सेझार डीमेलो

विकिपीडिया कडल्यान

सेझार डीमेलो हो एक तियात्रीस्त.

वळख[बदल]

सिजर एलेक्स जुझे डिमेलो, हाका सिजर डिमेला म्हण कोंकणी माचयेर वळखतात. सुमार 4 दशकांपसून तो गोंयचे संस्कृतीकडेन जुडिल्लो आसा. अभिनय, कांतारां म्हूणोप, लेखन करप ही एक वेगळीच कला आमकां सिजरांत दिसता. गोंयचे कलेक आनी संस्कृतीक जगांत फामाद करपाखातीर नवे नवे सृजनशील वस्तू निर्माण करीत आसता.

वावर[बदल]

भुरगेपणासावन गांवच्या फेस्ताच्या नाटकांत वांटो घेतालो. ताची ही तियात्रांची कला सर्गेस्त नेलसन आफोंसोन वळखली आनी आसरो ह्या तियात्रांत ताका पयली संद दिली. ह्या तियात्रांतल्यान फामाद त्रियो मिल-मेल-नेल तयार जालो जो रोखडोच पुराय गोंयांत तशेंच मुंबयंत फामाद जालो. नामनेच्या दिग्दर्शकां खातीर ह्या त्रियोन कांतारां म्हणल्यात जशे सी आलवारीस, रोबींन वाज,जोन क्लारो फेर्नांडीस, बाब पीटर-ऑफेलीया, बेटी मीनेजीस, मेकसी पेरेरा, मिनीन द बादार, आदी. फाटलीं 40 वर्सां पसून हो त्रियो आजून बरो चलता.

1987 ह्या वर्सा ऍलनीश ग्रूप ऑफ कंपनीन आयोजीत केल्ल्या तिमोती लोककला त्रूप वतीन सिजरान नाचपी तशेंच संगितकार म्हण वांटो घेतिल्लो.त्या भायर ताणे भारतीय संस्कृतीक क्लब, दुबय आनी शारजाह हाणी आयोजीत केल्ल्या खुबश्या उत्सवान ताणे भाग घेतलो. भारताचे सर्गेस्त राष्ट्रपती जैल सिंह (1986) आनी आर. वेकंटरमन (1987), पयलींचे प्रधान मंत्री सर्गेस्त इंदिरा गांधी (1977), सर्गेस्त राजीव गांधी, पयलींचे जांबेचे प्रधान मंत्री (1986), पाप सायब जोन पॉल दुसरे (1986) तशेंच खुबश्या मानेस्ता मुखार ह्या त्रियोक आपली कांतारां सादर करपाची संद मेळ्ळ्या.1995 वर्सा जाल्ल्या, 7व्या अंतराष्ट्रीय युवा नाचपाचो उत्सव जो होंगकोंक आनी मकाउ देशांत जाल्लो तेन्ना सिजरान ‘गोवन वेवस्’ वतीन ह्या उत्सवांत भाग घेतिल्लो.

पुरस्कार[बदल]

सिजरान आपलो स्वताचो त्रूप तयार केलो जाचे नांव सिजर ड्रामाटीक त्रूप. तांच्यानी कला अकादमीन आयोजीत केल्ल्या तियात्र सर्तींत वांटेकार जावन इनामां जोडल्यात.

‘कोण किर्मीदोर?’. (1976) ‘काल आनी आयज’ (1982-83) ‘काळीज ओस्तोरेचे’ (1983-84) आनी केदनाच घोडचेना (1985-86) हांकां पोयलें मेळ्ळे आनी दुसऱ्या तियात्राक र्इनामा फावो जाल्यां तीं ओशी आसात ‘कीते! तू म्होजो?(1978-79)’ ‘कोंण जाय’(1979-80) ‘कोणूक?(1984-85)’ ‘कीरमीदोराचो रोस्तो’ (1980-81) ‘कोलाकार’(1988-89)हांकां तीसरी र्इनामां फावो जाल्यांत. हाचे भायर ‘विश्वासी वा घातकी’,‘कोकणी माचे फाटल्यांन’ आनी काळो फातोर हे बी ताचे कांय तियात्र आसात.

