देवकी पंडित
देवकी पंडीत संगीत क्षेत्रांतले जाणकार आणि गिन्यानी हाणी तोखणायल्ले येक नाव म्हऴ्यार. दि.06 मार्च 1965 या दिसा देवकी पंडित हिजो जल्म येका सांगितीक घराण्यांत जालो. संगीत श्रेत्रात भौमानेस्त जाल्ल्या पंडितांच्या तिसर्याव पिळग्येचें प्रतिनिधित्व देवकी करता. देवकीन आपले सांगितीक शिश्रण ताजी आवय उषा पंडित हांच्याकडल्यान घेतलें. ताज्यामागीर दवकिले शिश्रण पिरायेच्या नवव्या वर्सासावन देवकीन पंडित वसंतराव कुलकर्णी हांच्यालागी संगीत शिकपाक सुरवात केली. ताज्याउपरांत किशोरीताई आमोणकार, जितेंद्र अभिषेकी हांच्यालागी ताजे शिश्रण जाले. फुडे बबनराव हळदणकार,डॉ. अरूण द्रविड हांच्याकडेनलेगीत ताजे शिश्रण जाले. हाका लागून देवकीलो गळो शास्त्रीय संगीतापासून सुगम संगीतामेरेन किदेंय गावं शकता. सुराविशीं आशिल्लो काटेकोरपणा, परखडपण हाजे मूळ देवकील्या रियाजांत सापडटा. पंडित वसंतराव कुलकर्णी हांच्याकडेन शिकत आसताना ताणी आदीच्या गायकांविशि, ते कशे बारा बारा वरां रियाज करताले हाजी येक गजाल सांगली. ल्हान देवकीन ती इतली मनार घेतली की, ताणे सतत दोन म्हयने फक्त रियाज केलो. इतलो व्हड रियाज केल्ल्या कारणात ताजो आवाज बंद जालो. फुडली तीन वर्सा देवकीक गावपाक मेळूंक ना. या मजगती देवकीन खूब्ब गाणी आयकलीं, तंबोरो कसो लावप, तबलो आनी हार्मोनियम हाजे शिश्रण घेतलें. संगीताक सामके समर्पीत जिणे जगपी देवकी पंडित आयज नव्या गायकांचो आदर्श जावन आसा.