शांता शेळके

शांता शेळके ह्यो ख्यातनाम मराठी लेखिका, कवयित्री, अनुवादक आनी गीतकार.

जल्म

शांता शेळके हांचो जल्म 12 ऑक्टोबर 1922 दिसा पुणें जिल्ल्यांतल्या इंदापूरांत जालो.

शिक्षण

पुण्याच्या हुजूरपागा शाळेंतल्यान मुळावें शिक्षण घेतले उपरांत पुण्यांतूच सर परशुरामभाऊ महाविध्यालयांत फुडलें शिक्षण घेतलें.एमएचे परिक्षेंत मराठी हो विशय घेवन तात्यासाहेब केळकर सुवर्णपदक तांणी मेळयलें (1944).

संवसारीक जीण

संपूर्ण नांव शांता जनार्दन शेळके.श्री.म.माटे, के.ना.वाटवे हे प्राध्यापक म्हणून तांकां लाबले. ह्याच सुमाराक प्रा.रा.श्री.जोग फर्ग्युसन महाविध्यालयांत आयले. काव्यलेखना विशीं तांचें मार्गदर्शन आनी उत्तेजन मेळ्ळें. मागीर मुंबय थोडो वेळ आचार्य अत्रे हांच्या नवयुग साप्ताहिकांत नोकरी केली. फुडें नागपुर आनी मुंबय ह्या सुवातां वयल्या महाविध्यालयांतल्यान मराठीचें अध्यापन केलें.

वावर

कविता, कथा, कादंबरी, व्यक्तिचित्रां, बालसाहित्य, चित्रपटगितां, समिक्षा, आत्मकथन, अनुवाद अशा विवीध साहित्यप्रकारांनी तांणी लेखन केलें. पूण कवयित्री आनी गीतकार म्हणून तांकां चड प्रसिद्दी मेळ्ळी. मुक्ता आणि इतर गोष्टी (1944) हो तांचो पयलो कथासंग्रह; स्वप्नतरंग (1945) ही तांची पयली कादंबरी; शब्दांच्या दुनियेत (1959) हो तांचो पयलो ललितलेख संग्रह.

मरण

6 जून 2002 दिसा शांता शेळके काळाच्या पडड्या आड गेल्यो.