श्रीपाद कृृष्ण बेलवलकर

विकिपीडिया कडल्यान

श्रीपाद कृष्ण बेलवलकर हे व्हड प्राच्यविद्यापंडीत.

जल्म[बदल]

हांचो जल्म नरसोबाचीवाडी ह्या प्रसिध्द क्षेत्राचेर 10 डिसेंबर 1880 ह्या दिसा जालो.

. तांचे मुळावे शिक्षण कोल्हापूर लागींच्या हेर्ले ह्या गांवांत जालें. माध्यमीक शिक्षण कोल्हापूरच्या राजाराम हायस्कूलांत आनी महाविध्यालयीन शिक्षण कोल्हापूरच्या राजाराम महाविघ्यालयांत आनी पुण्याच्या डेक्कन कॉलेजांत जालें. 1902 ह्या वर्सा ते इंग्लिश आनी संस्कृत हे विशय घेऊन बी.ए. जाले. ते उपरांत डेक्कन कॉलेजींत फेलो (1902-04) जाले. त्याच काळांत शेली आनी वड्स्वर्थ ह्यांच्या काव्याचेर बरयिल्ल्या तांच्या निबंधाक मुंबय विध्यापिठाची होमजी करसेटची दादी पारितोषिक मेळ्ळें. मागीर इंग्रजी-संस्कृत ; इतिहास-राज्यशास्त्र ; ग्रीक आनी युरोपीय तत्वज्ञान अशे विशय घेवन तांणी एम.ए.ची पदवी तीन फावटी मेळयली. हो तांचो मुंबय विद्यापिठांतल्या इतिहासांत एक विक्रम आसा. तांणी अमेरिकेंत वचून प्राध्यापाक लॅनमन हांच्या मार्गदर्शना खाला पीएचडी ही पदवी घेतली. झाला वेदान्त पारितोषिक आनी तत्वज्ञानाचे तेलंग सुवर्णपदक तांकां मेळ्ळें. कांय काळ शिक्षकाची नोकरी केले उपरांत डेक्कन कॉलेजात क्युरेटर ह्या पदाचेर तांची नेमणूक जाली. थंय आसतना त्या कॉलेजच्या संग्रहातील व्याकरणविषयक हस्तलिखितांची पयली वर्णनात्मक सुची तांणी तयार केली;- तातुंतल्यानूच तांचो सिस्टिम्स ऑफ संस्कृत ग्रामर हो सोद निबंध सिध्द जालो आनी ताका मुंबय विध्यापिठाची मुडलिक सुवर्णपदक मेळ्ळें. श्रीपाद कृष्ण बेलवलकर हांकां 8 जानेवरी 1967 वर्सां पुण्यांत मरण आयलें.