पुरंदरदास

पुरंदरदास कर्नाटकांतलो एक म्हान संतकवी. पुरंदरदास कर्नाटकांलो एक म्हान संतकवी. हाचो जल्म नहाराष्ट्रांत, पुण्याच्यालागसर आशिल्ल्या पुरंदरडाचेर जाले अशें म्हण्टात. पूण कांय वव्दानांच्यामतान, कर्नाटकांत बेलारी जिल्ह्यांत हंपिलागसार जो पुरंदरगड नांवाचो गांवआसा थंय पुरंदरदाससाचो जल्म जालो. हंपीलागसार कमलापूरांत मेळिल्ल्या एका ताम्रपटावयल्यान तो वसिष्ठगोत्री, यजुर्वे दी ब्राह्मण आशिल्ल्याचें कळटा.ताच्या बापायचे नांव वरदप्पा नायक आनी आवयचें नांव लक्ष्मक्का वा कमलांबाआशिल्ले. ताचे बायलेचें नांव सरस्वती. तांकां एक धूव आनी वरदप्पा, गुरूअप्पा,अभिनवप्पा आनी मध्वप्पा असे चार पूत आशिल्ले. पुरंदरदासाचे नांव ताच्या आवय बापायन श्रीनिवास वा तिरूमलैयप्पा दवरिल्लें पूण ताका तिमप्पा वा शिवप्पा अशेंय म्हण्टाले. भुरगेपणांतूच ताणें विद्दानांकडल्यान संगिताचेंय शास्रशुध्द गिन्यान ताणें मेळयलें. पिरायेच्या सोळाव्या वर्सा ताचें लग्न जालें. बापायचो सराफिचो वेवसाय ताणें बापायच्या मरणाउपरांत बरे तरेन सांबाळ्ळो. कुशळ रत्नपारखी म्हणून ताका खूब नामना मेळ्ळी. विजयनगराचो सम्राट कृष्णदेवराय हाच्या दरबारांत ताका खूब मान आशिल्लो. वेवसायांत ताणें खूबमान जोडलो पूण तो वृत्तीन सामको कंजूस आशिल्लो. ताची बायल मात दानी वृत्तीची आशिल्ले. एकदां तिणें आपली नाकांतली नथ काडून एका ब्रह्मणाक दान दिली. तेन्ना तिम्मपाक तिचो राग आयलो. त्या वेळार ईश्र्वरी चमतकार जावन ती नथ परतून तिम्मपाक मेळ्ळी आनी सरस्वतीची अब्रू वांचली. ह्या चमत्कार लागून तिम्मपान आपली धनदौलन याचकांक आनी गरीब लोकांक वांटून दिली. सर्वस्वाचो त्याग करुन भिक्षेची झोळी घेवन तो भोंवपाक लागलो. दासपंथाचो संस्थापक श्रीपादराय हाचो एक महान शिश्य व्यासराय हाणें इ.सं 1525 वर्सा तिम्मापाक वैशणव पंथाची मठांतल्या सत्यधर्मतीर्थ नांवान सगळे ताका वळकखूंक लागले. पुरंदरदासान संबंद भारताची तीर्थयात्रा करुन सगळ्या तीर्थक्षेत्रांनी वास्तनव्य केल्लें. पुरंदरदासान कन्नड भशेंत खूब काव्यरचना केली. ताच्या पदांची संख्या 4,75,000 आशिल्ली अशें म्हण्टात. पूण सधा कांय हजारुच पदां आसात तीं देवरनाम वा दासरपदगळू ह्या नांवान नामनाक पावल्यांत.