धर्मदूतांची भावार्थाची उच्चारणी
देवनागरी |
|
|
धर्मदूतांची सत्मानतांक केन्ना केन्नाय धर्मदूतांची खुणा अशें नांव दितात, हें क्रिस्तांव भावार्थाचें सुरवेचें विधान, एक भावार्थाची उच्चारणी वो खुणा. सादारणपणान जायत्या क्रिस्तांव संप्रदायांनी, धर्मीक सुवाळ्यां वेळार आनी क्रिस्तांव भावार्थाचो सार म्हणून ताचो उपेग करतात.
ताचें नांव पयलेच खेपे सुमार 390 आक मेळटा. 381 वर्सा आपणायिल्ल्या पुराय नीसियाची-कॉन्स्टॅन्टिनोपोलाची सत्मानतांपरस तो ल्हान आसा, पूण अजूनय ताची रचणूक स्पश्टपणान त्रिएक-देविक आसा, तातूंत देव-बाप, देव-पूत आनी देव-पवित्र आत्मो हांचेर विस्वास दवरपाची खात्री करपी विभाग आसात.
ही भावार्थाची उच्चारणी बारा ओळींनी तयार जाल्लो आशिल्ल्यान ताका धर्मदूतांची सत्मानतां अशें नांव दिलां. पेंटेकोस्ट उपरांत जेजूच्या बारा धर्मदूतांतल्या दरेका धर्मदूताक देवान एक ओळी बरोवपाची प्रेरणा दिली अशें लोक मानताले.
हाका केन्ना केन्नाय सत्मानतांचें मोट्वें रूप अशेंय म्हण्टात.
सत्मानतां
[बदल]सत्मानतां देवाक,
सरपदवेदार बापाक,
सर्गा आनी पृथुमेच्या रचणाराक.
आनी जेजू क्रिस्ताक, ताच्या एकल्याच पुताक आमच्या संयाक.
तो पवित्र आत्म्या वरवीं गर्बीं संभवलो.
आंकवार मारये थावन जल्मलो,
पंस पिलाता खाल ताणें कश्ट सोंसले,
ताका खुरसार जोडलो तो मेलो आनी ताका निखीपिलो,
तो मेल्ल्यां मदें देंवलो, तिसऱ्या दिसा मेल्ल्यांतलीय जिवंत जालो.
सर्गार चडलो, सर्वपदवेदार देवा बापाच्या उजव्याक बसला,
थुयीं थावन जिवयां आनी मेल्ल्यांची मनसुबी करूंक येतलो.
सत्मानतां पवित्र आत्म्याक. काथलीच् पवित्र सभेक, भतकांचो एकतार,
पातकांचें भोगसणें, कुडीचें जिवंतपण, सासणाचें जिवीत.
आमेन
लाटीन
[बदल]Credo in Deum Patrem omnipotentem, Creatorem caeli et terrae,
et in Iesum Christum, Filium Eius unicum, Dominum nostrum,
qui conceptus est de Spiritu Sancto, natus ex Maria Virgine,
passus sub Pontio Pilato, crucifixus, mortuus, et sepultus,
descendit ad inferos, tertia die resurrexit a mortuis,
ascendit ad caelos, sedet ad dexteram Dei Patris omnipotentis,
inde venturus est
iudicare vivos et mortuos.
Credo in Spiritum Sanctum,
sanctam Ecclesiam catholicam,
sanctorum communionem,
remissionem peccatorum,
carnis resurrectionem,
vitam aeternam. Amen.