Shiva

विकिपीडिया कडल्यान
 
Romi
   
Shiva Bearing the Descent of the Ganges River, folio from a Hindi manuscript by the saint Narayan LACMA M.86.345.6
Siva Lingam at Jambukesvara temple in Srirangam

Xiv bromha-vixnnu-mohex hea trimurtintolo ek devo. To proloikali soimacho somharok ani tomogunni asa. Koilasacher to rauta. Parvoti hi tachi bail, gozanon ani xoddanon he tache put. Toxench bhoirvadi gonn he tache seuk ani nondi hem tachem vahon. Monglomoi, koleannsvorup sodaxiv tot'tv mhonnjech xiv. Takach pormatmo va adixiv oxem-i mhonnttat. Vox hea dhatuposun vornnouyoteakan xiv hem utor toyar zalam. Vox hea dhatucho ek orth ujvaddop oso asa. Tache voilean zo ujvaddan to xiv. Xiv ho apunn sidhd svoimprokaxi asa. To apunn ujvaddit raun vixrvakoi ujvaddit korta.[1]

Rudr[बदल]

xiv ho okhil bhartant sogllea zatizomatimni pujy oso mohadevo asa. Tachem kxetruy khub veapok asa. Voidikancho rudr, droviddancho xiv ani zaitea zatizomatimni tachebhoxen dispi devo hancho gunnokrm' somnvoi zaun aicho purannik xiv akarak aila. Voidik areank xiv khobor naxil'lo. Punn rudrak te mantale. Rigvedant rudr hi modhyom' dorjeachi deuta axil'li. Tachea vantteak fokot tin purai suktam ayil'lim asat. Tacho rong bhuro, goro va bhangran makhil'lo manla. Dhonnu- bann hem tachem khaxelem xostr. Tache bann poxu ani monxakoi somharok thartat. To zottadhari asa. Tachea sadea rupant to vhodd voiz asun tachekodden zaitim vokhdam asat. Vedantolem tachem anik ek mhotvachem vixexonn mhonnje vrixobh. Hem utor vrix dhatuvylean toyar zalam. Vrixtti korpi choddant chodd projnonoxkt axil'lo oxe tache don orth zatat. Othrvovedant rudrachem purus rup rigvedaporos chodd othrvovedant te tache onuchor(nokor) zaleat punn othrvovedantoli rudrachi vikasprokria mat lhou lhou vaddot geli. Ticheantleanoch xemttak purannik xivachem svorup puraiponnan viksit zalem. Hea vikasant voidik rudran zaitea gounn va zati-i deutank apleant aspaun ghetle. Othrvovedant bhou ani xorv oxo don deuta distat. Tanchem vyoktitv spoxtt naslem tori teo svotontr deuta axil'leo. Punn othrvovedantuch tachem rudrakodden tadatmy zalem ani bhou ani xorv him rudrachinch namvam zalim. Khoinchea tori vhoddlea devan kaim lhan devo atmosat korun gheup hi gozal doivtoxastrachea itihasant zaitea fautti dista. Zogantlea sogllea doivtokothantuy oxo zaiteo dekhi asat. Voidik devuy oxach zaitea lhan deutank atmosat korun vaddla. Poxupoti hem rudrachem anik ek vixexonn. Tench fuddem xivakoi lagu zalam.[2]

upnixodgronthant rudr-xiv ho darxonik vicharodharechea somprkant ailo ani rudrachea purvil'lea svorupant zaite bodol zale. Upnixtkalant bhokti hea svotontr mokxosadhonecho prosar zalo ani vixnnu ani xiv he hea bhoktivadache mukhel aradhy devo zale. Devacher vhodd nixttha ani devache kripen mokxoprapti he bhoktivadache mull sidhdant axil'le. Tanchea probhavak lagun rudrachea svorupantolo purvil'lo bhomyacho onx na zalo ani tea zagear tachem soumy, prosn'n ani doyaunt rup fuddem ailem. Upnixtkalant rudr ho khorea orthan xiv (koleann- mongolprod) zalo.

Ramainnant rudrachem hem xivrup chodd ghott'tt ani soglleank many oxem zalem. Darxonik (dakhoupachem) ani dusrem lokprocholit oxem ubhoividh rup nodren poddtta. Xrvetaxrvor upnixodant xivachea darxonik svorupachi obhivyokti zali tichi mohabharotant poripurnnota zali. Xivachea hea tat'tvik svorupa vangddach mohabharotant tancho sankhy dorxonakodden sombond dakhoil'lo asa. Xiv ho apunn sankhy asa. To apunnuch aplea zagear sankhyodrxon zannta.Zagear sankhyodrxon zannta. Je lok sankhy sidhdantanche chodd goneani asat te xivachi prapti korun mokx melloitat oxem mohabharotant mhollam.

