अर्नोल्डसन, क्लास पोंटस

विकिपीडिया कडल्यान
क्लास पोंटस अर्नोल्डसन

अर्नोल्डसन, क्लास पोंटस (जल्मः 27 ऑक्टोबर 1844; गोएतबर्ग, स्वीडन;मरणः 20 फेब्रुवारी 1916, स्टॉकहोम). एक नामनेची राजकारणी. नॉर्वेजियन-स्विडीश युनियनाच्यो समस्या सोडोवपा खातीर ताणें उपाट कश्ट घेतले. सुर्वेक कारकून म्हूण रेल्वे खात्यांत प्रवेश करून स्टेशन मास्टरच्या उंचेल्या पदाचेर पावलो. फुडें, रेल्वे खात्यांतली नोकरी सोडून ताणें आपलें पुराय जिवीत राजकारण आनी शांततायेच्या वावरा खातीर ओंपलें.

1881 त, रिक्सदाग हे स्विडीश संसदेंत तो वेंचून आयलो. तो एक निष्ठावान शांततावादी फुडारी आशिल्लो. नॉर्डिक राश्ट्राचे तटस्थताये खातीर ताणें फाटबळ दिलें. 1883 त, ताणें भासाभास आनी शांतताय हांच्या खातीर स्वीडीश संस्थेची थापणूक केली. 1890त, नॉर्वे आनी स्वीडन हांच्यामदीं चालू आशिल्ल्या खर संघर्शावेळा ताणें दोनूय राश्ट्रांत लोकजागृताय घडोवन हाडून शांततायेन तोडगो काडपा खातीर खूब खटपट केली. शांतताय पातळावपा खातीर ताणें केल्ल्या मोलादीक वावरा खातीर 1908 त, शांतताये खातीर आशिल्लो नोबेल पुरस्कार ताका बेजर फ्रेड्रिक हाच्या वांगडा वांटून मेळ्ळो.