Assolna (Osollnneam)

विकिपीडिया कडल्यान
 
Romi
   
0910 Assolna 2006-02-18 16-55-02 (10551857744)

Assolna (Osollnneam) ho dokxinn Goyantolo ek lhanso ganv. Ho gamv Saxtt talukeant asa. Hea gamvchea sorbhomvotonni dusre gamv asat. Te mhonnlear Chinchinim' (4.6l ki.mi), Vell'lli (3 ki.Mi), Ambeli (3 ki.Mi), Kukll'lle (2.4 ki.Mi) ani Kavelosi. Hea charuy gamvam'modi Osollonnecho gamv ramnantolem ek sobit ful koxem dista.

Ganʋ[बदल]

Xobdoxastr[बदल]

Lokkotha promann Osollonnem hem namv aslem na hea Konknni utrantlean ailam - zacho orth zata osollnneo sarkil'lo dusro anik gamv na.

Ponchait[बदल]

Osollonne gamv ho Osollonna ponchait ghorak lagu zata. Hea ponchait ghorachem uktaunn 1984 vorsachea Okttobor mhoineant zal'lem. Hea somarombhak nustemari khateacho adlo montri Xri. Fransisko Sardina, vidhi monddllache amdar Xri. Manuel fernamnoddis hajir asle. Ho somarombh 19 Ddisembor 1987 vorsa zal'lo.

Mukhel ganv Osollonnechem ontor[बदल]

Cavelossim-Assolna ferri

Osollonnechea moddgamvochem xar 11 ki.Mi.chea ontracher asa. Goinchi rajdhani 44 ki.Mi.chea ontrar asa. Okherekh Kepem xaracho ontor 13.9 ki.Mi.chea ontrar asa ani Kuddtoricho gamv 22.1 ki.Mi.chea ontrar asa.

Bhugol[बदल]

Osollonne gamvchi bhugol rexa 15°10'49"N 73°58'18"E [1] [1]

Nhoim[बदल]

Sal noi, Assolna

Sall nhoinche kuxik axil'lo ho gamv, charuy vottamni sobit sungor gavamni voxil'lo asa. Sall nhoim hea gamvchea utor ani dokxinn dikek asa.

Yeradari[बदल]

Osollonne gavant raxttr margachi ani rosteachi seva upbhumyek melltta. Toxench hea margak lagun Osollonne gamv Moddgamv xarak chodd lagim axil'lo polloupak melltta. Hea margak lagun ho gamv bhomvtonnchea sogllea gavank legit lagim korta.

Bhaddeachim vahna[बदल]

Bhaddeachim vahnam osollonnechea bazarant upolbdh asat. Zaito sok bazarantlean saman gheun bhaddeachea vahnan ghora votat.

Loksonkhea[बदल]

2011 vorsa, hea gamvchi loksonkhea 3410 itli asli. Hea gavant sogllim mellun 891 ghoram asat. Hea gavant 1669 dadle ani 1741 bailo asat. Hea gamvche xikxitotai 2923 zaun asai; her zati zomatincho ankddo 111 asa. Purai loksonkyentolo 1193 lok kam' korpi vorgantolo zaun asa.

Dharmik sthollam[बदल]

Rejina Marttyom' igrz[बदल]

Regina Martyrum igroz

Osollnnea hea gavant Rejina Marttyom' igrz asa. Hi igrz 1616 vorsa bandil'li. Kristamv dhormantoli hi ekuch igrz hea gavant asa. Hi igrz purai somvsarant sena rakhpa khatir bandil'li. Adim hi igrz eka kil'lear axil'li. 1583 vorsa Purtugez ani Kukll'llechea lokam'modim zhogddim suru zalim. Hea disachea ugddasak tamnni osollonnechi hi igrz bandli.

Hea gavant mullchim char deullam asat. Betalachem devull, Santerichem devull, Pursachem devull ani Deuki devull.

Festam ani porbo[बदल]

Hea gamvche mukhel igrjechem fest nouhemborachea tisrea aitarak monoitat. Festachea nimtan poilem novv novena zatat. Teabhair kitlixinch lhan - vhodd festam ani porbo hea gavant monoitat.