Xivkotha[बदल]

purannant zaiteo xivkotha asat. Tatuntleo kaim kotha oxo asat-[3]

Tripurodah[बदल]

tarkasurak tin put axil'le. Tamnni bromhodevakoddchean vor melloun tin ontralli nogram melloilim. Thoim bosun te tinuy lokank tras korpak lagle. Te tinuy rakxos xivbhkt axil'le. Tamnni ek bori gozal kel'li ti mhonnje sodachari ani vedonarainn oxe bramhonn haddun tamnni tankam tea purant douril'le. Tea bramhonnancho punnyosonchoi tea rakxasank boreak poddttalo mhonnun tanchem bollgem chodd vaddil'lem. Hea rakxosamni svorg melloilo ani devanchem sthan bhoxttolem. Te aplem garannem gheun poilim vixnnukodden gele ani uprant vixnnuk ani uprant vixnnuk vangdda gheun xiva kodden gele. Devanchi ti ovstha polloun xivan nardak apoilo ani taka mayavi rup gheun rakxosanchea nogrant voch ani punnyovan lokanchea monant pap utpon'n kor mhonnun sanglem. Nardan toxem kelem. Uprant rakxosanchem bollgem-i na zalem.[4]

hi kotha jitlem xivachem doivi bollgem dakhoita. Tea poros chodd ti sodacharachem mhotv pottoita. He kothentlea xivan kopott korun aplea bhou tank marle hem purannokarank manoulem na. Dekhun tamnni te kothent bodol kelo. Ho bodol motsyopurannant sampddotta.

Bannasur namvacho ek xivbhkt rakxos axil'lo. Tachi prozai xivbhkt axil'li. Tannem aplea khatir ontrallim tin nogram toyar kel'lim. Kaim tempan taka vaitt bud'di yeun to tinuy lokank tras divpak laglo. Xivan taka kheast divpachem tharailem. Xivan jen'na tacher hol'lo kelo ten'na taka apli prozai somptoli mhonnpachem koll'llem. Xivling tokler gheun xivachem stotr mhonnot to tache fuddem ailo. Tannem xivakodden ‘tuzo rag mhojer poddum mhoji proza zogum‘ oxem magnnem kelem. Projeuyolo tacho mog polloun tannem bannasurak ‘vor mag‘ mhollem ten'na mhojea kallzant urza bhokti sodanch urum‘ oso tannem vor maglo. Xivan magir tin nograntolem ek nogor dourun uril'lim don sokoil uddoilim. Tatuntolem ek koilasacher ani dusrem omrokonttokacher poddlem.

Dokxoigonevighvoms[बदल]

dokx hea prozapotik zaiteo dhuvo axil'leo. Tatuntoli ek soti. Tinnem bapaichea monavirudhd xivakodden logn kelem. Ek khepe hea dokxan yogone kelo ani xivak apoilo na. Dekhun dokxak xason korpakhatir tannem virobhdr utpon'n kelo. Hea virobhdran dokxachea yogoneachi naxaddi keli ani devank bondkhonnint ghale. Tem polloun dokxan xivak yogonebhoktritvacho odhikar dilo ani to xivbhkt zalo. Dokxoigoneant sotin dehteag kel'leachi kothai purannant asa.

Vixpraxon[बदल]

somudromonthonantlean utpon'n zal'lem holahol vikh sogllea zogak zallit suttlem. Dekhun sogllea devamni mellun xivak ulo marlo. Xiv thoim ailo ani tannem zogak sonkttantlean soddoupa khatir tem halahol pielo. Tea vikhachi xivak bada zalina. Fokot tacho golloch kallonillo poddlo. Devamnim taka to gollo tosoch sanglem. Hea prosongan xivak nilgrivo, nilkontth oxim namvam mell'llim. Hi kotha sogllea purannant sarkich asa.

Modnodohon[बदल]

xiv himaloyacher top kortalo. Dusrea zolmant soti parvoti zali ani ti-i xivak melloupakhatir himaloyacher top korit bosli. Tea doganchyai lognosombondantlean zolmupi skond namvacho put devancho senapoti zaun tarkasurak martolo axil'lo. Dekhun devankuy tanchem logn zal'lench zai axil'lem. Xivachem lokx parvoti kodden oddpakhatir tamnni modnak nemlo. Modnan xivachem xorsondhamn kelem. Ten'na xivachem mon voll'llem ani hem kiteakhatir zalem tacho sod ghetna taka modon dislo. Xivak tachi tiddok aili. Tachea dolleantlean ujeache loll bhair sorle. Tea lollant modnachem lasun bhosm' zalem . Magir taka top korpi parvoti disli. Ticho nirdhar polloun to tichekodden logn zalo. Parvotin magir xivak modnak jivo korpak sanglem. Xivan taka sukxm' rupan, onong-rupan jivit kelo.

Ondhkasuroudh[बदल]

he kothent xivachem ugr he kothent xivachem ugr ondhok devank khub tras ditalo ani tannem ek fautt parvotichem ophoronn korpachoi otiprosong kel'lo. Jen'na xivachem ani tachem zhuz zalem ten'na ondhkachea angatlean gollpi dor eka rogtachea thembeantlean ondhok nirmann zaupak lagle. Ten'na xivan mahexrvori devi ani tichevangodda matrika nirmann keleo. Hea deutamni ondhkache rogta thembe voilea voir chattpak survat keli. Magir xivan ondhkak marlo.

