Vechik Put Vopar

विकिपीडिया कडल्यान
 
Romi
   
The Return of the Prodigal Son (1773) by Pompeo Batoni
Mostem jivit jieun tannem aplê girestkaiechi vatt laili - Gerard van Honthorst
Brooklyn Museum - The Return of the Prodigal Son - James Tissot

Voparincho hetu[बदल]

Tednam xisamnim lagim sorun Taka vicharlem: “Voparimnim tanchê kodde kiteak uloitai?” Tannem portipall kelo: “Kiteak Sorginchea Rajeache gutt vollkhunchem dennem tumkam dil’lem asa; tankam herank na. Asa tankam Dev anink-ui ditolo ani tanchem map bhoron òt’tolem; punn na tankam, asa tem porian tanchê koddlem Dev kaddun ghetolo. Dekhun Hanv voparimnim tanchê kodde uloitam, kiteak polleun-ui tankam disona, ani aikun-ui tankam aikona ani somzo-i na.

Izaiasan oxem adinch sanglolem tem tanchê sovem pallon ieta:

‘Aikun-aikun tumkam kãi, somzochem na; polleun-polleun tumkam kãi dischem na. Kiteak hea lokachem kalliz zodd-nibor zalam, tanche kan bhere zaleat, tanche dolle dhamplole asat; na tôr dolleamnim tankam disunk lagtolem, kanamnim tankam sarkem aikunk melltolem, monan tankam somzotolem, ani, tim Mhojê-xim portun ieun, Hanv tankam borim korin .’’

Vechik Put Vopar[बदल]

Povitr Pustok ː Lukas 15:11-32

11 Anink-ui Tannem sanglem: Konn-eklea mon’xak dog put asle 12 ani tanchê modlea dhakttean bapaik oxem mhollem: ‘Bapa, mhaka poddta to daizacho vantto mhaka kaddun di.’ Ani tannem tankam daiz vanttun dilem. 13 Ani thoddea disam bhitôr dhakttea putan apnnachem aslem titlem-i ektthãi kelem ani ghorantlo bhair sorun to eka poixilea ganvant gelo; ani thõi mostem jivit jieun tannem aplê girestkaiechi vatt laili. 14 Ani tannem sogllem hogddaun uddoitôch, tea ganvant êk khôr bhuk poddli ani to-i oddchonnik sampoddlo. 15 Tednam vochun to tea ganvantlea konn-ekleager chakrek ravlo; ani tannem taka aplea xetant dukram chorounk dhaddlo; 16 ani dukram khatat teô sangô tori khaun aplem pott bhôrunk taka khuxi ietali, kiteak konn taka jevnnak kãich dinaslo. 17 Xekim, soirannar ieun, tannem mhollem: ‘Kitle disvoddeache manai mhojea bapaichea ghorant naka-puro zai-sôr jevun-khaun asat, ani hanv hanga bhuken mortam! 18 Tôr hanv utthun mhojea bapai-xim vetolom ani taka mhonnttolom: ‘Bapa, hanvem sorgacher ani tujer add patok kelam; 19 mhaka tuzo put mhonnunk anink mhaka favo na; tujea manaiantlo eklo koso mhaka dhôr.’ 20 Ani utthun to aplea bapai-xim gelo. Poisuch astana tachea bapain taka dekhlo ani tachem kalliz churchurlem; ani dhanvun vochun tannem taka veng marli ani tache ume gheit ravlo. 21 Putan taka mhollem: ‘Bapa, hanvem sorgacher ani tujer add patok kelam; mhaka tuzo put mhonnunk anink mhaka favo na.’ 22 Tednam bapain aplea chakrank sanglem: ‘Boreantlem borem ek vostr veginchê-vegim haddun taka nhesoiat; tachea bottak mudi ani pãiank vhannô ghalat; 23 gulgulit paddkulo haddun marat; jevonn korum-ia ani borem-borem khaun-pieun khuxal zaum-ia. 24 Kiteak ho mhozo put mel’llo, to novean jivont zala; sanddlolo, to porot mell’lla.’ Ani tãnnim jevunk suru kelem. 25 Tednam tacho vhoddlo put xetant aslo ani ieun ghora lagim pavtam-pavtam tannem songit ani nach zatat tim aikolim 26 ani, eka chakrak apoun, kitem zalam kai mhonn tannem vicharlem. 27 Chakran zap dili: ‘Tuzo bhav aila, ani to solamoti pavlo mhonn tujea bapain gulgulit paddkulo marla.’ 28 Punn to zobôr ragar zalo ani portipallun tannem bapaik oxem mhollem: 29 ‘Polle, itlim vorsam zalim hanv tuji seva-chakri kortam ani tujem utor hanvem kednanch môddunk na, tori mhojea ixttam borabôr jevunk-pieunk tunvem mhaka kednanch êk bokddo legun dilo nãi; 30 punn xindoll bailam borabôr aplem daiz khaun-hogddaun ho tuzo put iena fuddem tunvem tachê pasot datto-motto paddkulo marloi!’ 31 Punn tannem taka sanglem: ‘Puta mhojea, tum sodanch mhojea sangata asai ani jem kitem mhojê lagim asa tem sogllem tujench. 32 Punn borem jevonn korunk ani khuxal zaunk purtem karonn aslem: tôr ho tuzo bhav mel’lo, to novean jivont zala; sanddlolo, to porot mell’lla.

