ಮೊಂತಿ ಫೆಸ್ತ್
ಮೊಂತಿ ಫೆಸ್ತ್ ಮುಳ್ಯಾರ್ ಏಕ್ ಕೊಂಕಣಿ ಕಾಥೊಲಿಕಾಂಚೆ ಭಕ್ತಿಚೆಂ ಫೆಸ್ತ್. ಕೊಂಕಣ್ ಕ್ರಿಸ್ತಾಂವಾನಿಂ ಹೆಂ ಫೆಸ್ತಾಕ್ ಸೆಪ್ತೆಂಬರ್ 8 ತಾರಿಖಾರ್ ಸಮಾರಂಭ್ತಾಂ. ಸಗ್ಳ್ಯಾ ಕೊಂಕಣ್ ಕ್ರಿಸ್ತಾಂವಾಂಚಿಂ ಪ್ರಾಂತಾಂತ್ ಆನಿ ಕರ್ನಾಟಕಾಂತ್ಲ್ಯಾ ಕೊಂಕಣ್ ಕ್ರಿಸ್ತಾಂವಾಂನಿಂ ಹೆಂ ಫೆಸ್ತಾಕ್ ಸಮಾರಂಭ್ತಾತ್. ಹೆಂ ಫೆಸ್ತ್ ಆಂಕ್ವಾರ್ ಮರಿಯೆಚ್ಯಾ ಜನನಾಕ್ ಸಮಾರಂಭ್ತಾಂ.
ಮಂಗ್ಳುರಾಂಚ್ಯಾ ಕ್ರಿಸ್ತಾಂವ್ ಲೊಕಾಕ್, ಫೆಸ್ತಾಂ ದಿಸಾಕ್ ನವ್ಯಾ ಭಾತಾಚ್ಯಾ ಪಿಕಾಂಕ್ ಆಶಿರ್ವಾದ್ ದಿತಾತ್, ಆನಿ ರಾಂದ್ವಯ್ ಜೆವಣ್ ಮಾತ್ರ್ ಖಾತಾ, ಕಿತ್ಯಾಕ್ ಮುಳ್ಯಾರ್ ಹೆಂ ಫೆಸ್ತ್ ಕೊಡಿಯಾಲ್ಚಾ ಕ್ರಿಸ್ತಾಂವಾಂಕ್ ಏಕ್ ಪಿಕಾವಳಾಚೆಂ ಫೆಸ್ತ್. ಥೊಡೆ ಗೊಂಯ್ಚಿ ಕಾಥೊಲಿಕಾಂಚೆಂ ಕೊಂಕ್ಣಿಂತ್ "ಮೊತಿ ಫೆಸ್ತ್" ಮ್ಹಣ್ತಾತ್.
ಕೊಂಕಣಿ ಪಂಡಿತ್ ಪ್ರತಾಪ್ ನಾಯ್ಕ್ ಮ್ಹಣ್ತಾ, ಹೆಂ ಫೆಸ್ತಾಚೆಂ ನಾಂವ್, ಏಕ್ ಗೊಂಯ್ಚಿ ಇಗರ್ಜಾ ಥಾವ್ನ್ ತಾಚೆಂ ನಾಂವ್ ಕಾಡ್ಲಾಂ. ಹೆಂ ಇಗರ್ಜಾಚೆಂ ನಾಂವ್, Capela de Nossa Senhora do Monte. ಹೆಂ ಇಗರ್ಜ್ 1519 ವರ್ಸಾಂತ್ ಬಾಂದಪ್ ಜಾಲ್ಲೆ. ಆಫೊಂಸೊ ದೆ ಆಲ್ಬುಕೆರ್ಕಿನ್ ಗೊಂಯ್ಚಿ ಮಾಂಡೊವಿ ನ್ಹಂಯಾ ಲಾಗಿಂ ಏಕ್ ದೊಂಗ್ರಾ ವಯ್ರ್, ಮರಿಯೆ ಮಾಯೆಚ್ಯಾ ನಾಂವಾಂತ್, ಏಕ್ ಇಗರ್ಜ್ ಬಾಂದುಂಕ್ ಸಾಂಗ್ಲೆಂ. ಸೆಪ್ತೆಂಬರ್ 8 ತಾರಿಖಾರ್, ಫೆಸ್ತಾಚೆಂ ಸಮಾರಂಭ್ ಜಾತಾ, ಆನಿ ಹಾಕಾ "ಮೊಂತಿ ಸಾಯ್ಬಿಣಿಚೆಂ ಫೆಸ್ತ್" ಮ್ಹಣ್ತಾತ್. ಹಾಕಾ ಸೊಳಾವೊ (16th) ಶೆಕ್ಡೊಂತ್ ಚಾಲು ಜಾಲ್ಲೆ. ಫುಲಾಂ ಆನಿ ಮಾಳೊ ಹೆಂ ಫೆಸ್ತಾಚೆಂ ಏಕ್ ಪ್ರಮುಖ್ ವಾಂಟೊ. ಹಾಚ್ಯಾ ವರ್ವಿಂ ಮೊಂತಿ ಫೆಸ್ತಾಕ್ "ಫುಲಾಂಚೆಂ ಫೆಸ್ತ್" ಮ್ಹಣ್ತಾತ್.
