जुझे रोज

विकिपीडिया कडल्यान

जुझे रोज हो एक नामवंत तियात्रीस्त.

जल्म[बदल]

‘जुझे मारीया मातायसइग्निशीयस थॉमस डिसोजा’ हांका ‘जुझे रोज’ ह्या नांवान वळखतात. तांचो जल्म 31 जुलय 1946 मुंबय शारांत जालो. ‘जुझे रोज’ हांच्यातियात्राच्या मळा वयली वाटचाल 7 वर्सांचो आसतनाच एक बाल कलाकार म्हूण सुरू जाली.

भुरगेंपण[बदल]

शाळेत आसतनाच तांणी वक्तृत्व आनी भासाभास सर्तींनी वांटो घेताले. ते इतले नशीबवान आसले की तांच्या वांगडा शिकपी भुरगे जे मुखार वचून हिंदी अभिनेता जाल्ले ते म्हळ्यार ‘सर्गेस्त जलाल आग्हा, अरूप कुमार ( अशोक कुमार हांचो चलो ) आनी सर्गेस्त विजय सिप्पी (सिप्पी फिल्मस हांचो फामाद शोले सिनमा )’. तांचो कोंकणी खातीर आशिल्लो मोग आनी तांचे मार्गदर्शक डॉ. सायमन फर्नांडीस (मुंबयचे माजी नगराध्यक्ष आनी गोवा टायम्स हांचे संपादक)हांणी आपल्या तियात्रांनी काम दिवन तांकां ल्हान वयाचेर मुखार सरपाक आदार दिलो. उपरांत सेंट झेवियर्स महाविद्यालय,मुंबय हांगां शिकतना तांणी कोंकणी मंडळाची पुर्नस्थापना केली आनी कोंकणी कार्यक्रम मुंबय ओल इंडिया रेडीयोचेर आयोजीत केलें. तांची सुरवात एक गायक आनी बाल कलाकार म्हण जाली. ल्हव ल्हव ते कोंकणी माचये वयले एक नामवंत अश्ट तासांचे कलाकार म्हण फुलत गेले.

वावर[बदल]

