गीता फोगाट

गीता कुमारी फोगाट (जल्म:15 डिसेंबर 1988) ही फ्रीस्टइल कुस्तीकार आसून तिणें 2010 वर्सा राष्ट्रकुल खेळांत कुस्तित भारताक पयलेच खेपे भांगरा पदक मेळयलें. तशेच ऑलिंपिक खेळां सर्तींत पात्र थारपी ती पयली भारतीय बायल कुस्तीकार आशिल्ली.गीता फोगाट हिचो जल्म हरियाणाच्या चरखी दादरी जिल्ह्यांतल्या बळी गावांत जालो. तिचो बापूय महावीर सिंग फोगाट, स्वता आदलो कुस्तिकार आनी द्रोणाचार्य पुरस्कार मेळोवपी, तोच तिचो प्रशिक्षक.

वैयक्तीक जिवीत आनी कुटूंबू

तिची भयण बबिता कुमारी आनी मामेभयण विनेश फोगाट हिवूय राष्ट्रकुल खेळांत भांगरा पदक विजेते आसात. राष्ट्रकुल खेळां सर्तिच्या 2014 वर्साच्या आवृत्तींत दोगांयनी आपापल्या विभागांत भांगरा पदकां जिखली. गीता फोगाटाची आनीक एक धाकटी भयण ऋतु फोगाट लेगीत आंतरराष्ट्रीय पांवड्यावेली कुस्तीकार आसून तिणें 2016 वर्साच्या राष्ट्रकुल कुस्ती सर्तीत भांगरा पदक मेळयला. तिची धाकटी भयण संगीता फोगाट हीवूय कुस्तीकार. 20 नोव्हेंबर 2016 ह्या दिसा तिचो वांगडी कुस्तीकार पवन कुमार हाचे कडेन लग्न जाले. ह्या जोडप्याक 24 डिसेंबर 2019 ह्या दिसाक पयलें भुरगें जालें, ताचें नांव आसले अर्जुनसरोह. फोगाट खत्रों के खिलाडी 8 सर्तीत सर्तक आशिल्ली, पूण उपरांत सर्तींतल्यान भायर पडली आनी णव्या सुवातेर आयली.

लोकप्रिय संस्कृताय

आमिर खानाचो ‘दंगल’ हो चित्रपट गीता फोगाट आनी तिच्या भयणींच्या जिविताचेर सुटसुटीतपणान आदारिल्लो आसा. ह्या सिनेमांत तिची भुमिका फातिमा सना शेख आनी तिचो धाकटो स्वता जैरा वसीम हांणी केला कुस्तीगीर पूजा धंडाक दाखयल्ली आनी ह्या सिनेमांत बबिता फोगाटाची भुमिका करपाक वेंचून काडली, जी तिका जखमी जाल्ल्यान खेळूंक मेळ्ळी ना आनी उपरांत तिणें फुडें वचून फोगाटाची वरिश्ठ भयण गीता फोगाटाक रियल लायफ नॅशनल चॅम्पियनशिपांत हारयली हें.

करिअर

2009 राष्ट्रकुल कुस्ती चॉम्पियनशीप

फोगाटान 19 ते 21 डिसेंबर 2009 ह्या काळांत पंजाबांतल्या जालंधर शारांत जाल्ल्या राष्ट्रकुल कुस्ती सर्तींत भांगरा पदक जिखले.

2010 राष्ट्रकुल खेळ

नवी दिल्लींत जाल्ल्या राष्ट्रकुल खेळांत तिणें भारताक पयलेच खेपे बायलांच्या कुस्तीत भांगरा पदक जिखलें, भांगरा पदकाच्या मॅचींत ऑस्ट्रेलियेची एमिली बेंस्टेड हिका 1-0,7-0 अशा गुणांनी मात केली.