ताणे कांय नाटकां बरयल्यात आनी रेडियोचेर सादर केल्यात.‘कालजीवोत नाजिया’,‘खोरो मोग’, ‘कोंकणी माचेर ओशें घोडटा’, ‘आबघात’, ‘सोडवोंडार’, ‘फाटी पावलो’, ‘ऑधार’, ‘आसरो’, ‘कोर काजार’, ‘कोलकार’, ‘कालो धोवो’ आनी‘केल्ल्या मापांत घेतां ’.तांच्यो काय एकांकी अश्यो आसात‘आकरेक सुदोरलो’ ‘भुरगी आनी दोत’ एककोकणी तियात्र (नाटक रुपांत)तांणे बरयला आनी सादर बी केला.50 वयर तियात्रांनी ताणे अभिनय आनी गितां गायल्यात. ताचो एक वीडीयो आल्बम आसा जाचे नांव‘वाजोवयां कुपासार’ आनी 2 ऑडीयो आल्बम ‘ओबसेग वो ओपघात’ एक संगीतमय नाटक तशेंच गोवन रबल बी ताच्या नांवार आसा.

‘काल आनी आयज’, ‘कोलाकार’,‘कालीज ओसतोरेचे’, ‘कालो फातोर’ आनी ‘कायदे कोणाक’ सेझार डरेमेटीक त्रूप नांवां खाला पुस्तकां छापून कोंकणीखातीर ताणें म्हत्वाचें योगदान दिला.

भोव, थोडया लोकांक, खबर आसासिजरान हिंदी फिल्मांतूय आनी टि. वीचेर हिन्दी सिऱ्यलांत काम केला. ‘मेरा यार मेरा दुशमन’ हातूंत ताणे क्रिस्तांव पाद्रीचें काम केला. तो ‘पुकार’ हातूत अमिताभ बच्चन आनी रंदीर कपुर हांच्या वांगडा नाचला. ताणे ‘सात हिंदुस्तानी’, ‘च्या च्या च्या’, ‘खामोश’, ‘आवाजे’ आनी ‘इटस माय लायफ’ हातूत काम केलां. सिजराचे लोक कलेचे प्रदर्शन बी.बी.सी, लंडन, वेस्ट जर्मनी टी. वी, तशेंच भांरतांत दूरदर्शन केंद्रानी चित्रीत केला. तो बी.पी. एल advertisementचित्रीत जाला तशेंच2011 वर्सा कार्निवालाक आनी 2014 वर्सा लुसोफोनिया खेळाखातीर किंग मोमो जाल्लो.+ सीलवर जुबली सेलेबरेशन तियात्र उत्सवाच्या सिलवर जुबली उत्सवानिमतान कला अकादमीन तांचो भोवमान केल्लो. कला मोगी, कांदोळी हाणी तियात्राच्या भांगराळ्या उत्सवा निमतान तांचो भोवमान केलो जाल्यार कुवेत कोंकणी केंद्र, कुवेत, पणजी पारंपरीक उत्सव मंडळ, मेसत्री आग्नेलो डायसाची सिलवर जुबली सेलेब्रेशन मंडळ हांच्यानी बी ताचो भोवमना केलो. मिल-मेल-नेल ह्या त्रियोक तियात्र अकादमी ऑफ गोवा हांच्यानी 2013 वर्सा म्हन्याचो कलाकार म्हण जाहीर केले. सिजराक खुबशे पुरस्कार आनी भोवमान मेळिल्ले आसात.

खेळ[बदल]

सिजर हो बरो फुटबॉलर. पणजी जीमखाना, यंग चेलेंनजरस, आलटो गुयमाराइस आनी एम.आय.सी.पी.ए. हांकां तो खेळटालो.

"https://gom.wikipedia.org/w/index.php?title=सेझार_डीमेलो&oldid=203237" चे कडल्यान परतून मेळयलें