गितांचे बोल बरोवप आनी‘खाशिंतलो पांयम’(‘Kaxintlo Paim’ Dr. Francis Luis Gomes) , ‘पिशेंम’, बेबदें (गावपी आसा‘आन्तोनेत’) (‘Pixem’, ‘Bebdem’- sung by Antonette) ‘नोवरो’(गावपी आसा‘यांग चीकू’)(‘Novro’-sung by Young Chico) आनी फामाद उमेदिची गितां म्हणल्यार ‘बोनकाम’(‘Bonkaum’),‘पिरजेंत फेस्ताचो’, ‘सोगलें जालां धाक्टूलें’(‘Pirjent Festacho’, ‘Soglem Zalam Dhakttulem’) सारकिल्लीं फामाद गितां गावप हाचे भायर तांणी सोलो, डुयेट्, ट्रियो आनी क्वोट्स गितां रचल्यांत आनी गायल्यात. ‘जुझे रोज’ हांणी साबार तियात्र बरयल्यात आनी तशेंच तांचे दिग्दर्शन लेगीत केलां. आनी तीं म्हळ्यार सूख आनी दूख(‘Sukh ani Dukh’), इमतेचें बोगनार( ‘Immteache Bognnar’) , ‘ दुस-याक लागोन’ (‘Dusreak lagon) , ‘एकूच रोगोत’ ( एक सिनेमा कम नाटकुलें) (‘Ekuch Rogot’ –A film cum drama), ‘अरबी देश आमचो भेस’ (‘Arbhi Desh Amcho Bhes’), ‘देव कोणाचो?’ (‘Dev Konnacho?’), ‘देख ’(नॉन स्टॉप) (‘Dekh’ (non stop), ‘सून न्होय सूणें’( ‘Sun nhoi Sunnem’), ‘गुन्याव कोणाचो?’ ( ‘Guneanv Konnacho?’) , ‘काल- आयज आनी फाल्यां’( ‘Kal – Aiz Ani Faleam’). ताणी वेगवेगळे संगिताची गितां आनी नाटकुल्याचे कार्यक्रम केल्यात.तांणी सर्गेस्त सी. आल्वारीस , प्रेम कुमार , एम बॉयर , रेंमी कुलासो , ज्यासिंतो वाज, मायक मेहता , अनील कुमार, क्रिस –मीना, मेनीनो डी बांदार, रोजफर्नस, प्रिंस जेकब , एंथनी सिल्वेस्टर , सेमीयल कार्वालो सारकिल्ल्या म्हान तियात्रिस्तांच्या2000 परस चड तियात्रांनी अभिनय केला. 1996 वर्सां एफ कारदोजांच्या तियात्रांत तांणीफा. सावियोची भुमीका केल्ली. तांच्या ह्या भुमिकेक लागून त्या तियात्राचे 110 फावटी प्रदर्शन जालें. ताची ‘फा. सावियो’ ह्या तियात्रातलीं भुमीके बद्दल हेराल्डातल्या गिल्बट डिमेलो हांणीम्हणलां “फा. सावियो रसीकांक ताच्या भाशणान घुंतवून दवरता. तियात्रान सगळ्यांक आकर्शीत करपी आनीक दुसरो कोण नासून कोंकणी माचये वयलो सदाबहार नायक म्हळ्यार ‘जुझे रोज’ , जांची फा. सावियो ही भुमीका खरेंपणी बरी आशिल्ली.” ‘जुझे रोज’ हांचो अभिनय प्रिंस जेकबाच्या ‘पाद्रि जुजे वाज’ ह्या तियात्रांत आनीकूय फुलून आयलो. ताच्या बरे नशीबान ताका नामवंत गायक आशा भोसले हांच्या वांगडा ‘उड्डता तो बुडट्टा’ हातूंत काम केलां. 1981 वर्सां आवर लेडी ऑफ डोलर्स इगर्ज , मुंबय हांच्या 75 वर्सांच्या निमतान‘सर्गेस्त जे. पी. सुजालीनाच्या’ 7 युक्ती गिन्यानाचेर आदारीत ‘हें आसा तें’ (‘Hem Asa Tem’)हें तियात्राचें दिग्दर्शन करपी तो पयलोच तियात्रिस्त आसलो. हया वेळार ताका कोंकणी माचयेचो सेसिल बी. डिमेल्स म्हूण मान फावो मेळ्ळो. ‘जुझे रोज’ हे व्हडल्या पड्या वयलेफामाद व्यक्ती जावन आसात. ‘बोगलाट’(‘Boglantt’) ह्या सिनेमांत विनोदी अभिनेता आनी ‘गिरेस्तकाय’(‘Guirestkai’)हातूंत सायड हीरो म्हूण काम केलां, तांचें पयलें कोंकणी टेली फिल्म म्हणल्यार सी. आल्वारीसाचें ‘फांसी मोगाची’ (‘FaxiMogachi’) जातूंतताणी खलनायकाची भुमीका हाताळिल्ली आसा, आनी तशेंच बाकीच्या विडीयो फिल्मानी काम केलां. ताणे मुंबयच्या तशेंच गोंयच्या दुरदर्शनातल्या कार्यावळी खातीर बरोवप आनी तातूंत अभिनय लेगीत केला. हालींच ते एच सी एन (HCN’s)खातीर सुत्रदार म्हूण ‘जुझे रोज-आ सांगाता कोंकणी पालकांची नोखेत्रां’ (‘ Joe Rose-a SangataKonknni Palkhachim Noketram’ ) हातूंत काम केलां. ताणी खूब कडेन माचयेर आपली कला सादर केल्या – मुंबय, दिल्ली, कोलकत्ता, अमदाबाद, पुणे, आख्या गल्फाक,लंडन आदी. ताणें महाराष्ट्र कोंकणी कला संस्था हाचे संस्थापक वांगडी म्हूण मुळावण घातले आनी तशेंच ते त्या संस्थेचे पयले जेनरल सचीव (General Secretary) आशिल्ले. समाजीक मळाचेर तांणी लिबरटी सिनेमा कडेन आशिल्लेउधायनाकवोल्टर डिसोजा उधायन हें नांव दिवपांत ते जबाबदार आसले. (वोल्टर हांणी भारताचे वतीन आनी भारतीय हॉकी आनी फुटबोल पंगडाचे मुखेली म्हूण ओलंपिक्स वांटो घेतिल्लो.) गोमंतक टायम्स, गोंय 12/1/1994 तारकेरएक बात्मीअशी आशिल्ली “मुंबय गार्डनाक ‘वोल्टर डिसेजा’ हांचे नांव दिलें . धोबी तालावाचे नागरीक जंय वोल्टर हांचो राबीतो आशिल्लो कोंकणी अभिनेता, निर्मातो आनी नाटककार ‘जुझे रोज’ तांच्यानी थळावीक मंडळाची वांगडी ‘सीता गोमिश’हांकांमेळूनत्या गार्डनाक ‘ ऑल्टर वॉल्टर’ नांव दिवपाची कल्पना दिवन एक यदिस्तीक स्तंभ त्या श्रेश्ट गोंयकाराक दिलो.” जुझे रोज हांका गोंयच्या तियात्र अकादमीचे पयले जेनरल वावुरपी मंडळातले (First General Council) वांगडी नेमले. ते TAG’s च्यातियात्र कार्यशाळे खातीरमुखेल (Resource person) जाल्ले आसात. ‘आफ्रेड रोज’ हांचे फाटल्यान ‘जुझे रोज’ हे दुसरे तियात्रिस्त जांच्यानी धाडस करून आयकुपाची कॅसेट अरीना काडली. तांची पयली आयकुपाची कॅसेट आसली पयली कोंकणी फामाद गितां(Top Konkani hits) ( बरोबर सगळे गायक आनी आपल्या चल्याक ‘लुईस रोज’ वळख दिली.) त्याच बरोबर Konkani Hits Parade , Hat-trickand kantaram ani khatkuttleo ( पयलीं कोंकणी गितांची आनी विनोदांची कॅसेट जातूंत ताणे ताच्या दुस-या पुताक म्हळ्यार ‘क्लिंट रोज’ हाका वळख दिली.)सर्गीचें दरवंटो (‘Sorgincho Darvontto’),गल्फाचें दार(‘Gulfachem Dar’) ,आदी आनी तशेंच ताची पयली आयकुपाची CD आयज म्हाका फाल्या तुका (‘Aiz Mhaka Faleam Tuka’)आनी VCD’s दोन उतरां ‘(Don Utram’)आयल्या. ताची स्वताचीसोडल्यार ताणे खूबशो CD’s आनी VCD’s काडल्या.‘जुझे रोजान’ हालिसरांक धाडस करून गोंयचो पयलोHD सिनेमा काडला तो म्हणल्यार ‘Mariola’ एका चलयेची कथा. आता सध्या ते गोंयच्या तियात्र अकादेमीचे उपाध्यक्ष म्हूण वावुरतात.