2012 उमाशेच्या ऑलिंपिकांत

फोगाटान एप्रील 2012 इस्वेंत कझाकस्तानांतल्या आल्माटी हांगासर सोंपपी कुस्ती फिला आशियाई ऑलिंपिक पात्रताय सर्तींत भांगरा पदक जिखले. नेताजी सुभाष नॅशनल इन्स्टिट्यूट ऑफ, पटियाला हांगा मुखेल प्रशिक्षण ओं.पी.यादव आनी परकी तज्ञ रायन डोबो हांच्या मार्गदर्शना खाला तिणें खर प्रशिक्षण घेतला. फोगाटाक तिच्या सुरवातीच्या झुजांत कॅनडियन टोन्या व्हरबेक 1-3 हिणें मात केली. कॅनडियन खेळगडो फायनलींन गेले उपरांत तिका कांस्य पदक जिखपाची संद मेळ्ळी. रिपेचेज फेरयेंत तिणें युक्रेनांतल्या लाझारेवा कडेन पयली मॅच हारली.

2012 वर्सा संवसारीक कुस्ती सर्त

2012 इस्वेंत कनांडांत जाल्ल्या संवसारीक कुस्ती सर्तित फोगाटाक कांस्य पदक मेळ्ळें. पयल्या फेरयेत फोगाट रशियेचे मारिया गुरोवा कडेन झुजले आनी तिणें तिका 3:1 अशी मात केली. दुसरे फेरयेंत फोगाटाक जपानाच्या साओरी योशिदा आड 5:0 अशी हार मेळळी. जपानी ग्रापलर फायनलींत पावल्ल्यान फोगाटान रीपेचेज फेरयेंत सर्त केली, पयली कझाकस्तानाच्या आक्झिया दौतबायेवा आड तिका तिणें 3:1 अशी मात केली उपरांत युक्रेनच्या नतालिया सिनिशीना आड 3:0 अशी कांस्य पदकाची सामनो जिखली.

2012 आशिर्या कुस्ती सर्तीत

2012 वर्साच्या आशियाई कुस्ती सर्तीच्या पयल्या फेरयेंत फोगाट हिका जपानी विरोधक कानाको मुराठा कडेन 5:0 सेकंदांनी हार खावची पडली. जपानी ग्रापलर फायनलींत प्रवेश काल्ल्यान फोगाटाक कांस्य पदक फेर्येंत वांटो घेवंक मेळळो आनी मंगोलियाच्या सुमिया एर्डेनेचिमेगाक 3:1 अशी मात करून 55 किलो वजनांत कांस्य पदक जिकलें.

2016 राष्ट्रकुल कुस्ती सर्तीत

दक्षिण आफ्रिकेंतल्या जोहान्सबर्गात जाल्लया सर्तीत फोगाटान दुसरें स्थान मेळयले आनी निमाण्या मॅचीत नायजेरियाच्या ओलुवाफुनमिलायो अदेनियी कडेन हारून बायलांच्या फ्रीस्टइल 59 किलो विभागांत रूप्या पदक जिकलें.

2015 आशियाई कुस्ती सर्ती

2015 इस्वेंत दोहां त जाल्लया आशियन रेसलिंग चॅम्पियनशिपांत फोगाटान कझाकस्तानाच्या आयम अब्दिलदीना वांगडा फ्रीस्टाइल 58 किलो विभागांत कांस्य पदक जिखून तिसरो क्रमांक मेळयलो. 2015 इस्वेंत लास वेगासांत जाल्ल्या संवसारीक चॅम्पियनशिपांत णव फावटीं संवसारीक चॅम्पियन जाल्ली जपानी काओरी इचो हांचे आड तिणें बरोबरी केली आनी सुरवातिच्या फेरयेंत तिका 0-10 अशी हार खावची पडली. फायनलींत पात्र थारिल्ल्यान फोगाटाक कांस्य पदका खातीर रिपेचेजींत वांटो घेवपाची संद मेळळी. तिणें परतून आपल्या विरोधकाक तुर्कस्तानाचें एलिफ जाले येशिलरमाकडल्यान 0-10 अशी हार खावची पडली.

हेर पदवी

डेव शुल्टज मेमोरियल सर्त, 2013- रूप्या

डेव शुल्टज स्मारक सर्त, 2014- कांस्य.