बीट
भाजी आमी सदांच म्हण्टातकी आमच्य आहरांत भाजी ही आसपाकूच जाय. आनी ते खातीर हरव्या पानांची (पाले) भाजी आमी चडांत चड वापरतात. ते भायर बटाट, कोबी, चिटकी अशा भाजयांचो आसपाव करतात. बिटाचे भाजयेचो लेगीत आसपाव केल्यार भलायके खातीर ताचो फायदोच जातलो. कांय जाणांक बीट गोड आसता म्हूण वा हेर कांय कारणांक लागून आवडना. पूण तचे गूण वळखले जाल्यार व्हडा उमेदीन ताचें सेवन करूंक आवडटलें.
बिटाचे म्हत्व बीट हो भडक गुलाबी-तांबडया रंगाचो आसता.बीट हें एक कंद-मूळ,सुरवेक बिटाचीं पानां भाजी करपाक वापरताले आनी कंदाचो वखदा खातीरच वार करताले. पूण काळांतरान कंदाचोय भाजये खातीर वापर जावंक लागलो. बिटाचो रोस काडून घेतलो जाल्यार तातूंतल्यान बरीचशीं जिवनसत्वां,मिनरल्स,पोशक तत्वां आमकां मेळूंक शकतात.हाचो रोस फीट येता अशा.दुयेंतीक दिल्यार तातूंत बरोच फरक पडिल्लो दिसून येता. बिटांत “सी” जिवनसत्वा वांगडाच लोह तत्व आसता. जे रत्काक अती गरजेचें आसता. वाडट्या वयावयल्या भुरग्यांक आनी बायलांनी एनिमियाची शक्यताय आसत म्हूण ताचो चडांत चड लाव करून घेवचो.वाडोवपाक ताचो मोटो हातभार लागता. बिटांत चडांत चड साकरीचें परमाण आसता ,जें हेर खंयचेच भाजयेंत ना.
बिटाचे वापर गोड्यामुताच्या दुयेंतीनी कमी परमाणांत ताचें सेवन करचे वा टाळचें .केन्सर दूयेंतीक बीट खावपाक बरें .तातूंत बीट केरोटीन बिटाची उकडिल्ली भाजी ही काळजाची किया सुदारता. तशेच बलड परेशण सामान्य करपाक मजत करता. बीट पचन सुधारून मलबध्दता कमी करता.बिटाचो रंग आयसकीम वा हेर पदाथा रंग हाडपाक वापरतात.बिटांत केल्शियम आशिल्ल्यान हाडां मजबूत जाता. (बिटाच्या रंगाक लागून मुताचो वा मळाचो रंग गुलाबी जावंक शकता.पूण तातूंत कसलोच दोश आसना). बिटाचे वयले गूण लक्षांत घेतल्यार ताचो कितलो तरी लाव करून आमच्यांनी घेव येता.