Xivprotima[बदल]

i.So. Chea panchvea xenkddeaposun teravea xenkddeameren dexant zaiteo xivprotima ani lingprotima ghoddoileo. Heach kalkhonddant xoivmotacho khub prosar zalo. Zaite xoiv somprodai ekouttit zale. Xivopasona samany lokam'meron pauli. Xoiv kxetranchoi vikas zalo ani hem sogllem kary xoiv purannokaramni kelem. Hea kalkhonddant purannokt pod'dotin xivmurti ghoddpak lagleo. Xivachim zaitim purannpronnit upasy rupam axil'lim. Tanchea mukhel rupantlean zaitim gounn rupam-i nirmann zalim. Kolakaramni tancheoi murti toyar keleo. Tatuntleo kaim namnoncheo murti oxo asat.

Nottrazomurti[बदल]

hea rupant xivan nach-nattyokola prourtit keli oxi dharnna asa.To apunn ek parongot nachpi axil'lo ani tachea nachan vixrvoveaparak chalna melltta. Hea bhumikentolo xiv char bhuzancho asta. Tannem davo pam-i ukhlun ujveutten ghoril'lo asta. Tacheo zotto rotnalonkrit astat. Kexbondhant kopal, sorop, chondrim' ani potromala astat. Tachea bhomvtonni probhauloi asta.

Ordyonarixrvoromurti[बदल]

he murticho davo bhag dadleacho asta. Tache tokler zottazutt, golleant vasuki sorop, hatant somonddolu va norkopal ani dusrea hatant trixul asta. Angacher katddem pangril'lem asta. Ujvem ang bailechem asta. Tiche tokler mukutt, gollo ani bhuzam hatunt olonkar ani komrak odhoustr asta. He murticho dexant boroch prosar zal'lo.

Dokxinnamurti[बदल]

xivachem hem samany monxachem rup asa. Hea rupant xiv ubo va boxil'lo asta. To char bhuzancho asta. Oxe murtichea bhomvtonni zaite fautti zonauram, sorop ani yotimuni astat. Ken'na ken'nai porvotuy lagim astat.

Koleannosundoromurti[बदल]

hea murtikoronnant xiv-parvotichea lognacho suvallo dakhoil'lo asta. Modhyoyugin kolecho ho ek sobit nomuno asa. Hanche bhair bhikxatton, somskond, trimurti, mohex, sodaxiv, lingodbhou oxo anikuy kaim xivmurti sampddottat. Heo murti koxo ani kitleo korcheo hache nemuy purannant ani xilpoxastrauylea gronthant dil'le asat.

Dor eka mhotvache deutek ek porivar asta. Hea porivarantleo vyokti gounn oxo deutach astat. Tachem gunnokrm' samanyoponnan mukhel samanyoponnan mukhel asta. Xivakuy ek vhodd porivar asa. Tatunt parvoti, gonnpoti, skond, nondi, chonddix, virobhdr, bhoirou, bannasur, raunn, bhringi, ritti sarkil'leo anikuy kaim vyokti yetat.

Videxantolem xoivmot[बदल]

i.So. Chea 13 vea xenkddeachea xeuttak bhartant ek dhormik somprodai hea svorupant xoivmotacho purai vikas zal'lo. Punn hem xoivmot bhartapurotench moreadit urlem na. Bhartabhairuy tacho prosar zalo. Somratt oxokachea kallant nepall, tibett, bromhodex ani simholdvip hea dexant boudhd dhorman aplim pallam'mullam ghott'tt kel'lim. Punn nepallant jen'na boudhd dhorm' na zalo ten'na thoim xoiv ani voixnnou somprodayamni apli zaga ghott keli. Nepallant aizuy xoiv mot prochlit asun thoinchem poxupotichem sthan hi tachi govai asa. Tibettantuy kaim xivachim deullam asat. Hind-chinantlea xoiv motacho ul'lekh poilean poilim chompantlea i. So. 400chea chohdin xilalekhant sampddotta. Thoincho raza xivopasok axil'lo. Panchvea xenkddeantolo xombhuvrma razacho maison xilalekh xivvixoikoch asa. Sovea xenkddeachea ut'torardhant chompachea prokaxodhrma hea razan ek deullant xivlingachi sthapna kel'li.

Zavant bramhonnidhrmacho prochar purvil'lea kallaposun axil'lo. Satvea xenkddeant thoim zaitim xivachim deullam do.Bharti-i pod'doticher nirmann zal'lim. Bali dvipantoi xoiv mot probhavi axil'lem. Thoim xivachim zaitim mukhlingam polloupak mellttat. Him lingam teravea va choudavea xenkddeantolim asat. Sumatrantolem xoiv mot zavantleapromannuch axil'lem. Molayantuy xiv, gonnex ani devi hancheo murti sampddottat. Tacheuylean thomyuy porivaravangodda xivopasona prochlit axil'li oso odmas kaddum yeta.

Polleiat[बदल]

Shiva

Chitr Prodorxonn[बदल]

Sondorbh[बदल]

"https://gom.wikipedia.org/w/index.php?title=Shiva&oldid=200002" चे कडल्यान परतून मेळयलें