अभिनव बिंद्रा

विकिपीडिया कडल्यान

अभिनव बिंद्रा हो एक भारतीय ओलिम्पिक्सांत भांगराची पदक मेळोवपी, खेळांतल्यान निवृत्त जाल्लो शूटर आनी वेपारी. तो पयलो आनी एकलो दोगां भारतीय खेळगडयांमदलो भारतीय भांगराची पदक जिखपी. २००८ ‘समर ओलिम्पिकसांत बेजिंग हया शारांत सामान्य दादल्यांच्या धा मिटर ‘एर राइफल’ प्रसंगाच्या ओलम्पिकसांत माथाळो जोडपी पयलो भारतीय खेळगडी. इतलेंच न्हय तर बिंद्रान ७ पदकां राष्ट्रकूल खेळांनी जिखून घेतल्यांत आनी तशेंच एशियन खेळांनी ३ पदकां आसपावल्यांत. तो सद्या ‘आय ओ सी’ ‘एशियन कमिशन’ हाचो वांगडी आसा. २५ वर्साच्या पिरायेर तो ओलिम्पिक्सांचो चॅम्पियन जालो. तशेंच एर राइफल शुटिंग २००६ हातूंत विश्र्व चॅम्पियन जालो. ताका जगरेब आनी पेरिस हया गावांनी विश्र्व भांगराची पदकां फावो जाली. हालींच ताणें कोविड-१९ उपरांत खेळ कशे जातले ताचेर एक बरी राय दिल्ली.ताणें म्हणलें की खेळ लोकांक सांगाता हाडटा.भारतांत आशिल्ल्या हजारानी दर्कशांच्या आनी भागीदारांच्या तोंडार हांसो हाडटा.फुडाराक संरक्षणाचेर आनी बचावाचेर चड भर दितले पूण खेळाचे प्रती आकर्शित जातले.कोविड-१९च्या गजालीची स्थिती भारतांत फायदो हाडपाक शकता. घडये जायते विदेशी टूर्नामेंट आनी शिवीर जावचे नात आनी हातूंतल्यांन भारतांत आशिल्ल्या खेळांक बुनियाद तयार करपाक एक संद मेळपाक शकतली.

व्यक्तिगत जिवनप्रवास[बदल]

अभिनव बिंद्राचो जल्म देहरादून, उत्तराखंड एका पंजाबी फामिलिंत २८ सप्टेंबर,१९८२ वर्सा जालो.ताच्या आवय बापायचें नांव बबली बिंद्रा आनी अपजीत बिंद्रा.तशेंच ताच्या भयणीचें नांव ‘दिवया बिंद्रा’.ताणें आपलें मुळावें शिक्षण देहरादूनच्या ‘दून विद्यालयांत’ आनी चंदिघरच्या ‘सांत स्टीफन्स विद्यालयांत घेतलें.तशेंच ताणें आपल्या कारभार प्रशासनाची शिकवण ‘कोलोराडो बोल्डर’हांगां घेतली. ताणें १५वर्सांच्या पिरायेर शुटिंग करपाक सुरवात केलें. ताच्या वडिलानी ताची नेमबाजी पळोवन ताका घरांतूच शूटिंग रेज बांदून दिली.१६ वर्सांच्या पिरायेर, सन १९९८च्या राष्ट्रकूल स्पर्धेत तो सहभागी जाल्लो,तेन्ना तो सगळ्यांत ल्हानांतलो खेळगडी आशिल्लो.ताणें आपली आपजीण ‘हापर स्पोर्ट’ हया पुस्तकांत उजवाडायल्या. हातूंत ताका सह-लेखक रोहीत ब्रिजनान अकटूंबर २०११ वर्सा सांगात दिला.हया पुस्तकाचें प्रकाशन ‘यूनियन स्पोर्ट मिनिस्टर अजय मकेन हाणें अकटूंबर २७,२०११ हया दिसा नवी दिल्लीच्या एका समारंभात केलें. त्या पुस्तकाक जायते सकारात्मक नेमाळे फावो जाल्यात.

खाशेले अन्तराष्ट्रिय प्रयोग[बदल]