“Voparimnim uloitolom, sonvsar rochloleak gupit asloleô vostu ukteô kortolom”, hem provadiachem utor oxem khorem zalem. (Matev 13:35)

वपारिंचो हेतू[बदल]

तेदनां शिसांनीं लागीं सरून ताका विचारलें: “वपारिंनीं तांचê कडे कित्याक उलयताय?” ताणें पर्तिपाळ केलो: “कित्याक सर्गिंच्या राज्याचे गूट वळखुंचें देणें तुंकां दिल्लें आसा; तांकां हेरांक ना. आसा तांकां देव आनिंक-ऊय दितलो आनी तांचें माप भरन òत्तलें; पूण ना तांकां, आसा तें परियान तांचê कडलें देव काडून घेतलो. देखून हांव वपारिंनीं तांचê कडे उलयतां, कित्याक पळेवन-ऊय तांकां दिसना, आनी आयकून-ऊय तांकां आयकना आनी संजोय ना.

इजाय्ासान अशें आदिंच सांगललें तें तांचê सवें पाळन येता:

‘आयकून-आयकून तुंकां कांय, संजचें ना; पळेवन-पळेवन तुंकां कांय दिसचें ना. कित्याक ह्या लकाचें काळीज जड-निबर जालां, तांचे कान भेरे जाल्यात, तांचे दळे धांपलले आसात; ना तोर दळ्यांनीं तांकां दिसुंक लाग्तलें, कानांनीं तांकां सार्कें आयकुंक मेळतलें, मनान तांकां संजतलें, आनी, तीं म्हजê-शीं पर्तून येवन, हांव तांकां बरीं करीन .'’

वेचीक पूत वपार[बदल]

