कुंभार

कुंभार ह्या नांवान वळखतात तो कुमार फकत एक कारागीर न्हय तर तो एक कथाकार, इतिहासकार आनी शास्त्रज्ञ म्हणप समा आसा. गोंयच्या गांवांनी मातयेक ल्हव-ल्हव सोबीतकाय आनी आकार दिवपी कुमाराच्या चाकाचो आवाज अजुनूय आयकूंक मेळटा.

'कुंभार' उतराची व्युत्पत्ती

‘कुमार’ ही संज्ञा‘कुंभकार’ ह्या संस्कृत उतरातल्यान आयल्या, जंय कुंभाचो अर्थ ‘मातयेचें आयदन’ (pot or pitcher) आनी ‘कार’ हाचो अर्थ ‘निर्माता’ वा ‘कर्तो’ असो जाता. अशे तरेन कुमार वा कुंबार वा कुंभार हें कोंकणी उतर ह्या पुर्विल्ल्या भारतीय मुळांतल्यान मुखार आयलां. मातयेच्या आयदनांक आकार दिवपी आनी भाजपी मनशा खातीर हें उतर वापरलां.

जायत्या भारतीय भासांनी ही वेवसायीक संज्ञा तिगून उरल्या- मराठी आनी गुजराती भाशेंत कुंभार, हिंदींत ‘कुम्हार’ आनी तेलुगू भाशेंत ‘काम्मारी’ ह्या उतराचो वापर जाता.