मनोहर पर्रीकार

विकिपीडिया कडल्यान
Jump to navigation Jump to search

मनोहर गोपाळकृष्ण प्रभू पर्रीकार (जल्म 13 डिसेंबर 1955) हे भारतीय जनता पार्टीचे नेते आनी भारताचे सद्ध्याचे केंद्रीय संरक्षण मंत्री. 9 नवेंबर 2014 ह्या दीसा तांची केंद्रीय संरक्षण मंत्री म्हूण नेमणूक जाली. ताचे आदीं ते मार्च 2012 ते नवेंबर 2014 मेरेन गोंय राज्याचे मुखेलमंत्री आसले. 2000 ते 2005 ह्या काळांतय तांणी गोंयचें मुखेलमंत्रीपद सांबांळलां.

शिक्षण[बदल]

मडगांवच्या लॉयोला इश्कोलांत माध्यमीक शिक्षण घेतलेउपरांत तांणी 1978त आय. आय. टी. बोम्बेतल्यान (आतांचें मुंबय) Metallurgical Engineeringची पदवी मेलयली. खंयच्याय भारतीय राजंयाचे मुखेलमंत्री जावपी ते पयले आय. आय. टी. पदवीधर आसले.

खाजगी जिवीत[बदल]

तांचो जल्म एका गौड सारस्वत ब्राम्हण कुटूंबांत जाल्लो. म्हापशेंलागींच्या पर्रा (Parra) गांवच्या नावांवयल्यान तांच्या आडनांवाची उत्पत्ती जाल्या.

तांची बायल मेधा हांकां 2000 वर्सा कांक्राचें दुयेंसान मरण आयलें. उत्पल आनी अभीजात हे तांचे दोन चले. उत्पल पर्रीकार हाणें मिशिगन स्टेट युनिव्हर्सिटींतल्यान इंजिनिअरिंग केलां आनी अभिजत वेवसयांत व्यस्त आसा.

राजकीय कारकीर्द[बदल]

भाजपान ताका विधानसभा वेचणूकींत 1994त राजकारणाच्या माचयेर हाडलो. जून ते नोव्हेंबर 1999 ह्या काळांत ते विरोधी पक्षेनेते आशिल्ले. 24 ऑक्टोबर 2000 ह्या दिसा मनोहर पर्रीकार पयल्या फावट गोंयचो मुखेलेमंत्री जालो आनी सबंद भारतांत आय.आय.टी जाल्लो पयलो मुखेलमंत्री जावपाचो मानूय मेळयलो. 27 फेब्रुवारी 2003 ह्या दिसा हें सरकार कोसळ्ळें. पूण 5 जून ह्या दिसा ते परत मुखेलमंत्री जाले. 29 जानेवारी 2005 ह्या दिसा तांचे सरकार अल्पमतांत आयलें. 2012त मनोहर पर्रीकार हांच्याखाला भाजप आघाडीन 24 आमदार निवडून हाडले. 2014 ह्या वर्सा तांणी लोकसभेंत गोंयचे दोनूय सीट भाजपाक मेळोवन दिवपाक मोटो वांटो उखल्लो.9 नोव्हेंबर 2014 ह्या दिसा पयल्या फावटी एक गोंयकार भारताचो संरक्षण मंत्री जालो.

पुरस्कार[बदल]

• 2012 वर्साचो CNN-IBN Indian of the Year पुरस्कार (राजकारण विभाग)

संदर्भ[बदल]

[1]

  1. भांगरभूंय दिसाळें 13 डिसेंबर(बुधवार)
"https://gom.wikipedia.org/w/index.php?title=मनोहर_पर्रीकार&oldid=178205" चे कडल्यान परतून मेळयलें