बाॅस्को मिनेझिस

विकिपीडिया कडल्यान

बॉस्को मिनेझिस

बॉस्को मिनेझिस हाचो जल्म 30 मे 1953 ह्या वर्सा सेंट इनेज पणजी हांगा जालो. ताचो बापूय जोस अंतोनियो फर्नांडिस आनी आवय मार्गरीदा मारिया लुसिया दा क्रूज. वयाच्या 8व्या वर्सा गावांतल्याच एका तियात्रांत भाग घेवन ताणें तियात्राचो प्रवास सुरू केलो. प्रेक्षकांचो बरो प्रतिसाद मेळिल्यान ताका व्यवसायीक तियात्रान आनी गोवा कला अकादमीच्या सर्तिनीं भाग घेवपाक स्फूर्त मेळ्ळी. ताणें वर्सांन वर्स 'सेजार ड्रमॅटीक ट्रूप' ह्या तियात्र संस्थेच्या माद्यमांतल्यान कला अकादमीच्या सर्तिनी वांटेकार जालो. त्या उपरांत ताणें फाटी वळोन पळोवंक ना. ह्या तियात्र संस्थेच्या माध्यमांतल्यान वर्सान वर्स कला अकादमीच्या सर्तिनी भाग घेवपाक तो सक्रीय आसलो.तो तियात्र आनी एकांकी बरोवपीच न्हय जाल्यार भौरंगी विनोदी कलाकार आनी बरो कांतारिस्त आसलो. प्रेक्षक वर्ग ताळयो मारून ताणें केल्ल्या विनोदाची आनी अभिनयाची तोखणाय करतालें. जेन्ना जेन्ना बॉस्को माचयेर येतालो तेन्ना ताणें कितें म्हणचें आदीच, ताच्या भेसाक पळोवन प्रेक्षक हासपाक लागताले .ताणें वेगवेगळ्या तरेच्यो चरित्र भुमिका लेगीत केल्यात.

बॉस्को मिनेझिसान इकरावी मेरेन शिक्षण घेवन 1977 ह्या वर्सा पणजे खातें संचालनालयान 'हेड क्लर्क' म्हण काम केलें.जिवीताची 36 वर्सा ताणें हे काम केलें आनी 2013 ह्या वर्सा तो निवृत्त जालो.हे सिर्विसीन कार्यरत आसताना बॉस्को खातें संचालनालयाच्या 'रीक्रियेशनल क्लबाचो' एक सक्रीय आनी नेमान वावुरपी सदस्य आसलो .ह्या क्लबाच्या व्यवस्थपनान लेगात तो जुळिल्लो आसलो. फाटल्या कांय दशकापासून हो क्लब साबार संस्कृतीक कार्यावळी घडोवन हाड्टालो जातून तांची फामाद कार्यावळ 'ऍन्यूअल अक्काउंट्स' डे हाचोय समावेश आसलो .1980 ते 19-83 ह्या वर्सा कला अकादमीन घोडोवन हाडिल्ल्या तियात्र सर्तिनी ताणे ' सेजार डी'मॅलोच्या 'किर्मीदाचो रस्तो' आनी 'काल आनी आयज' ह्या तियात्रानीं अभिनय केलो, जाका लागोन ताका कला आकादमीचो उत्कृशट अभिनेतो म्हूण पुरस्कार फावो जालो. हातुंतल्यानूच स्फूर्त घेवन पिरायेच्या 60 वर्सा उपरांत लेगीत तो माचयेर सक्रीय आसा. आयज वेर बॉस्को मिनेझिसान 13 तियात्रा बरयल्यात तातूंतली कांय 'नोशिबांतले चुकोना', ' आदार', ' वोपलें भीम', 'मोड', ' शिंकप', ' गुन्यांव कोणाचो', ' घाडी वो अनाडी', ' तालांव', ' घोरबान भोरलोलो', आनी हेर. ताणें 30 तियात्रांचे दिग्दर्शन केलां. जशीं' दुबाव ', 'हावूच जाणां ', 'देवान दिलां', ' गल्फाची', ' सपनां', ' बोदमास पूत ', 'फामिलींत कांटो',' पयलो नियाळ कर', ' तोच तो', ' उज्यांत पॅट्रोल' आनी हेर. ताणें 118 तियात्रानीं अभीनय केल्लो आसा. जातून फामाद तियात्रां आनी दिग्दर्शक आसपाविल्ले आसा. तातूंतल्या कांय तियात्रांची नावां म्हळ्यार अशीं 'अमेरिकन डॉलर्स' (जॉन क्लारो), ' कांटो'( ए ऍम पाचेको), ' काळो फातर'( सेजार डी'मॅलो ), 'दोळें धांपच्या आदी',( प्रेमानंद सांगोडकार) ' हावूंच जाणां',( एन्थोनी डी' सिल्वा)' ' पावल म्हजें चुकलें 'आनी' मारी जाकीन'( मायक मेहता) ' खाता पिता देव दिता',( फा. फ्रेडी द कॉश्ता ) 'देवान दिलां'( आन्तोनियो रिबैर ), 'पतंग'( बॉनावेंच्युअर पीयेत्रो) आनी हेर .तो 61 तियात्रानीं गावपी म्हूण आसलो तीं म्हळ्यार अशीं 'कोण तो रिणकारी',( ए बोतेल्हो ) 'मिस्टर 77' (सांतान वीयेगास), ' कुमसाराचो घूट',( अनील कुमार).

ताणें 'ऑल इंडिया रेडियो 'खातीर पांच लोक खेळ( संगीत खेळ) बरयल्यात आनी तांचे निर्माण केला .ताणी जायती गीतां बरयल्यात , गायल्यात आनी प्रेक्षकांचे भरपूर मनोरंजन केल्लें आसा. ताणें' ही भूक भावणांची' ह्या मराठी नाटकांत लेगीत अभिनय केल्लो आसा.ताणे वेगवेगळ्या भासांच्या चलचित्रानीं ल्हान ल्हान भुमिका केल्ल्यो आसात.जशें कोंकणी फिल्म 'एनिमी', मराठी फिल्म' रिंगारिंगा', तामीळ फिल्म' के.डी 'आनी साबार हिंदी फिल्मा जशीं' मेरी बिवी की शादी', ' हसीना मान जायेगी', ' छुप छुप के ', 'गोलमाल 2', ' जॅकपोट ', 'दम मारो दम' आनी हेर फिल्मानीं काम केलां. ताणें 'मिल मॅल नॅल' निर्मीत डी.व्ही.डी, हातूंत लेगीत अभीनय केल्ल्लो आसा. तियात्राक 125 वर्सां पुराय जाल्ल्या उत्सवा निमतान, '125सावो तियात्र वर्धापनदीस उत्सव मंडळान' आनी 'कला आनी संस्कृती संचालनालय' आनी 'गोंय तियात्र अकादमीन', ताणे तियात्राक दिल्लया योगदाना खातीर ताचो भोवमान केलो.

"https://gom.wikipedia.org/w/index.php?title=बाॅस्को_मिनेझिस&oldid=203117" चे कडल्यान परतून मेळयलें