जॅानी लीव्हर

विकिपीडिया कडल्यान
Jump to navigation Jump to search
                                                         जॉनी लीव्हर

जल्म[बदल]

जॉन प्रकाश राव जनमुला हाजो जल्म दि. 14 ऑगस्ट 1957 ह्या दिसा प्रकाशम, आंध्र प्रदेश हांगा जालो.

जॉन प्रकाश राव जनमुला हाजो जल्म दि. 14 ऑगस्ट 1957 ह्या दिसा प्रकाशम, आंध्र प्रदेश हांगा जालो. ताजो बापूय प्रकाश राव जनमुला हो हिंदुस्तान लीव्हर या कंपनींत कामांक आशिल्लो. ताज्या आवयले नांव करुणम्मा. जरी ताजो जल्म आंध्र प्रदेशांत जाल्लो आसलो तरी ताजे ल्हानपण मुंबयच्या धारावी झोपडपट्टयेंत गेलें. ताका तीन भयणी आनी दोग भाव. घरच्या गरीबीक लागून ताका सातवेन आसतना शाळा सोडची पडली. पोट भरपाक लागून तो रस्त्यार पेना विकतालो. ताज्याबराबर जायत्या लोकांचे आवाज काडून दाखयतालो. ताणी काडील्ले आवाज आयकपाक लोक जमताले. ताज्या बापायन ताका आपल्या वांगडा मजूर म्हून हिंदुस्तान लिव्हरान कामाक लायलो. पिरायेच्या बाराव्या वर्सा तो हिंदुस्तान लिव्हरान कामाक लागलो. थंय लेगीत काम सोपतगीर, जेवणावेळार तो सगल्यांक मिमिक्री करून हासयतालो. धारावींतल्या सगल्या गणेशोत्सवांत ताका मिमिक्री करपाक आपयताले. ताजी मिमिक्री आयकून लोक पोट धरून हासताले. कंपनींतूय बी ताका खंयच्याय विशेश कार्यक्रमावेळार आपयताले. ताज्या वांगडयांनी आपल्या कंपनीचे नावा ताज्या नावाफाटल्यान जोडून ताका जॉनी लिव्हर केलो. येकदां असोच मिमिक्री करता आसतना जॉनी लिव्हर संगीतकार कल्याणजी आनंदजीच्या नदरेक पडलो. ताणी ताका आपल्या वांगडा देशांत आनी परदेशांत आपल्या कार्यक्रमांत मिमिक्री करपाखातीर व्हेलो. कल्याणजी आनंदजीखातीरूच ताका चित्रपटांत भूमिका मेळ्ळी. मागीर ताणे केन्नाच फाटी वळून पळोवंक ना. लागीलागी 300 च्या वयर चित्रपटंत ताणे भूमिका केल्यो. 13 फावटी ताका फिल्मफेअराचे मानांकन फावा जाले. ताज्या चल्याक मानेचो कँसर जालो. चलो बरो जातगीर ताणे दारू, सिगरेटीक आयजमेरेन हात लावंक ना.

"https://gom.wikipedia.org/w/index.php?title=जॅानी_लीव्हर&oldid=175043" चे कडल्यान परतून मेळयलें