सी. डी सील्वा

विकिपीडिया कडल्यान

सी डी.सील्वा हो एक तियात्र कलाकार

जल्म[बदल]

पेदरु कायतान डी.सील्वा, जाका सी. डी सील्वा ह्या नावांन वळखतात. तियात्राच्या मळार ते एक फामाद अभिनेता आनी गायक जावन आसा. तांचो जल्म 26 मार्च 1936 ह्या दिसा सेरावली गांवांत जाल्लो. ताचो बापुय जोकीम डी सील्वा आनी आवय मारीया रोसादा फेर्नांडीस जावन आसा.सी. डी सील्वाचे लग्न आना दियोग्रेसीया लुईजा फुर्ताडो कडेन जाल्ले. देवाचे कृपेन तांकां चार भुरगीं आसात. जांची नावां एंथनी, लुरदीना, क्लेता आनी मारीयो.

तियात्राचो वावर[बदल]

आतोनीयो सीनफोरीनो फेर्नाडीस हांका ते आपलो गुरु मानतालो. जो तियात्राचे मळार फामाद आसलो. आतोनीयो सीनफोरीनो फेर्नांडीसाच्या दिग्दर्शना खाला काम करतना ताणी सगींत आनी अभिनया विंशी जायत्यो गजाल्यो आतोनियो सीनफोरीनो हाचें कडल्यान शिकुन घेतल्यो. भोव कांय तियात्र जे आतोनीयो सीनफोरीनो हाणीं बरयल्लें आनी दिग्दर्शीत केल्ले आनी जातूंत सी. डीसील्वान काम केला ते म्हणल्यार “ओसो चोलता हो सोवंसार”, “मांय तूं आसली जाल्यार ”.

त्या काळार सी डी सील्वान काम केल्ल्या फामाद दिग्दर्शकांचे तियात्र अशें आसात. दिग्दर्शक जोन केरल फेर्नाडीस हांचे “तारवटी इरमांव” “पुर्तुगेज कोलवंत” .ते भायर एम.बोएराचे “बेकार एमप्रेगाद” “आदीं तें आतां हें” “भूंय भांगरा” तशेंच प्रेम कुमाराचे वावराडी” “टाईमपास”, आदी. मिंगेल रोड, आरीस्डेइस डायस,फा.नेवल ग्रेशीयस,वीलमीक्स,एच.ब्रीटन,फा.फ्रेडी जे दा कोस्ता,पेटरीक दोवराडो,टोनी सेक,रोजफर्न आनी मीनेनो दे बांदार ह्या दिग्दर्शकांच्या तियात्रांनी अभिनय केला.

समाजान जे कितें घडटाले ते तो उत्सुकतायेन निरीक्षण करतालो. एक समाजिक सत्य घेवन ताचें परीवर्तन करुन एक पुर्ण लाबांयेची,अर्थपुर्ण पटकथा बरोवपाची तांक सी डी सील्वा कडेन आसली. तांणी फकत दुस-या दिग्दर्शकाचें तियात्रांनी काम करुना, तर तांणी स्वता बरयिल्ली तियात्रां माचयेर हाडिल्ली आसात.आनी तियात्रा मोग्यांनी ताचे व्हड तोखणाय केल्ल्या. सी डी सील्वान स्वता दिग्दर्शन केल्ली तियात्रां अशीं आसात “काजारी इरमांव” “हेंच तुका फावो” “देणें” “बोंगल्याची जाली शिमतेर” “लोज नासलोलो” “माणकां मोतयां” “मोग” “गांजील” “बुन्याद” “पिशें”आदी. 60 वर्साचे तियात्रांचे कारकीर्दकेन सी डी सील्वा वेगवेगळ्यो भुमीका करीत आयल्या. ताच्या भुमीकेच्या प्रदर्शनांत सदांच खरेपण आसताले. सी डी सील्वा आपल्या दर भुमिके खातीर खूब अभ्यास करुन आपल्या वाटेतल्यांन तो 100% दिवन भुमिका प्रस्तुत करतालो. आयज मेरेन तो म्हणटा की एसीस्टीडीस डायस हांणी दिग्दर्शीत केल्ल्या “दौलत” ह्या तियात्रांत ताणें एक खलनायकाची भुमिका केल्ली. ती भुमिका सगळ्यांत बरी असो तो मानता.

सी डी सील्वान “गिरेस्तकाय”, कोमेडीयन लेजली हांचे “केरला तोपी” आनी कोमेडीयन जीजस हांचे “बुदवंत जॅक इनास” सारकिल्ल्या कोकंणी फिल्मांनी काम केला. सी डी सील्वान आपले स्वताचे विडीयो फिल्मस काडल्यात ते म्हळ्यार “तुजेर इतोज” “बुन्याद” सी डीसील्वा एक गावपी आनी ताणें कोकंणी सगींताचे मळार एक खेरीत सुवात मेळयल्या. ह्या पिरायेर लेगीत ताचो गोड आवाज सगल्यांक आकर्शीत करता. तेच वागडां सुखमय परिणाम दिता. डी सील्वान साबार ओडीयो आल्बस उजवाडाक हाडल्यात. त्यो जावन आसा ‘देवाचे कायदे’ ‘तियात्राची शंबर वर्सा’ ‘विकतें मेळना’ ‘गांवकार’ ‘ओकमान’ ‘फारीकपोन आनी‘ पाय तियात्रिस्त’ तियांत्राचे माचेर ताणें वेगवेगळे तरेचें अभिनय केल्यात. तांचे खातीर एक लेगीत नवो अभिनय उरूंक ना. ताणीं एक तरणाटें ते जाणटे बायलेचे तशेंच एक खलनायक ते हेर अभिनयाचे ताणें चित्रण केला.

पुरस्कार[बदल]

सी डी सील्वाक तियात्रांचे माचयेर ताणें दिल्ल्या योगदाना खातीर खुब मान जोडला. गोंय राज्य पुरस्कार-2000,गोवा कला अकादेमी पुरस्कार-2000,युत क्रियेशन पुरस्कार, कुवेट कोंकणी केंन्द्र पुरस्कार,रायजींक स्टार पुरस्कार-कुवेट,कोका कोला पुरस्कार,ललीत भार पुरस्कार-मुबंय,एफ.ग्लोबल पुरस्कार,यांग कल्ब ओफ गोवा पुरस्कार-बाहरेन,जेक दे सीक्वेरा पुरस्कार आदी. तांणी गोयांतच न्हय तर गोयां भायर लेगीत तियात्रा सादर केल्यात. देखीकः मुबंय,गेंगटोक,आगरताला,आयजवाल,त्रीपुरा,पुणें,बेलगांव,होनावार,कारवार, आदी. परदेंशात लेगीत तांणी तियात्रां सादर केल्यात. देखीकः दुबांय,आबु दाबी,कटार, बाहरेन, मसक्ट,कुवेट,लदंन. आनी लोकां कडल्यान धादोसकाय आनी प्रोत्साहन मेळ्ळां.

तांचो उदेश[बदल]

डी सील्वा एक भोवगुणी अभिनेता तांणी तियात्राच्या मळार जायते योगदान दिलां खरे पुण तांच्या मतान हे सगळे मेहनतीक लागुन प्राप्त जाल्ला.तो जण एकल्याक मेहनत करप आनी कामांत पुराय सर्मपण दिवंप हो सदेंश दिता कित्याक तर "मेहनत हिच यशाची चावी".

"https://gom.wikipedia.org/w/index.php?title=सी._डी_सील्वा&oldid=203227" चे कडल्यान परतून मेळयलें