Bhadrakali
Romi
|
Bhodrokali he devichem ek rup. Bhodr mhollear mongolprod oxem je kalichem rup, ti bhodrokali oxi tichi veakhea asa. Tiche utpot'tivixim khub kotha asat teo oxo
1. Ekdam parvotin xonkracho opman kelo dekhun xonkran tika xap divn bhumyer dhaddli. Tich hi bhodrokali. Xivan doiteanchea bondobstachem kam' tika dilem.
2. Axrvin xudhd oxttomik bhodrokali kotteamni yoginimsoit dokxoigoneachea vidhvomsakhatir utpon'n zali.
3. Raunnache bhoktik bhulun xivan taka atmolingavangodda parvoti-i dili. Raunn parvotik gheun lonkek vota astona tinnem vixnnucho dhavo kelo ani vixnnun brahmonnachem rup gheun raunnachi vatt addaili. Tannem raunnak vicharolem. 'hi kallikitt'tt ani bhoyanok bail gheun tum khoim vota? ten'na raunnaun taka ti tribhuvnosundori parvoti axil'leachem sanglem. Punn jen'na brahmonnan taka, khandeavoilean demvoun polloupak sanglem ten'na raunnak ti kho-yamnich kalli kurup disli. Tannem taka thoinch uddoili ani to xivakodden zhogddopakhatir koilasacher gelo. Ti bail zom-i ubi rauli thoinch bhodrokali hea namvan namnek pauli. Ti suvat mhollear gokrnn-mohabollexrvor.
Sundor rup, otthra bhuzanchi, tin dolleanchi, char ximvanchea rothant boxil'li, okxomala, trixull, khoddg, chondr, bann, dhonnu, xonkh, podm', struk, struv, komonddolu, dondd, xokti, ogni, krixnnajin, zolani rotnapatr heo voltu dharonn kel'li ani ek hat obhoi mudrent, oxem' tichem vornnon vixnnudhrmot'tor purannant sanglam.
Kainkodden ti solla bhuzanchi zalear kainkodden dha bhuzanchi-i asa, oxem sanglam.
Dokxinnentlea gamvgi-ya vattharamni tika kaliym'ma va kalm'ma mhonnun vollkhotat. Dokxinnent sodanch tichi nrityomurt kortat. Te murtichem dhean oxem sanglam. Sorpachem vettallem axil'lo jvaliyukt mukutt, sogllea angantlean ujeacheo jvalo, koplacher bhosm', don vhodd bhair ayil'le dant, dha bhuzanchi, char hat rite asun her so hatamni pax, xuk, bhalo, ddomru, xull ani ogni asta. Tiche bhomvtonnim vighnexrvor, virobhdr, oghor he tin devo astat.
Soglleak bhodrokalichim deullam asat. Moharaxttrant tika gramdeuta mantat. Nasik hanga tichem devull asa. Thoim tichi murt atth bhuzanchi asun ti vagacher boxil'li asa. Vorongoll hanga bhodrokalichi nnou futt unchayechi murt asa. Ticho ek pam-i moddeacher asa. Kakti-i rajvonxachi ti kuldeuta axil'li oxem mhonnttat.
Chidomboromak nachache sortint xivan tika haroili, dekhun ti mathear xivling dharonn korta, oxi kotha asa. Mohixasurak bhodrokalinuch marla, oxem-i kainkodden mhollam.