Sant Basil

विकिपीडिया कडल्यान
Basil of Caesarea
The theology of Gregory Thaumaturgus, a student of Origen, influenced Basil through his grandmother Macrina the Elder.

Sant Basil hachi porob Janerache 2rer monoytat. Sant Basil(2nd Janu

Sant Basilacho gorabo[बदल]

Sant Basilacho zolm eke girest familint zal'lo. 330 hea vorsa Pontus ganvant to zolmol'lo. Tachea bapaychem nanv Basil ani maichem nanv Emmilea axil'lem. Tacho ghorabo povitrtayek lagun nam'nek pavla. Tacho xapay Kristi dhormacho ek bolli zalo. Tache xamayn taka ani tachea char bavnnank, devache bhirantin voir kaddl'le.

xikxonn[बदल]

Basilii Magni Opera, 1540

Basilak 350-351 hea vorsamni mullave xikxonn Cappadociachea Caesarea Mazaca (aiz Turkey)hea ghavant mell'lle. Thuy to Gregory hea nanvache mon'xeak bhetlo zo tacho jivit bor ek boro ixtt zalo. Uprant to ani tacho ixtt Gregory Constantinopoleak aple fuddle xikop gheunk gele.

349 hea vorsa Athens nogrant to gelo ani thuy aplea ixtta sangata 6 vorsam ravlo, 356 vorsa to fuddlem xikop gheunk Egiptak, Syriak ani Mesodomiank pavlo ani xekim aplea ghanv gora Caesareant pavlo. Caesareant to advogad koso ani bhaxe vjnani koso vavurlo ani aple jivit tannem moujen sarlem.

Eka disa Sebaste nograntlea Govl'li bapak tachi bhett zali. To tachea jivita voir uloilo ani tednam St. Basilan aple jivit novsorle, tannem soglem soddun dilem soglli girestkay, tache xikop, somazant taka axil'li podvi, adim. Tache eke chittint tannem oxem boroilo'lem asa ki tannem soglo tacho vell ani tornatte jivit moujen vogdailem, tannem Devak chodd vell diunk nam, ovchituch to nidentlo uttlo oxem taka dislem ani xubhvortomanacho mog taka laglo ani devache podve vinnem kainch na hachi taka zann zali. Ani tannem aplem jivit Devak Bhettovpache taraylem. Apli sogli girestkay goribank vantli ani to aplem jivit eksurponnan Deva sangata sarunk laglo.

MHS ojcowie ks Bazyli Wlk Jan Chryzostom Grzeg Wlk XVII Lipie p
Meister der Sophien-Kathedrale von Ohrid 001

Eksurponnan to jednam aple jivit sartalo tednam taka to kuxi nam hem taka disun yeta, taka Dev ani kitem tori korunk apoita hacho taka bas zata ani hakach lagun to aplem jivit odikuch dharmik korta. Povitrtayechea ani magnneachea jivitant, tannem Annesi nogrant aplea sarkea chintpa mon'xaeank ektayle, tacho bav Pedruy tachea sangata aslo, ani te ek magnnean jivit thoy sartale, tednam tachi may Emmelia, tachi Bhoinn Macrina ani kay ostorio tachea pongoddacheo vangddi zaleo. Tim ek dharmik ani bhavartache jivit jietali tech borabor goribank dhan vanttalim. Hea vellar St. Basilan thoyche povitr sobhechea boreaponna katir zaitem boroilem, ani tachea boroupa udexim thoyche povitr sobheche poromporent zaite boreponn ailem. 360 hea vorsak tannem bhavartache ucharnnek aplo zaito adar dilo.

Antiokecho gonvlli bap Meletius hannem 362 vorsa Basilak 'Deacon' koso maklo. Ani ek somaz sevok koso vavurtalo tednam Caesareachea gonvlli bap Eusebiusan taka 365 hea vorsa Dev monniarianchi maknnim dili ani ek padri koso tannem zaito boro vavr kello, somazant zaitem sudaro haddlem. Ani hea soglea borea vavracho foll tannem, aplea gonvlli bapak dilo. Haka lagun Eusebiusak zaito man mell'llo. 370 hea vorsa Eusebiusan ho sonvsar soddlo, uprant St. Basilak Caesareaa prantantlo gonvlli bap mhunn vichun kaddlo. Gonvlli bap koso tachea hatant zaite odhikar axil'le, punn tannem aple xokticho kednach durupeog korunk na.

Zoruy taka rokddoch rag ietalo toriy tannem kednach dakoun dillem nam. To udar kallzacho ani somjikayecho axil'lo. Jednam tea ganvant dukoll ailo tednam to aplech ostongim jevonn randun goribank vanttalo. Tannem aple familiche sogli giretkay goribachea udarposonna khatir vapurli.

Tannem choddxeo chorankank ani naykinnik bodolpak ani ek borem Dev bhiranteche jivit jeyevpak chitti boroil'leo. To sokallcho ani sanjecho hea donuy vellar dharmik xikovnn porgottalo ani zayto lok tache xikovnnek tache firgojent ektovtalo. Tannem Caeserea nogrant Biliad nanvachi ek imarot bandli, zoy goribank, ani duventienk asro meltalo. Hea tachea somazache udargoti pasot kel'lea vavracher kay zann add axil'le. Hakach lagun patxa Valens taka sokla uddounk koso ani to korta tem sarkem noy mhunn sangunk to tache firgojent, Caesarea nogrant apporgotnnechea festa disa pavlo ani to thuy St.Basilak mellon kub kuxi zalo tache chintop bodol'lem ani tane Basiliad vaddounk duddvancho adar ani zomin dili. Somazantlea soglea vaittancher to kalljidarponnan konakuch bhiye nastana nixed martalo. Teg zonn ani ek Dev he sot tannem loka mukhar ghatlem ani zaitea lokan tache add uloile punn tannem aplea utram vorvim dormache sotak thir ravlo ani hacho prochar soglea kristi dhormank kelo.

Xekim 379 hea vorsa figdache pidek lagun tannem ho sonvsar soddlo. To ek boro gonvlli bap zalo, ek boro somaz sevok zalo. Taka kednam santacho man mell'lo tem itihaskarank sarki kobor nam. Taka 'doctor of the church' mhunnon Povitr sobhen pacharla. Tacho ugddas Janerache 2rer povitr sobha korta.

Polleiat[बदल]

List_of_Catholic_saints

"https://gom.wikipedia.org/w/index.php?title=Sant_Basil&oldid=209731" चे कडल्यान परतून मेळयलें