पाळोळे

विकिपीडिया कडल्यान

पाळोळो गांवची आख्यायिका

पयली रस्त्यार वीज नाशिल्ली तेन्ना लोक रातचे चूटाच्यो चूडयो करताले आनी तांकां उजो पेटोवन भोंवताले. अशेंच एक दीस सूमार 4-5 मनीस चूडी पेटोवन वेळेर वताले. मदींच ताची चूड पालवता आनी एकलो भिवून आरड मारता आनी उजो पालोलो अशें म्हणटा. ह्या मनशां वांगडा आशिल्लो हेर ताका पालोलो ह्या उतरांन फकाणां करतात. हे पालोलो म्हणिल्ले ते पाळोळे अशें जाला अशें म्हणटात अशी ही आख्यायिका आसा.

गांवची म्हायती

ह्या गावांत क्रिस्तांव,हिंदू लोक रावतात. तेंचप्रमाण ह्या गावांत थोडे मूसलीम आसात. क्रिस्तांव लोकाचो माड काडपाचो मुखेल धंदो जावन आसा. पयले तर क्रिस्तांव म्हळ्यारच रेंदेर अशें सभिकरण जाल्ले. माडाची सूर काडप,सूराची विलाग्र करप आनी तो विकप तेंचप्रमाण माडाचो सोरो करप हो तांचो धंदो. नुस्ते पागप आनी विकप पागी लोकाचो धंदो जावन आसा. ह्या गावांत कोपेल आनी मसजीद आसा. दर आयतराक थंय मीस जाता आनी मसजिदात दर शुक्राराक पुराण वाचतात. हांगा शाळा आनी बालवाडी आसा. बालवाडीत ल्हान भूरगी शिकतात आनी तांकां हांगा खावपाक दितात. ह्या गांवांत नाटकां,तियात्र जातात. नातला दिसांनी हांगा नाच-गाणे जातात. गूढी पाडवां दिसा जात्रा जाता. हांगा तरांतरांचे खेळ जातात जशें फूटबॉल,क्रिकेट,वॉलबॉल. पाळोळे ही एक नगरपलिका जावन आसा.

गांवचे खाशेलपण

ह्या गावची खाशेलपण म्हळ्यार थंयची दर्यावेळ. ही नामनेची दर्या-वेळ जावन आसा जी माडाच्या पाचव्या रंगान आनी थंयच्या जगजगत्या रेवेंन व्हंकलेक नटयल्ले वरी दिसता. हीं वेळ लांबचे लांब आसा. ह्या दर्यांत खूब तरेचें नूस्ते मेळटा. तेंचप्रमाण सोऱ्याचे गाद्यो, बार्रां,ल्हान ताबेर्नां आसात. हांगा हॉटेलां आसात आनी सिंदिकेट बॅंक आसा. ह्या गावांत खूब तरेच्यो येरादारी येतात आनी वतात. ह्या गावांत खूब भोंवडेकार येतात आनी पाळोळेंचो लोक ताचो बरे तरेन परामस करतात. हांगां फॉरेनर खूब आसात.हांगाचो लोक तांकां रावपाक आपल्या घरातलो एक रुम दितात.तेंचप्रमाण लोकांनी ल्हान ल्हान खोपी बांदल्या आनी ते तातूंत थारायले भाडे फारीक करून रावतात. हांगचो लोक आपल्यो मोटरसायकल वा सायकली फॉरेनरांक भाडयांक दितात. ह्या गावांत अंतराष्ट्रीय दूरभाश भाडयाक आसात. पाळोळे हो गांव सुवातांनी आनी वाडयांनी भरिल्लो आसा. सुवाताची नांवां अशी आसात-सोसायटीकडेन,कोपेलाकडेन,गीरणीकडेन,पसऱ्याकडेन आनी जायती. तेंचप्रमाण वाडयाची नांवां अशी आसात-