ಪ್ರತಾಪ್ ನಾಯ್ಕ್ಆನ್ ಹೆಂ ಪಳಯ್ಲೆಂ: ತ್ಯಾ ಕಾಳಾಚ್ಯಾ ಶೈವ್ ಕೊಂಕಣಿ ಲೊಕಾನ್ ಹೆಂ ಫೆಸ್ತ್, ಗೌರಿ ಹಬ್ಬ ಆನಿ ಗಣೇಶ್ ಚತುರ್ತಿಚೆಂ ಒಟ್ಟು ಸಮಾರಂಭ್ ಕರ್ತಾಲ್ಲೆಂ. ಹಿಂದ್ವಾಂಚೆಂ ಕೆಲೆಂಡರಾಂತ್, ಭಾದ್ರಪದಾಚೊ ಮಹಿನೊ ಶ್ರಾವಣಾ ಉಪ್ರಾಂತ್ ಯೆತಾಂ. ಭಾದ್ರಪದಾಚ್ಯಾ ಚೊವ್ತೆಂ ದಿಸಾರ್ ಗಣೇಶ್ ಚತುರ್ತಿ ಯೆತಾಂ. ಹ್ಯಾ ಫೆಸ್ತಾಕ್, ಕೊಂಕಣಿ ಹಿಂದ್ವಾಂಚ್ಯಾ ಕುಟ್ಮಾಚ್ಯಾ ಸರ್ವ್ ಸಂಬಂದಿ, ಸಾಂಗಾತಾಂ ಮೆಳುನ್, ಏಕ ಆನಿ ಅರ್ದೆಂ ದಿಸಾ ಥಾವ್ನ್, ಧಾ ದಿಸಾ ಮ್ಹಣಾಸರ್ ಸಮಾರಂಭ್ತಾತ್. ಹ್ಯಾ ಫೆಸ್ತಾ ಕಾಳಾಂತ್, ಗಣೇಶಚಿ ಮೂರ್ತಿ ಘರಾಂತ್ ಹಾಡ್ತಾತ್, ಆನಿ ಹಾಕಾ ಹರೇಕ್ ದಿಸಾಕ್ ಫುಲಾಂ ಒಪುನ್ ದಿತಾತ್. ಹ್ಯಾ ಫೆಸ್ತಾ ಕಾಳಾಂತ್, ನವೆಂ ಪೀಕ್, ಲೊಕಾನ್ ಖಾತಾ. ಗೊಂಯ್ಚಾ ಕ್ರಿಸ್ತಾಂವ್ ಧರ್ಮಾಂತರ್ಚ್ಯಾ ವರ್ವಿಂ, ತಿಸ್ವಾಡಿಂತ್ ಹಿಂದು ಲೊಕಾನ್ ತಾಂಚ್ಯಾ ಧರ್ಮ್ ಬದಲ್ಲೆ. ಕ್ರಿಸ್ತಾಂವ್ ಜೆಜ್ವಿತ್ ಲೊಕಾಂನಿಂ, ಮೊಂತಿ ಸಾಯ್ಬಿಣಿಕ್ (ಆಂಕ್ವಾರ್ ಮರಿಯೆ) ಫುಲಾಂ ಒಪುನ್ ದಿಂವ್ಕ್ ಸಾಂಗ್ಲೆಂ. ಅಶೆಂ, ಸೆಪ್ತೆಂಬರ್ 8 ತಾರಿಖಾರ್ ಮರಿಯೆಚ್ಯಾ ಜನನಾಚೆಂ ಫೆಸ್ತ್, ಜೆಂ ಸಗ್ಳ್ಯಾ ಸಂಸಾರಾಂತ್ ಕ್ರಿಸ್ತಾಂವ್ ಲೊಕಾನ್ ಸಮಾರಂಭ್ತಾತ್, ಕೊಂಕಣಿ ಕ್ರಿಸ್ತಾಂವ್ ಲೊಕಾಂಕ್ "ಮೊಂತಿ ಸಾಯ್ಬಿಣಿಚೆಂ ಫೆಸ್ತ್" ಮ್ಹಣ್ ಜಾಲ್ಲೆ.
