माड

विकिपीडिया कडल्यान

कल्प वृक्ष

कोंकणाचे  सोबीत सुंदर पिकाळ भुंगेरे माड ही सैमान दिल्ली देणगी आसा. मनीस माडाच्या एकान एक भागाचो वापर वेगवेगळ्या कारणाखातीर करता. ताका लागून माडाक  कल्प वृक्ष अशें म्हणतात. माडाक वर्साचे बाराय म्हयने नाल्ल लागतात म्हण ताका 'सदाफला' अशेंय म्हणतात. माडाच्या फुलांचो आनी फळांचो आयुर्वेदांत जायत्या दुयेंसाखातीर वापर करतात.

आडसराचें म्हत्व

आडसर हें पिंताच्या दुयेंसाक सामके बरें. तान लागप. आंगाक जळजळ पडप. पोटांत जळून येवप. मुतपाक त्रास जावप. मुतपाक कमी जावप. तशेंच मुतपाच्या वेळार जळजळ पडप. अशा वेळार आडसराचें उदक पियेवचें. वयल्यो कागाळी उण्यो जातात. काम करून थकल्यार वा हेर कसल्याय दुयेंसा उपरांत अशक्तपण आयल्यार आडसराचें उदक पियेल्यार आगांत तरतरी येता आनी स्फूर्ती मेळटा.कसल्याय कारणान कुडीतलो उदकाचो अंश कमी जाता तेन्ना आडसराचें उदक हें अमृत संजीवनी सारखें काम करता. पींत जावप (आम्लपित्त). पोटांत घावो जावन ( Stomach, Intestinal ulcer ) जळजळप. तशेंच पोटांत वात (Gas) जावपा सारख्या दुयेंसावेळार आडसराची कातली खावंची आनी आडसराचें उदक पियेवचें. दुयेंस बरें जावपाक मजत जाता.

नाल्लाचें उदक

काय कातीच्या विकारावेळार आंगाक पुळेर येवन जाळ पडटा.अशें आसल्यार आडसराच्या वा नाल्लाच्या उदकांत तो भाग धुंवचो. पातळ परसाकडेन जाल्यार वा परसाकडेन रगत पडल्यार माडाचीं तन्नी फूलां उदकान वांटून ताचो रोस काडचो आनी पियेवपाक दिवचो. परत परत मुतपाक जाल्यार ह्या फुलांचो रोस उपेगी पडटा. तशेंच वयल्या दुयेंसाक आडसराचें उदक पियेवचें. रोखडेंच गुण पडटा. कातीचो रंग सुदारचेखातीर तशेंच मुखामळार तिकतिकी येवचेखातीर मुखामळार नाल्लाचें उदक लावन थोडो वेळ दवरचें आनी मागीर थंड उदकान तोंड धुवचें. कुडींतलो पित्तदोश इबाडून जावपी गोड्यामुताच्या दुयेंसाक नाल्लाची कातली उपेगी पडटा. हाचेभायर मुतांतल्यान मूर पडटा आसत जाल्यार तांबड्या माडाच्या पाळांचो उपेग करतात. तशेंच निर्मळी जाल्यार तरण्या चट्टांचो रोस पोटांत घेतात.

"https://gom.wikipedia.org/w/index.php?title=माड&oldid=201850" चे कडल्यान परतून मेळयलें