Bhaskaracharya

विकिपीडिया कडल्यान
 
Romi
   

Bhaskaracharya Ppurvil'lea bhartachea gonnit itihasant don bhaskorachary zaun gele.Tatuntolo dusro bhaskorachary ho bhortantolo ek budvont ani soglleant kolpok oso gonnitotgone zaun gelo.Poilea bhaskorachareavixim choddxi mhaiti mellna.Poilo bhaskorachary sumar i.So.475 hea kallant zaun gelo.Tannem gonnitavangoddach ovkax xastrantuy vaur kel'lo asa.Hem bhair tachevixim anik kainch mhaiti mellna.Dusro bhaskorachary ho i.So.1114 vorsa kornattokantlean bizapur lagsarchea bijzodabida hea gamvant zolmolo.Tachem ghor poilim saun huxar oxea vidhdananchem aslem.Taka tacho bapuy mohexrvor hache koddlean mullavem xikxonn mell'llem.Aplem xikop somptokoch bhaskorachary ujzoinik gelo,thoim tannem brohmoguptache ovkax xastrache proyog xallent sonxodhon vaur suru kelo.Brohmoguptacho vaur fuddem vhorpak tache fattlean bhaskorachary ho poilo goऩitotgone aslo.

Bhaskoracharyocho choddso vaur ovkaxoxastr,onkogonnit,mejmapoxastr ani bijgonnitacher asa.Tachem soglleant chodd gajil'lem pustok mhollear sidhdant xiromonni hem pustok tamem i.So.1150t boroil'lem.Tachea kaim her pustokam modim koronn kukuttol,soim' sidhdant xiromonni,golaidhyai rosgunn,suryosidhdant hancho aspavo zata. Punn hatuntolem ekuy pustok aiz upolbdh na.Fokot sidhdant xiromonniche char odhyai chhapi svorupant pollounk mellttat.Lilauti,bijgonnit,golaidhyai ani grohnnit oxe te char odhyai zaun asat,oxem mhonnttat,bhaskorachary haka lilauli namvachi ek hixar dhuv axil'li ani tika ghal'lim gonnitam lilautim hea odheayant aspaul'lim asat.

Onontacho (infinity)vichar fuddem haddpi bhaskorachary ho somvsarantolo poilo gonnitotgone.Xretrofoll ani ghontai kaddpacheo vegveglleo riti bhaskoracharyochea namvar asat.Jeo ozunuy khub kodden vaprotat.Tachea grohgonnit hea odheayant rolcho sidhdant(Rolles Theorem),pelchem somikoronn (Pells Equation)hanche sarke vixoi pollounk mellttat.Hache voileanom' oxem dista,ostontekoddlea dexampoilim bharot dexant gonnitachi poili udrogot zal'li.Trikonnomiticher bhaskoracharean moladik vaur kel'lo.Aiz gonnitant chalont axil'le kitlexech prosn sompe ritin soddoil'leachem bhaskoracharyoche borpaullint dixtti poddtta.

Dhortorecho akar vattkullo asa oso sidhdant bhaskoracharean golaidhyai hea gronthant manddla.Aiz soglleank khobor axil'lo nyuttnacho gurut'tvakrxonnacho nem' bhaskorachareachea borpamni dharnnikatmok xokti mhonnun dil'lo asa.Sury sidhdantant trikomnnomitintolem sainochem koxttok (sine table) dil'lem asa.Paithagorosachea sidhdantachem khoremponn (proof)trikonnache kuddke korun dakhoupachi rit (direction method)bhaskoracharean vapril'li asa.Tebhair torepovar somikoronnam,bhumitiche vedvegolle prosn,pai chem mol,oxa vingodd vingodd vixeancher bhaskoracharean borop kelam.Aryobhtt'tt,brohmogupt,xridhor,podmonath hanchesarkea bharti-i gonnitotgoneachem kary bhaskorachary-dusro hannem kelem.

Polleiat[बदल]

Bhāskara II

Līlāvatī

"https://gom.wikipedia.org/w/index.php?title=Bhaskaracharya&oldid=199120" चे कडल्यान परतून मेळयलें