಕರ್ತಾಂವ್. ದೆವಾಚಾ ಉತ್ರಾಂ ಪರ್ಮಾಣೆಂ ಜೆಜು ಮರಿ ಆನಿ ಜುಜೆಚೊ ಪೂತ್ ಜಾವ್ನ್ ಜಲ್ಮಲ್ಲೊ. ನಜರೆಚ್ಯಾ ಬೆತ್ಲೆಹೆಮ್ ಶಹಾರಾಂತ್ ಜೆಜು ಜಲ್ಮಲ್ಲೊ. ಮರಿ ಗರ್ಭೇಸ್ತ್ ಜಾಲ್ಲಿ ಪವಿತ್ರ್ ಆತ್ಮ್ಯಾನ್. ಜುದೆವ್ ಲೊಕಾಕ್ ಜೆಜು ಯೆಂವ್ಚೊ ಆಸಾ ಮ್ಹಣ್ ಪಯ್ಲೆಚ್ ಕಳಿತ್ ಆಸ್‌ಲ್ಲೆ. ಜೆಜುಕ್ ಮೆಸ್ಸಾಯ, ಕ್ರಿಸ್ತ್, ಸೊಡ್ವೊದಾರ್, ಪಾರಾಕ್ಲಿತ್ ಮ್ಹಣೊನ್ ಉಲೊ ಕರ್ತಾತ್ ಗ್ರೀಕ್ ಲಿಪಿಂತ್ ಜೆಜುಚೆ ನಾಂವಾಚೆ ಪಯ್ಲೆ ಆಕ್ಷರ್ ಇಂಗ್ಲೀಷಂತ್ ಎಕ್ಸ್‌ಮಸ್ ಮ್ಹಣ್ ದಾಖಯ್ಲ್ಯಾನ್ ಥೊಡಿಂ ಕ್ರಿಸ್ಮಸ್ ಎಕ್ಸ್‌ಮಸ್ ಮ್ಹಣ್ ಬರೆಯ್ತಾತ್. ಹರ್ಯೆಕಾ ವರ್ಸಾಂ ಕ್ರಿಸ್ಮಸ್ ಆಚರಣ್ ಸರ್ಕಾರಾಚೆಂ ರಜಾ ಆಸಾ. ಜೆಜು ಕ್ರಿಸ್ತ್ ಕ್ರಿಸ್ತಶಕ ದುಸ್ರ್ಯಾ ಶತಮಾನ ಥಾವ್ನ್ ಸುರು ಜಾಲೆ. ತದಳಾ ಥಾವ್ನ್ ಕ್ರಿಸ್ತಾಂವ್ ಲೋಕ್ ಡಿಸೆಂಬರ್ ೨೫ ತಾರಿಕೆರ್ ಕ್ರಿಸ್ತಾಚೊ ಜಲ್ಮ ದಿವಸ್ ಆಚರಣ್ ಕರ್ತಾಂವ್.

ಆಚರಣ್

ಕ್ರಿಸ್ಮಸ್ ಫೆಸ್ತಾಚೊ ಅದ್ಲೊ ದೀಸ್ ಕುಸ್ವಾರಾಚೊ ದೀಸ್ ಮ್ಹಣ್ ಆಚರಣ್ ಕರ್ತಾಂವ್. ಕ್ರಿಸ್ಮಸ್ ಫೆಸ್ತಾ ಉಪ್ರಾಂತ್ ನವೆಂ ವರಸ್ ಯೆತಾ ಜಲ್ಲ್ಯಾನ್ ಸಾತ್ ದೀಸ್ ಭುರ್ಗಾಂಕ್ ತಶೆಂ ವ್ಹಡಾಂಕ್ ಸರ್ಕಾರಾಚೆಂ ರಜಾ ಆಸ್ತಾ ಆನಿ ಬರಿ ಕಾರ್ಯಕ್ರಮ, ಕಾಜಾರಾಂ ತ್ಯಾ ವೆಳಾ ಅಸ್ತಾತ್. ಜೆಜು ಬಾಳೊಕ್ ಲ್ಹಾನ್ಶಾ ಗರ್ದನಾಚಾ ಗೊಟ್ಯಾಂತ್ ಜಲ್ಮಲ್ಲೊ ಕಿತ್ಯಾಕ್ ಮರಿಯೆಕ್ ಬಾಳಾಂತ್ ಜಾಂವ್ಕ್ ಖಂಯ್ ಜಾಗೊ ಮೆಳೊಂಕ್ ನಾ. ಕ್ರಿಸ್ಮಸ್ ಫೆಸ್ತಾಕ್ ಕ್ರಿಸ್ಮಸ್ ರೂಕ್ ದವರುನ್ ವಿದ್ಯುತ್ ಸಕತ್ ಕ್ರಿಸ್ಮಸ್ ಕಾರ್ಡಾಂ, ನೆಕೆತ್ರಾಂ, ಘಾಂಟಿ ಗಾಲ್ನ್ ಸೊಭಾಯ್ತಾಂವ್. ಕ್ರಿಸ್ಮಸ್ ಫೆಸ್ತಾಕ್ ಗೊಡ್ಶೆಂ ವಾಟ್ತಾಂವ್. ಗರ್ಜೆವಂತಾಕ್ ವಸ್ತುರ್ ವಾಟ್ತಾಂವ್. ಎಕಾಮೆಕಾ ಶಾಂತಿ ದಿತಾಂವ್. ಅಶೆಂ ಅಮಿ ಫೆಸ್ತಾಚೊ ಸಂಭ್ರಮ್ ಗರ್ದಳಾಯೆನ್ ಆಚರ್ಸಿತಾಂವ್.