पवित्र पुसतक ː लुकास १५:११-३२

११ आनिंक-ऊय ताणें सांगलें: कण-एकल्या मन’शाक दग पूत आसले १२ आनी तांचê मदल्या धाकट्यान बापायक अशें म्हळें: ‘बापा, म्हाका पडता तो दायजाचो वानटो म्हाका काडून दी.’ आनी ताणें तांकां दायज वानटून दिलें. १३ आनी थड्या दिसां भितोर धाकट्या पुतान आपणाचें आसलें तितलेंय एकठांय केलें आनी घरांतलो भायर सरून तो एका पयशिल्या गांवांत गेलो; आनी थोंी मसतें जिवीत जियेवन ताणें आपलê गिरेसत्काय्ेची वाट लायली. १४ आनी ताणें सगळें हगडावन उडयतोच, त्या गांवांत êक खोर भूक पडली आनी तोय अडचणीक सांपडलो. १५ तेदनां वचून तो त्या गांवांतल्या कण-एकल्यागेर चाक्रेक रावलो; आनी ताणें ताका आपल्या शेतांत दुक्रां चरवंक धाडलो; १६ आनी दुक्रां खातात तेो सांगो तरी खावन आपलें पट भोरुंक ताका खुशी येताली, कित्याक कण ताका जेवणाक कांयच दिनासलो. १७ शेकीं, सयराणार येवन, ताणें म्हळें: ‘कितले दिस्वड्याचे मानाय म्हज्या बापायच्या घरांत नाकापुरो जाय-सोर जेवून-खावन आसात, आनी हांव हांगा भुकेन मर्तां! १८ तोर हांव उठून म्हज्या बापाय-शीं वेतलं आनी ताका म्हणटलं: ‘बापा, हांवें सर्गाचेर आनी तुजेर आड पातक केलां; १९ म्हाका तुजो पूत म्हणुंक आनिंक म्हाका फावो ना; तुज्या मानाय्ांतलो एकलो कसो म्हाका धोर.’ २० आनी उठून तो आपल्या बापाय-शीं गेलो. पयसूच आसताना ताच्या बापायन ताका देखलो आनी ताचें काळीज चुर्चुरलें; आनी धांवून वचून ताणें ताका वेंग मारली आनी ताचे उमे घेईत रावलो. २१ पुतान ताका म्हळें: ‘बापा, हांवें सर्गाचेर आनी तुजेर आड पातक केलां; म्हाका तुजो पूत म्हणुंक आनिंक म्हाका फावो ना.’ २२ तेदनां बापायन आपल्या चाक्रांक सांगलें: ‘बऱ्यांतलें बरें एक वसत्र वेगिंचê-वेगीं हाडून ताका न्हेसय्यात; ताच्या बटाक मुदी आनी पांय्ांक व्हाणो घालात; २३ गुल्गुलीत पाडकुलो हाडून मारात; जेवण करुंय्या आनी बरेंबरें खावन-पियेवन खुशाल जावंय्या. २४ कित्याक हो म्हजो पूत मेल’ळो, तो नव्यान जिवंत जाला; सानडललो, तो परत मेळ’ळा.’ आनी तãणीं जेवुंक सुरू केलें. २५ तेदनां ताचो व्हडलो पूत शेतांत आसलो आनी येवन घरा लागीं पावतांपावतां ताणें संगीत आनी नाच जातात तीं आयकलीं २६ आनी, एका चाक्राक आपवन, कितें जालां काय म्हण ताणें विचारलें. २७ चाक्रान जाप दिली: ‘तुजो भाव आयला, आनी तो सलामती पावलो म्हण तुज्या बापायन गुल्गुलीत पाडकुलो मारला.’ २८ पूण तो जबोर रागार जालो आनी पर्तिपाळून ताणें बापायक अशें म्हळें: २९ ‘पळे, इतलीं वर्सां जालीं हांव तुजी सेवाचाक्री कर्तां आनी तुजें उतर हांवें केदनांच मोडुंक ना, तरी म्हज्या इश्टां बराबोर जेवुंक-पियेवंक तुंवें म्हाका केदनांच êक बकडो लेगून दिलो नांय; ३० पूण शिंदळ बायलां बराबोर आपलें दायज खावन-हगडावन हो तुजो पूत येना फुडें तुंवें ताचê पासत दाटोमटो पाडकुलो मारलय!’ ३१ पूण ताणें ताका सांगलें: ‘पुता म्हज्या, तूं सदांच म्हज्या सांगाता आसाय आनी जें कितें म्हजê लागीं आसा तें सगळें तुजेंच. ३२ पूण बरें जेवण करुंक आनी खुशाल जावंक पुर्तें कारण आसलें: तोर हो तुजो भाव मेल’लो, तो नव्यान जिवंत जाला; सानडललो, तो परत मेळ’ळा.

“वपारिंनीं उलयतलं, संवसार रचलल्याक गुपीत आसललेो वसतू उक्तेो कर्तलं”, हें प्रवादियाचें उतर अशें खरें जालें. (मातेव १३:३५)

Polleiat Niall[बदल]

The Prodigal Son, Commentary & Meditation

Bhaillo Adhar ani Guntn'ni[बदल]

Sondorbh[बदल]


[1] [2]

  1. https://en.wikipedia.org/wiki/Parables_of_Jesus
  2. "Archive copy". Archived from the original on 2015-06-21. Retrieved 2015-06-29.{{cite web}}: CS1 maint: archived copy as title (link)
"https://gom.wikipedia.org/w/index.php?title=Vechik_Put_Vopar&oldid=214762" चे कडल्यान परतून मेळयलें