Holi

विकिपीडिया कडल्यान
 
Romi
   
Holi celebration at Sri Radha Krishna Temple, Spanish Fork, Utah, United States.
Holika bonfire in front of Jagdish Temple in Udaipur, Rajasthan, 2010

Holli ho hindu dhormantolo ek namnecho lokutsou. Holli hea utsovak zaitim namvam asat. Ut'torent haka hori, moharaxttrant holli va ximog ani konkonn - gõyant xigmo oxim namvam asat.

Holli monoupafattolem karonn[बदल]

Holli monoupafattole ji akheayika asa ti oxi, hirnnyokoxop ho rakxosancho raza axil'lo to apnnak devo mhunn lokank sangtalo. Konney zor devachem namv ghetlem zalear to tanka martalo. Hirnnyokoxopochi bail koyadu hi vixnnuchi bhokt asta. Hirnnyokoxop ho taka tachea rajeant devachem namv legit naka oxem mhonnttalo ani hakanch lagun devo vixnnu koyaduchea pottantlean zolm' gheta ani tachem namv asta prolhad. Ho prolhad bhurgemponnapasunuch vixnnucho bhokt asta tachea tonddar fokot narainn narainn hachoch uchchar astalo tem aikun hirnnyokoxopak khub rag yetalo prolhad kitem-i kelear apnnalea tonddatlean vixnnuche namv soddinasolo ani hakacholagun hirnnyokoxopan taka marpacho zaito proitn kel'lo. Punn protyek fautti vixnnu taka vachoitalo. Hirnnyokoxopak kitem korchem kainch somzona zaun to hiddimba ji hirnnyokoxopochi bhoinn axil'lim, jika vixnnun vor dil'lo asta tu ken'nach ujean bhosm' zauchina punn zor tor tuven hea voracho durupoyopog kelo zalear tu bhosm' zatli hi hiddimba aplea bhavak hirnnyokoxopak sangta hamv prolhadak gheun ujean bosta ani to lasun votlo punn apleak kainch zauche na. Oxem zata ki tich ujean bhosm' zata karonn tinne tichea voracho durupoyog kel'lo asta ani ti ujean bhosm' zata vaitt soglle ujean zollun gele oxem somzun sogllea lokank anond zata ani holli ho sonn monoupak hea disachean survat zata. Soglle lok ekttham-i zaun eke suvater baram vorancher holli pettoitat. Ek abeacho khando kapun haddttat ho khando haddttona zaiteo galli marit haddttat to abeacho khando modi haddun dourotat ani lakddam tachea sorbhoutonni dourotat ani hanka fulamni sozoitat. Hollyechi puza hi vattun dil'li asta. Holli zaucheam char dis poili hea suvatemvoilem lok boska ghetat. Lokanchi namvam boroun chitteo ghaltat. Te chittyen konnache namv ailam tanne hollyem disa puza ani pujecho her khorch korcho poddtta. Lokankoddlean denngi vhortat lok khoxyen hollyekhatir tanka zata title poixe ditat. Hollyedisa sokalli jea konnak hi puza ailea tanni hollyekodden xenn kaddun rangolli ghalun hollyek fulamni sozoun tichi puza korchi poddtta. Sanjeche hangsor bhurgeankhatir vexbhuxam sort zata. Tachea uprant nachachi sort dhakttoya ani vhoddlea bhurgeankhatir zatat. Tachea uprant bailankhatir kaim sorti douril'leo astat uprant inama bhettounn suvallo zata.Magir ratchea bara vorancher arti korun sogllizannam hollyek payam poddttat.Lokak prosad, tirth vaddttat ani uprant holli pettoitat. Holli pettoun zalea uprant lok sogllem ghoram votat ani dusroya disa sokalli rongponchomi monoitat lok ekamekanger vochun ekamekank rong laitat ani hollyechi porbi ditat. Tachem uprant magir bhurge, zanntte ddhol, taxe gheun ghoranghoramni bhoutat ani hollyecho anond lutt'tat. Toxech rostean je lok bhoutat tankaim rong laitat ani tanka porbi ditat. Oxem toren holli ho lokutsou vhodda umedin maitat.

Polleiat[बदल]

Holi

"https://gom.wikipedia.org/w/index.php?title=Holi&oldid=199408" चे कडल्यान परतून मेळयलें