श्यामराव मडकयकार

विकिपीडिया कडल्यान
Jump to navigation Jump to search

श्यामराव मडकयकार हो सुटके झुजारी आशिल्लो.


जल्म आनी शिक्षण[बदल]

श्यामराव मडकयकार हे गोंय स्वातंत्र्य संग्रामाचे एक फुडारी. समाजीक कार्यकर्ते,साम्यवादी चळवळीचो भार घेवपी कॉमेड श्यामराव नारायण मडकयकार हांचो जल्म 18 ऑगस्ट 1910 दिसा अंत्रुज फोंडे म्हालांतल्या म्हाड्डोळा गांवांत जालो. अत्यंत प्रतिकूल परिस्थितींत तांचें मुळावें शिक्षण म्हाड्डोळा जालें आनी मागीरचें शिक्षण मडगांवांत जालें. तरणाटया मदीं उमेद हाडचे पसत तांणी गोमंतक तरूण संस्थेवतीन वाचनालय सुरू केलें. संघाचें सान पिरायेचेर श्यामरावांक एकेवटेन महात्मा गांधीचें विधायक आनी रचनात्मक कार्याचें तर दुसरे वटेन रशियन समाजवादी शासनाचें जबरदस्त आकर्शण आसलें. श्यामरावांचें घर म्हणल्यार सकिय कार्यकत्याचें म्होंवा मालें कशें आशिल्लें. 1939 ते 1943 हया काळांत रामनाथ कडकडे ,रघुवीर बोडके, पांडू शेटये नारायण, राम काकोडकार ,वसंत लोटलीकार हांचो तांचे कडेन लागींचो संबंद आशिल्लो.रॉय हांच्या रॅडिकल डेमोकेटिक पाटीचे वांगडी जावन ताणी गोंयांत आपल्या कार्याक सुरवात केली. तरणे पिळगेंतल्या विघाथ्याक लागीं हाडून जर तांकां स्वातंत्र्याविशीं जाणविकाय दीत तर स्वातंत्र्य लढो फुडें व्हरपाक सोपें जातलें हे विचारसणेंतल्यान तांणी गोमंतक तरूण सघं हे थापणूक केलींवाडोवन तांणी नावेली आनी वास्कोंत मुळाव्ये शाळा उगडल्यो. गोंयच्या किस्तांव समाजांत स्वातंत्र्य चळवळी विशीं जागृताय जावचे पसत 1948 दिसा तरणाटयांच्या आदारान नावेली किडा क्लबाची थापणूक केली.

ख्यास्त फर्मान[बदल]

संघान पूर्व आनी पचिम ह्या विशयाचेर जाहीर व्याख्यान आयोजीतक केल्लें.तांकां पांच वर्साची ख्यास्त फर्वमावन ताचे राजकी काडून घेतिलले.उरफाटें तांणी चड नेट धरलो. श्यामरावांनी गोंय मुक्ती लढयांत भोव मोलाची कामगिरी केल्या.स्वताचे ताकदीन, निश्ठेन,त्यागान,आनी वेळाकाळार खूब हाल अपेश्टा सोंसून तांणी गोंय मुक्ती लढ्यांत भाग घेतला. प्रचार साहित्याचें काम करचे पासत ते रातभर शेटपणाचें काम करताले आनी दिसाचे राजकारणाचें.


समाजीक वावर[बदल]

गोंयांक मुक्ती मेळ्ळया उपरांत ताणी आपलो समाजीक वावर अदीक नेटान केलो. प्रामाणीकपण , देशभक्ती , सत्यवचन , सादें रावप आनी नमळाय हे ताचे खाशेले गूण आसले. भारत देशाचे अर्थमंत्री मोरारजी देसायांनी भारतांत भांगर नियंत्रण कायदो केल्लो . त्या कायघाचया आड देशांत आंदोलन उबारून तांणी तो कायदो बेगोबेग रध करपाची मागणी करून , खर आंदोलन करून भारत सरकाराक कायदो रध करपाक लायिल्लो. तांच्या अमृत वर्सा निमतान सत्कार समिती वतीन दिल्लो रू 50 हजारांची थैली तांणी सत्कार समिती कडेन परत करून तिचो उपेग समाजीक कार्या खातीर करचो अशी मागणी केल्ली. तांच्यात प्रभावी नेतृत्वाचे सगळे गूण आसून लेगीत ते एक निश्टावान, तळमळीचे कार्यकर्ते म्हणूनच वावुरले. केंद्र सरकारान ताम्रपत्र दिवन तांचो भोवमान केला तशेंच गोंय सरकारान 1982 वर्सा तांचो सत्कार घडोवन हाडला.


मरण[बदल]

ताठ मानेन जगपी, कम्युनिस्ट फुडारी, स्वातंत्र्य सैनिक काॅम्रेड श्यामराव मडकयकार 24 डिसेंबर 2011 दिसा, पिरायेच्या 101 वर्सांचेर संवसाराक अंतरले.

संदर्भ[बदल]

[1]

  1. भेंर्बे रजनी ; हांणी घडयलें गोंय ; दामोदर प्रकाशन कुडचडें - गोंय, 2013.
"https://gom.wikipedia.org/w/index.php?title=श्यामराव_मडकयकार&oldid=176555" चे कडल्यान परतून मेळयलें