ಜೋಕಿಮ್ ಮಿರಾಂಡಾಚಿ ವರ್ವಿಂ, ಮೊಂತಿ ಫೆಸ್ತಾಚೆಂ ಸಮಾರಂಭ್ ಮೊಂತೆ ಮರಿಯಾನೊ ಕೊವೆಂತ್, ಫರಂಗಿಪೇಟ್, ಮಂಗ್ಳುರಾಂತ್ ಪರ್ತುನ್ ಸುರು ಜಾಲ್ಲೆ 1799 ವರ್ಸಾಂತ್, ಪಂದ್ರಾ ವರ್ಸಾಂ ಉಪ್ರಾಂತ್. ಪಂದ್ರಾ ವರ್ಸಾಂಕ್, ಕೊಡಿಯಾಲ್ಚಾ ಕಾಥೊಲಿಕಾಂಕ್ ಶ್ರೀರಂಗಪಟ್ಟಣಾಂತ್, ಟಿಪ್ಪು ಸುಲ್ತಾನಾನ್ ಖೈದಿ ಧರ್ಲೊ, ಆನಿ 1799 ವರ್ಸಾಂತ್, ತಿಪ್ಪು ಸುಲ್ತಾನಾನ್ ಸಲ್ವಾಲೊ, ಆನಿ ಕಾಥೊಲಿಕಾಂನಿಂ ಸ್ವತಂತ್ರ್ ಜಾಲ್ಲೆ. ಮಿರಾಂಡಾ ತೆದ್ನಾ ಏಕ್ ಮಂಗ್ಳುರಾಂತ್ಲೆಂ ಗೊಂಯ್ಕಾರ್ ಆಸ್ಲೆಂ, ಆನಿ ಗೊಂಯ್ಚೆಂ ಮೊಂತಿ ಫೆಸ್ತಾಕ್ ವಳಖ್ ಆಸ್ಲಲೆಂ. ದೆಕುನ್, ಮೊಂತಿ ಫೆಸ್ತಾಚ್ಯಾ ಮೂಳಾಂ, ಗೊಂಯ್ ಥಾವ್ನ್ ಆಸಾಂ. ಟಿಪ್ಪು ಸುಲ್ತಾನಾನ್ ಕೇನರಾಚೆಂ ಇಗರ್ಜಾಂ ಆನಿ ಕೊವೆಂತಾಂಕ್ ವಿಬಾಡ್ ಕೆಲ್ಲೊ, ತರ್ಯಿ ತಾಣೆಂ ಫರಾಂಗಿಪೇಟಾಚೆಂ ಮೊಂತೆ ಮರಿಯಾನೊ ಕೊವೆಂತಾಕ್ ಸೊಡ್ಲೆಂ. ಕಿತ್ಯಾಕ್ ಮುಳ್ಯಾರ್, ತಾಚೊ ಬಾಪಯ್, ಹೈದರ್ ಅಲಿ, ಆನಿ ಜೋಕಿಮ್ ಮಿರಾಂಡಾಚೆಂ ಮದೆಂ ಏಕ್ ಇಷ್ಟಾಗತ್ ಆಸ್ಲೆಂ. ಬೊಂಬಯ್ಚಾ ಬ್ಯಾಂಡ್ರಾ ಫೆಸ್ತ್, ಮೊಂತಿ ಫೆಸ್ತಾ ಬರಿಂ ಆಸಾಂ. ಹೆಂ ಫೆಸ್ತ್ ಬೊಂಬಯ್ಚಾ ಈಸ್ಟ್ ಇಂಡಿಯನ್ ಕಾಥೊಲಿಕಾಂನಿಂ ಸಮಾರಂಭ್ತಾತ್ ಆನಿ ಹರೇಕ್ ವರ್ಸ್, ಬ್ಯಾಂಡ್ರಾ ಫೆಸ್ತ್ ಮೊಂತಿ ಫೆಸ್ತಾಚ್ಯಾ ದಿಸಾರ್ ಪಡ್ತಾಂ.