पुरस्कार[बदल]

फेब्रुवारी 2002 नांत कोंकणी भाशा मंडळ, गोंय हांणी तांचो अखिल भारतीय कोंकणी संगीत संमेलन, मडगांव हांगां सत्कार केल्लो. तशेंच ते इतले नशीबवान आशिल्ले की तांचो ‘मुख्य मंत्री मनोहर परीकार’ हांच्या हस्तुकीं तशेंच आदल्या ‘माजी मुख्य मंत्री प्रतापसिंग राणे’ हांच्या हाजिरींत गोंयच्या कला अकादमीत तांचो सत्कार जाल्लो. 1992 वर्सां कला मोगी कांनोळे हांच्यानी ताचो भोवमान केल्लो . तांकां1998 वर्सां ‘कोका कोलाचे’( Coca Cola’s)( “Best Goan Performer Award”)“श्रेश्ट गोंयकार कलाकार पुरस्कार” हो पुरस्कार लाभलां. तशेंच “श्रेश्ट अभिनेता पुरस्कार” ( “Best Actor Award”) , “श्रेश्ट गायक” (दुसरे इनाम) ( “Best Singer”) (2nd place)गोंय तियात्र अकादमीचो ( TAG’s) दुसरो फामाद तियात्र उत्सवात मेळ्ळो.

"https://gom.wikipedia.org/w/index.php?title=जुझे_रोज&oldid=206540" चे कडल्यान परतून मेळयलें