Jakobachem Potr

विकिपीडिया कडल्यान
 
Romi
     
Minuscule

Jakobachem Potr[बदल]

Epistle of James

Jakobachem Potr[बदल]

Pauluchea tera Potram bhair, Hebrevank boroil’lem potr, toxench anik sat “Katolik” mhonnlolim Potram asat : ek Jakobachem, don Pedruchim, tin Juanvachim ani ek Judasachem.

Povitr-Sobhechea purvilea xenkddeam thaun hea sogllea Potrank “Katolik” mhonnttat, kiteak mhollear, Juanvachem Dusrem ani Tisrem Potr mat bhairaun, tancho ulo ani xikovnn fokot omkea-omkea ganvche povitr-sobhek nhoi, punn somest Kristi lokank, ak;khe Povitr-Sobhek. Him “Katolik” potram puskoll Kristi sobhank dhaddlolim prosidhi potram (circular letters) mhonnum-ieta.

Survatek thaun Kristi lokan hem Potr “ Jakoban, somiachea bhavan” boroilem mhonn manun ghetlam. Hea Potrachi bhas, borovpachi rit ani xikovnn pollelear, hea Potracho boroinnar Adlea Korarant ekdom’ gholl’llolo ani xubhvortomanache xikovnnent ghott aslolo ek Judev mhonn gomta.

Tem kedna boroilem tem sarkem sangunk kotthin. Punn choddkorun, tem sumar 60vea tem 62vea vorsa boroilem-xem dista. Jakob “Ximpoddlolea Bara Kullank”, Mhonnge Palestina bhair aslolea Kristanvank, boroita; punn to fokot Judev lokantlea Kristanv zal’leank dolleam mukhar dovorta mhonn sangunk hea Potrant kai mellona.

Onbhavarthiam modem jietana, tankam tallnnio ani addkholli sampoddtat tanchi khobor taka asli ani, ek atmik bapui koso, bhavarthant tankam cholounk ani uzvadd diunk to vavurta. Dekhun, hea potracho xevott mhollear khorem Kristanv jivit jieunk ek xiddkavnni.

Hea Potrachi manddavoll oxi :[बदल]

Prostavna : 1 : 1

Bhavarth ani zannvai : 1 : 2-8

Goribponn ani girestkai : 1 : 9-11

Kosak lavop ani tallnni : 1:12-18

Devachem Utor aikop ani pallop : 1 : 19-27

Girst ani gorib bhavam-bhoinnim modem vegllochar korpacher add xiddkavnni : 2 : 1 – 13

Bhavarth ani kornnio : 2: 14-26

Kristi mon’xam ani jibechi domavnni : 3 : 1-18

Kristi mon’xam ani sonvsar ; 4 : 1-5:6

Veg-veglleo bud’di : 5: 7-20

Polleiat[बदल]

Epistle_of_James

Books_of_the_Bible

Bible

Sandarbh[बदल]


[1]

  1. http://www.usccb.org/bible/books-of-the-bible/index.cfm
"https://gom.wikipedia.org/w/index.php?title=Jakobachem_Potr&oldid=199444" चे कडल्यान परतून मेळयलें