भाऊसाहेब बांदोडकार

विकिपीडिया कडल्यान

भाऊसाहेब बांदोडकार

जल्म[बदल]

तांचो जल्म गोंयांतल्या पेडणें गावांत 12 मार्च 1911दिसा जालो. बापायचें नांव बाळकुष्ण आनी आवयचें श्रीमती. तांच्या ल्हानपणांत आवयबापायक मरण आयलें.

शिक्षण[बदल]

मुळावें मराठी शिक्षण म्हापश्यां आनी माध्यमीक पुर्तुगेज आनी मराठी भाशां वांगडाच फ्रॅत्र्च आनी हिंदी ह्योय भाशा शालेयल जिवितांतूच ते शीकले. मागीर तांणी आपल्या घराण्याचो वेवसाय वाडयलो आनी मुखार खण धनी म्हणून नांव मेळयलें.

लग्न[बदल]

तांचें लग्न सुशिलाबाय लक्ष्मण पेडणेंकार ह्या एका वेपारयाचे धुवे लागीं जालें (जून 1931).तिचें कुळाराचें नांव सुनंदा तांकां शशिकला, उषा, क्रांती आनी ज्योती ह्यो चार धुवो. तांका सिध्दार्थ हो पूत आशिल्लो ताका तरणेपणार मरण आयलें.

1942चें छोडो भारत आंदोलनान[बदल]

1942चें छोडो भारत आंदोलनान बांदोडकरांचें राजकी मळाचेर पदार्पण जालें. तरणेपणार रायवादी विचारसरणे कडेन तांचो ओड आशिल्लो. तातुंतल्यानूच तरूण वर्गाक एकठांय हाडून गोंयांत समाज प्रबोधनाचें कार्य हातांत घेवपाची तांकां प्रेरणा मेळ्ळी. भारत स्वतंञ जातकच गोंय मुक्ती आंदोलनाक चालना मेळ्ळी. ह्या आंदोलनांत ताणी सक्रीय वांटो घेतलो. जायत्या भुयगतांक सगळ्या प्रकारांचें सहकार दिलें आनी खेड्यांनी पुर्तुगेजां आड प्रचार केलो. ग्रामीण भागांत मराठी शाळा चलच्यो म्हणून मदत केली.ताका लागून तांकां 1956 वर्सा तीन म्हयने बंदखण भोगची पडली.

गोंयचे पयले मुख्यमंत्री[बदल]

दयानंद बाळकुष्ण बांदोडकार हे गोंय, दमण आनी दीव ह्या केंद्रशासीत प्रदेशाचे पयले मुख्यमंञी जाल्ले.बांदोडकारान वेंचणूक लडोवंक नाशिल्ली पूण कार्यकत्यांच् आगर्या खातीर ते गोंयचे पयले मुख्यमंत्री जाले. खंयच्याय विधायक समाजीक कार्याक सदळ हातान मदद करपांत ते मुखार आशिल्ले. गरिबांचे प्रश्न ते स्वता लक्ष घालून सोडयताले. क्रिकेट, शिकार, वाचन, सुग्रास जेवण ह्यो गजाली तांका मनांपासून आवडटाल्यो.रसीकतायेचें राजस जिवन जगत आसतनाय तांणी आपले खणींतल्यान मजुरां कडेन वा मंत्रालयांतल्या फायलीं कडेन केन्नाच आडनदर केली ना. सगल्या गोयकारांच्या काळजांत विराजमान आशिल्ल्या भाऊसाहेबाक काळजाच्या आताकान पणजे 12 आगस्ट 1973 दिसा मरण आयलें.