ಫೆಸ್ತಾಕ್ ಖಾಂವ್ಚೆ ವಸ್ತು

• ಕೇಕ್
• ನೆವ್ರ್ಯೊ
• ಲಾಡು
• ಕಿಡಿಯೊ
• ಚಾಕ್ಲೊ
• ಕುಕ್ಕಿಸಾಂ
• ಕಾರಕಡ್ದಿ
• ಗುಳಿಯೊ

ಕುಟ್ಮಾಂ

ಜೆಜುಚಾ ಆವಯ್ಚೆ ನಾಂವ್ ಮರಿ, ಜೆಜುಚಾ ಬಾಪಾಯ್ಚೆ ನಾಂವ್ ಜುಜೆ, ಜೆಜುಚಾ ಅಬ್-ವಡ್ಲಿ ಮಾಂಯ್ಚೆ ನಾಂವ್ ಸಾಂತ್ ಜೊಕಿ ಆನಿ ಸಾಂತ್ ಆನ್ನಾ. ಕ್ರಿಸ್ಮಸ್ ಫೆಸ್ತಾಕ್ ಗರ್ದನಾಚೊ ಗೊಟೊ ಕರ್ತಾಂವ್. ತಾಂತು ಜೆಜು ಜಲ್ಮಲ್ಲೆ ಚಿತ್ರಣ್ ಆಮಿ ಸೊಬೊವ್ನ್ ದವರ್ತಾಂವ್.

ಸಾಂತಾಕ್ಲೊಸ್

ವರ್ಸಾಂಕ್ ಎಕ್ ಪಾವ್ಟಿಂ ಹರ್ಯೆಕಾ ಘರಾ ಭುರ್ಗಾಕಕ್ ಚೊಕ್ಲೆಟಾಂ ಹಾಡ್ನ್ ಸಾಂತಾಕ್ಲೊಸ್ ಯೆತಾ. ಸಾಂತಾಕ್ಲೊಸ್ ಯೆತಾನಾ ಆಮ್ಕಾಂ ಮೊಸ್ತು ಸಂತೊಸ್ ಜಾತಾ.ಸಾಂತಾಕ್ಲೊಸ್ ಮ್ಹಳ್ಳೆ ನಾಂವ್ ಸಂತ್ ನಿಕೋಲಸ್ ಮ್ಹಳ್ಳೊ ಪಾದ್ರ್ಯಾಬಾನ್ ಸುರು ಕೆಲ್ಲೆಂ. ಆನಿ ಆಮಿ ಘರಾ-ಘರಾ ವ್ಹಸೊನ್ ಸಾಂತಾಕ್ಲೊಸ್ ಸಾಗಾಂತಾ ನತಾಲಾಚಾಂ ಕತಾರಾಂ ಮ್ಹಣ್ತಾಂವ್. ಎಕಾಮೆಕಾ ಫೆಸ್ತಾಚಿ ಶುಭಾಶಯ್ ಪಾಟಾಯ್ತಾಂವ್.

ಧಾರ್ಮಿಕ್ ಆಚರಣ್

ಕ್ರಿಸ್ಮಸ್ ಫೆಸ್ತಾಕ್ ತಯಾರಾಯ್ ಜಾವ್ನ್ ತೀನ್ ಹಪ್ತೊ ಆಡ್ವೆಂತಾಚೊ ಕಾಳ್ ಸುರು ಕರ್ತಾಂವ್. ಆಡ್ವೆಂತಾಚೊ ಕಾಳ್ ಮ್ಹಳ್ಯಾರ್ ಜೆಜುಚ್ಯಾ ಯೆಣ್ಯಾಕ್ ತಯಾರಾಯ್ ಡಿಸೆಂಬರಾಚ್ಯಾ ೨೪ ತಾರಿಕೆರ್ ರಾತಿಕ್ ನತಾಲಾಚಾ ರಾತಿಕ್ ಯಾಕ್ರಿಸ್ಮಸ್ ಫೆಸ್ತಾ ದಿಸಾ ಯಾ ಜೆಜುಚ್ಯಾ ಜಲ್ಮಚ್ಯಾ ಫೆಸ್ತಾ ದಿಸಾ ಇಗರ್ಜೆಂತ್ ಸಂಭ್ರಮಿಕ್ ಫೆಸ್ತಾಚೆಂ ಮೀಸ್ ಆಮಿ ಭೆಟಯ್ತಾಂವ್.

ಮರಣ್

ಜೆಜು ೩೩ ವರ್ಸಾಂ ಹ್ಯಾ ಸಂಸಾರಾಂತ್ ಜಿಯೆಲೊ. ತಾಕಾ ಮರ್ಣಾಚಿ ಶಿಕ್ಷಾ ಫಾವೊ ಜಾಲಿ. ಆಮ್ಚೆ ಖಾತಿರ್ ತೊ ಖಾತಿರ್ ತೊ ಖುರ್ಸಾರ್ ಮೆಲೊ.