ओवरें,कोपेलावाडो,तेबेंवाडो,मोहनबाग आनी सूदाबाग

1) ओवरें

कोळंबातलो दर्या सोंपता आनी पाळोळेचो दर्या सुरवात जाता थंय हो वाडो उक्तो जाता. पाळोळे आनी कोळंब दर्या वेळेचो मिलाप जाता आनी खूब उदक जाताले. उदकाचें लोट म्हणल्यार उदकांचो हुंवार येतालो. हे हुंवार उपरांत ओवर मागीर ओवरें अशें जाला आसूंक जाय म्हणपाचो अदमास उकतायतात. ह्या वाडयाचे खाशेलपण म्हळ्यार हांगांची दर्यावेळ. हांगा खूब टूयरिस्ट भोंवडेकार येतात. हांगा ल्हान ल्हान गाडे आसात तेंच प्रमाण फॉरेनरां खातीर ल्हान खोपी(huts) बांदल्यांत. हांगा क्रिस्तांव लोक अदीक दिसतात. माड काडपाच्या तांच्या म्हण पाचारतात.

2) कोपेलवाडो-

क्रिस्तांव लोकांच्या देव स्थानाक कोपेल अशें म्हणटात. हांगा कोपेल आसा म्हण कोपेलवाडो हा नांव पडला. ह्या वाडयार कोपेला लागीं क्रिरिस्तांव लोकांची घरां आसात. ह्या कोपेलाच्या फेस्ता दिसाक हांगा तियात्र जाता. ह्या कोपेलाक दर आयतराक मिस जाता. आनी पाळोळेंचो लोक हांगा मिसाक येतात. तेंच प्रमाण हांगा म्हयन्यांक एकदां जोमात जाता. नातालां दिसांनी कोपेला लागी कार्यावळी जातात.

3) तेंबेवाडा

तेंबे म्हळ्यार आडनांव. पयले हांगा तेबें आडनावांचे खूब लोक रावताले. पूण आता हांगा तेबें कोणूच ना. पूण हे तेबें नांव आसा. ह्या आडनांवां वेल्यान हे नांव आयल्या आसूंक जाय. ह्या वाडयांत क्रिस्तांव, हिंदू तेंचप्रमाण मूसलीम रावतात. ह्या वाडयातल्या लोकांचो धंदो म्हळ्यार शेतां रोवप,कामता करप, हांगा एक बार्र आसा त्याभायर ल्हान पसरें आसात. हांगा पिठाची गिरण आसा. तेंचप्रमाण हांगा कुंकडाचे पालन आसा. हांगा एक ल्हान शाळां आसा. ह्या वाडयार मसजीद आसा.

4) मोहनबाग

मोहन म्हळ्यार एका मनशाचे नांव. ह्या मनशान एक बाग विकते घेतिल्ले. ह्या ताच्या बागाक लोकांनी ताचेच नांव दिला. हे उपरांत मोहनबाग अशें जाला. ह्या बागेचे नांव त्या धनयांच्यां नांवांवेल्यान आयला. हांगा हिंदू म्हणचे पागी आनी क्रिस्तांव लोक रावतात. ह्या लोकांचे नूस्ते पागप आनी विकप धंदो जावन आसा. हांगां ल्हान दूकाना आसात.

5) सांवतवाडो

हांगा चडसो सांवत ह्या आडनावांचो लोक रावतात. ह्या वाडयाची लोकांची आडनांवां सावंत ह्या आडनांवां वेल्यान हे नांव आयला. हांगां हिंदू लोक चड प्रमाणांत रावतात. ह्या लोकांचो धंदो म्हळ्यार शेतां आनी कामतां रोवप.

6) सूदाभाग

हे बाग सूदा नावांच्या मनशान घेतले आनी ह्या ताच्या नावावेल्यान सूदाबाग हे नांव आयला. बागायती करप हो मुखेल वेवसाय जाल्लें सुवातेर अशें तरेची लागवड करपा भूंयभागाक बाग म्हण पाचरतात. हांगा क्रिस्तांव आनी हिंदू लोक आसात. ह्या लोकांचो धंदो म्हळ्यार माड काडप,सूर करप आनी माडाचो सोरो करप जावन आसा.

"https://gom.wikipedia.org/w/index.php?title=पाळोळे&oldid=202861" चे कडल्यान परतून मेळयलें