Aligarh

विकिपीडिया कडल्यान
 
Romi
   
Moat at the Aligarh Fort
General Lord Gerard Lake who oversaw the Battle of Ally Ghur
Aligarh Muslim University Masjid

Aligarh Ut'tor prodex rajeantlea oligoddh jilheachem mukhel tthannem. Loksonkhea 5,91,337 (1981). Ut'tor relvechea dil'li-kanpur margacher dil'li saun udent-dokxinnek 126 kimi.Ontracher hem xar asa. Grondd ttronk hea raxttri-i mohamargavelem hem mukhel sthanok. Hea xarachem mull namv ‘koil’ axil'lem. Chondrounxantlea koxakh namvachea kxotriy razan hem xar vosoil'lem. Hea xarachea koil namvavelean ek dontkotha asa ti oxiH hea vattharant kol namvacho rakes rautalo. To khub majil'lo. Dekhun taka bolaraman jito marlo, ani hea xarak ‘koil’ hem namv poddlem.

Baravea xenkddea merenchea itihasachi khobor mellna. Baravea xenkddeant musloman hea xaracher chal korun yeuchem adim hanga ddor rajputanchi sot'ta choltali. Tamnni hanga ek kil'lo bandil'lo. 11194 vorsa kutbud'din oibok hannem koilacher zoit zoddlem. Sollavea ani sotravea xenkddeant hea kil'leak ‘mohm'modogodd’ ani ‘sabitogodd’ oxim namvam poddil'lim.

Otthravea xenkddea meren hea kil'leacher muslomananchi sot'ta choltali. 1757 to hea kil'leacher zattamni zoit zoddlem ani hea kil'leak ‘ramgoddh’ oxem namv dilem. 1759 vorsa mojfokhanan zattank haroun ho kil'lo ghetlo ani taka oligoddh hem namv dilem. 1784 vorsa ho kil'lo xindeanchea sot'tekhala gelo ani 1803 vorsa xindeam koddsun brittixam kodden gelo.

1865 vorsa saun hanga nogropalika asa. Hanga sorkari kochereo, xalla, hospittol,gronthaloi, ghoddeallacho monoro, moxivi, dorge asat. Soiyod ohmod hannem kaddil'lea oligoddh muslim' videapitthan xikxonnkxetrant hea xarachem mhotv vaddlosam. Hanga kapsacheo ani tel gallpacheo girnni asat. Bhartant choddant chodd kulpam oligoddh xarant toyar kortat.

Polleiat[बदल]

Aligarh,_Uttar_Pradesh

"https://gom.wikipedia.org/w/index.php?title=Aligarh&oldid=198967" चे कडल्यान परतून मेळयलें