मास्टर विनायक
मास्टर विनायकमास्टर विनायक म्हणल्यार विनायक दामोदर कर्नाटकी हांचो जल्म 19 जानेवारी 1910 ह्या दिसा कोल्हापूरांत जालो. तांचे मुऴावे शिक्षण लेगीत कोल्हापूरांतूच जाले. मास्टर विनायक हे अभिनेते, दिग्दर्शक आनी निर्माते आशिल्ले. मास्टर विनायक म्हणल्यार हाडांचो कलाकार. पूण परिस्थितीक लागून तांका नोकरी करची पडली. अशे आसून लेगीत तांचे मन थंय लागूंक ना. तें सिनेमा कडेन वऴ्ऴे.
वऴख[बदल]
मास्टर विनायक म्हणल्यार विनायक दामोदर कर्नाटकी हांचो जल्म 19 जानेवारी 1910 ह्या दिसा कोल्हापूरांत जालो. तांचे मुऴावे शिक्षण लेगीत कोल्हापूरांतूच जाले. मास्टर विनायक हे अभिनेते, दिग्दर्शक आनी निर्माते आशिल्ले. मास्टर विनायक म्हणल्यार हाडांचो कलाकार. पूण परिस्थितीक लागून तांका नोकरी करची पडली. अशे आसून लेगीत तांचे मन थंय लागूंक ना. तें सिनेमा कडेन वऴ्ऴे.
सिनेमातले योगदान[बदल]
अयोध्येचा राजा(1932) ह्या हिंदी आनी मराठी भाशेंतल्या प्रभातच्या पिक्चरांत ताणें नारदाची भुमिका केली. प्रभात फिल्म कंपनीच्या पांच सिनेमांनी भुमिका तांणी केल्यो. ताचे नंतर प्रभात कंपनीचें पुण्याक स्थलांतर जाले. मागीर विनायकान कोल्हापूर सिनेटोन हातूंत प्रवेश केलो. ताका दिग्दर्शनाची पयली संद हांगाच मेऴ्ऴी.विलासी ईश्र्वर (1935) ह्या मामा वरेरकरांचे काणयेचेर तांणी सिनेमा दिग्दर्शीत केलो. त्याच काऴांत बाबूराव पेंढारकर हाणें विनायकराव आनी पांडुरंग नाईक हांचे भागीदारींत हंस पिक्चर्स स्थापन केलें.तातूंत आयले उपरांत चार वर्सां म्हणल्यार अभिनेतो आनी दिगदर्शक ह्या नात्यान ताच्या आयुश्यांतलो सुवर्णकाऴूच आसलो. हज्वाला (1938), छाया (1936), ब्रम्हचारी (1938) आनी ब्रँण्डीची बाटली (1939) हे तांचे उल्लेख करपा सारके चित्रपट. हंस पिक्चर्साचे कारकिर्दींत स्वातंत्र्यवीर सावरकरांच्या सल्ल्या प्रमाण विनायकान पड्ड्या वयले इंग्लीश नामावऴीचो मराठी अणकार केलो.
फिल्मा[बदल]
1940 वर्सा हंस पिक्चर्स बंद जातकूच विनायक राव नवयूग चित्रपट संस्थेंत गेलो आनी थंय लग्न पहावे करुन (1941), सरकारी पाहुणे (1942) हीं चलचित्रां दिगदर्शीत केलीं. मास्टर दिनानाथाची धूव लता मंगेशकर हिचे कलागूण वऴखून विनायकान तिका पयली मंगऴागौर (1942) ह्या चलचित्रांत पूण तें चित्र पूर्ण जावपाक पावलें ना. व्ही शांताराम हांच्या डॉ. कोटणीस की अमर कहानी (1946) ह्या चलचित्रांत तांणी भुमिका केली. ह्या म्हान दिग्दर्शकाचे मरण मुंबय 19 ऑगस्ट 1947 ह्या दिसा जाले.