बिंद्रा हो एक भारतीय वेपारी. तो ओलिम्पिकामदें वेयत्किक सुवर्ण जिखपी भारताचो पयलो खिळाडी म्हूण ताणें नामना जोडल्यांत.१९९८ वर्सा १५ वर्साचे पिरायेर बिंद्रा राष्ट्रकूल खेळांत सगळ्यांत तरूण पिळगेचो वांटेकार आशिल्लो.२००० समर ओलिम्पिकसांत ‘सिडणी’ हांगां लेगीत तो तरूण पिळगेचो वांटेकार आशिल्लो.हातूंत ताणे ५९० आंकडो आपणायलो.जातूंतल्या पात्रताय डाव्यांत तो इकराव्या सुवातेर आशिल्लो. हया मेळिल्ल्या आंकडयांत तो अंत्तीम डाव्यांत वचूंक शकलोना.२००१ वर्सा अन्तराष्ट्रिय सर्तीत ताका पयली भांगराची पदक फावो जाली.ताका ६ भांगराची पदकां अन्तराष्ट्रिय भेटेक दिली तशेंच ताका ‘मेजर ध्यान छंद खेळ रत्न पुरस्कार भारताचो सगळ्यांत व्हडलो पुरस्कार लाबलो. २००२ राष्ट्रकूल खेळांत मेनचेस्तर हांगां एर राइफल प्रसंगात भांगराची पदक फावो जाली. सगळ्या अन्तराष्ट्रिय पावडयांचेर ताची उदरगत जाल्या उपरांत २००६ ‘आय एस एस एफ वर्ल्ड शूटिंग चेम्पियन’ हो माथाळो ताका फावो जाल्ल्यान २००८ समर ओलिम्पिकसांत वांटो घेवपाक ताका संद मेळ्ळी.२००८ ओलिम्पिकसाची तयारी करतना ताच्या फाटीक गंबीर जखम जावन एक वर्स सुमार ताका राइफल उखलपाक लेगीत जालें ना. २०१० वर्सा राष्ट्रकूल खेळांत नवी दिल्ली हांगां ताका उक्तावन सुवाळ्याक झंडो धारण करपी व्यक्ती म्हूण मान दिलो.२०१४ वर्सा ग्राल्संगो हया गावांत राष्ट्रकूल खेळांत ताका भांगराची पदक फावो जाली.२०१६ हाच्या समर ओलिम्पिकसांत रियो दे जानेंरो हांगां १० मिटर एर राइफल प्रसंगात शेवटाक चवथो येवन आखरेचो वांटो घेतलो. ताणें आतांपर्यांत भारतांत ओलिम्पिक स्पर्धेत १० सुवर्णपदक जिखल्यांत.

व्यापाराचो आयुश्यक्रम[बदल]

बिंद्रान कोलोराडो हया विद्यापिठांत वेपार प्रशासन हातूंत विद्यापिठाचे पयले पदवेचो पांवडो घेतला. तो ‘अभिनव फ्यूचरिस्टिक्स प्रायवेट लिमिटेड’ रचणूकेचो ‘सि.ई.ओ’ आसा. ए.बी.टी.पी वांगडा स्पोर्टस विज्ञान आनी प्रस्तांव शारीरिक वखद तशेंच पुनर्वसन केंद्र, हे रचणूकेंत ५००० पैलवाण आनी वैजकी पेशंटाची ताणें सेवा केली. अभिनव बिंद्रा फाउंडेशन हाचेखाला दाव्याक फायदो फुडारकार, पैलवाणाक ताणें स्पोर्टस तंत्रगिन्यान आनी उच्च प्रयोगांत शारीरिक प्रशिक्षण फुकट दिलां.खुबश्या पैलवाणांक दुसऱ्या-दुसऱ्या स्पोर्टसांत, जशें की स्विमिंग, बॅडमिण्टन,बॉक्सिंग आनी पेरा एथलेतिक्स हातूंतल्यांक हे संस्थेचो खूब फायदो जाला.तो आय ‘एस एस एफ’ आनी ‘आय ओ सी’ पैलवाणाच्या कमिश्नाचो वांगडी आसलो,जातूंत ताणें पैलवाणांच्या मानसीक भलायकेचेर, दुडवांच्या थिरायचेर आनी एन्थप्रिनर्शिप फुडारकाराचेर विकास करपांत काम केलां.

पुरस्कार[बदल]

  1. २०००- अर्जुना पुरस्कार
  2. २००१- राजीव गांधी खेळ रत्न पुरस्कार ( भारताचो सर्वोच्च क्रिडा पुरस्कार)
  3. २००८- एस. आर.एम विद्यापिठांतल्यान ताका ऑनररी डॉक्टरेट पुरस्कार मेळ्ळो.
  4. २००९- पद्माभूषण (२२ वर्सांच्या आयुशांत १५० पदकां आसपावन तो भारतीय सरकारा सकयल ‘पद्माभूषणाचो’ पुरस्कार घेवपी मनीस)
  5. २०११- ऑनररी लेफ्टिनेन्ट कर्णेल भारतीय सैनाच्या वतीन फाव जालो.
  6. २०१८- भोवमानेस्त निळो खुरीस पुरस्कार (आय एस एस एफ’एस हाचो व्हडल्यांतलो व्हडलो मान)
  7. २०१९- काझिरंगा विदूयापिठांतल्यान ऑनररी डिरेक्टरिट पुरस्कार मेळ्ळा.

संदर्भ[बदल]

https://en.wikipedia.org/wiki/Abhinav_Bindra

"https://gom.wikipedia.org/w/index.php?title=अभिनव_बिंद्रा&oldid=205868" चे कडल्यान परतून मेळयलें