चाली चॅप्लीन

विकिपीडिया कडल्यान

सर चाल्स स्पेन्सर चॅप्लिन, ज्युनियर, म्हळयार चाली चप्लिन हाजो जल्म लंडन हांगासर दि. 16 एप्रिल 1889 या दिसा जालो. ताज्या भुरगेपणांतूच आवयन ताका नाचपाक-गावपाक शिकयल्लो. ताचया भुरगेपणांतूच बापूय भायर पडिल्लयान आनी आवयचे मनोविकतीक लागून ताका सातव्या वसांचेर हे कलेची जियोवपाखातीर ताका शिकप घेवप जमलेना. पिरायेच्या सतराव्या वसा ताचो भाव सिडनी हाणे चालसाक प्रवेश मेळोवन दिलो. तकलेर डर्बी हॅट, मिशयो आनी हातांतली बडी हया ताच्या विचित्र भेसाक लागून चार्लस 1917 वस म्युच्युअल कंपनीखातीर ताणे तयार केल्ले ‘वन ए. एम ’ ‘दी पिलग्रीम ‘दि क्यूअर,इजी स्टीट आनी दि इमीग्रॅट हे चड वास्तववादी आनी उपहासात्मक चित्रपट आशिल्लें. द ग्रेट डिक्टेटर (1940) आनी मस्यू व्हेर्दू (1947) ह्या चित्रपटांनी ताका भरपूर नामना मेळोवन दिली . 1952 तलो लाइम लाइट आनी 1957 तलो ए किंग इन न्ययाँर्क हे ताचे चित्रपट बरेच गाजलें . तातूंतल्या लाइम लाइट चित्रपटाक 1973 या वर्सा आँस्कर पुरस्कार मेळ्ळो. चॅप्लिनाची खाजगी जीण बरीच घुस्पागोंदळाची आनी अस्थिर मतप्रणालीचो प्रसार करपी अशी टिका ताचेर जेल्लयान ताणे अमेरिकन नागरिकत्व न्हयकारलें आनी 1953 सावन तो आपली चवथी बायल आनी स भुरगीं हांचेवांगडा जिनिव्हा (स्वित्झरर्लड) हांगा रावपाक लागलो. मार्च 1975 या वर्सा राणी एलिझाबेथ हिंणे नाइटहुड दिवन ताचो भोवमान केलो. हो म्हान नट दि.25 डिसेंबर 1977 या क्रिसमसादिसा क्रिस्तवासी जालो.

"https://gom.wikipedia.org/w/index.php?title=चाली_चॅप्लीन&oldid=201227" चे कडल्यान परतून मेळयलें