Zagor[बदल]

Hea gavantole Kristamv Kharvi ani sur kaddpi zagor sador kortat. Ho zagor pausachea survate vellar sador kortat. Gamvcho sogllo lok vhodda umedin ani khuxalokayen hea zagrant vantto ghetat. Gavantole soglle chole mellun konddeachi ani lakddachi machi toyar kortat. Sod'doyachea kalant ho zagor uktea molar va zagear suru kortat. Taka mandd mhonnttat.

Hea manddar soglo lok aplo dhol ani ghumotth gheun umedin vazoitat. Hea velar modhur tallean zaite torechi gitam, songitam ani gainam vazoitat.Hea zagoracho mukhel ddholok vazoitat. Rivazachim kantaram mhonnttat. Ho zagor ani kantaram sogllea kharvi bhavo-bhoinnank ek korun borobor haddttat ani tanchemodolo mog vaddoitat. Sogllea zatintolo lok hea zagrant vancho ghetat.

Sangodd[बदल]

Osollonnechoya gavant sangodd hi ek vhoddli porob. Hi porob kharvi Sam. Pedruk bhettoitat. Hi porob dor vorsa 29 zun haya disa zata. Kharveanchi hi ek vhoddli porob. Hea porbek kharvi lok ek thep bandtat. Hi thep tanchekhatir machi. Hea thepar lok gaitat, nachtat. Sall nhomyot uddi marun aplea jinnent khusalokai haddttat. Hea sangoddant tin zome asat ani te mhonnlear, tari vaddeantolo poilo zomo, koleavaddeantolo dusro ani ambeli vaddeantolo tisro zomo. Padri sangoddacher besamv ghalun, nusteachea zallicher axirvad ghalun, bhoktichim kantram gaun devak ulo kortat ani dinvasotat. Her gavantolo zaito lok ho sangodd polloupak yetat.

Korejmacho povitr xukrar[बदल]

Hea disa osollonnecho lok nustem marunk vatat. Ek porompora osollonnechea gavant asa. Ti mhonnlear hea disa lok nustem marun va ghorun aplea ghora haddun randun khatat. Povitr xukrarak osollnnea zaitem nustem melltta.

Betalachi palkhi va xigmo[बदल]

Osollonne gavantlea kaim lokank purtugezamni battoil'lem. Hea karnnak lagun hea gavantoli betalachi murt fatorpeam vhorun douril'li. Dor vorsa betallachi murt hea gavant xigmeachea vellar haddun dourotat. Hi murt fatrpechean osollnneam cholun haddttat ani ti tin das meren dourotat.

Her sthollam[बदल]

Menezes Lohiya Chouk[बदल]

19 November 2011 hea disa hea choukachem uktaunn zal'lem. Ho chouk Dotor Juliao Menezes ani Dotor Ram' Monohor lohia hankam opla.

Somaz sobhaghor[बदल]

Akhkhea Osollnneant ekuch sobaghor asa ani tem mhonnlear Rejina Sobhaghor. Hem sobhaghor igrjechea samkem lagim asa.

Khell moidan[बदल]

Bainaku vaddear khell moidan

Osollonne gavant ek moidan asa ani tem Bainaku vaddear asa.

Bhurgeanchi bag[बदल]

Hi bag Parliament Local Area Development Scheme (MPLADS) hea yeuzonne khala bandlea. 9 zanevari 2013 hea vorsa hea bagechem uktaunn zal'lem.

Rajvaddeanche ghorabe (palatial houses)[बदल]

Goem

* Solar Dos Monteiros – hem ghor osollonnechea mukhel vattecher asai hem ghor 1730 vorsa bandil'le. Hea ghorant donn salam asat. Selina ani ddo ormanddo monttero hanchea namvar hem ghor asa.

  • Menezes Mansion- famad suttkezhuzari ddo. Jyuliamv minezhas hanchem hem ghor hea ghorant Purtugezamadd zhujpachi mhotvachi toyari zatali.

Xallam[बदल]

Rejina Marttirom' haiskul, Assolna

Psollonne gavant padrichea vattharant vhoddlea bhurgea khatir 1950 vorsa ek xalla ubaroli. Ani dhaklea bhurgeanchem ixkol 1984 vorsa ubarolem. Atanchea kalar hea gavant tin skulam asat.

  • Rejina Marttirom' haiskul
  • Sentt Anteni haiskul (bhurgeancho ankddo komi axil'lean 2003 vorsa hem skul bond uddoilem)
  • Inglix middiym' skul

Hea bhair hea gavant ek Moratthi xalla asa.

Her bariksann[बदल]

Famad monis[बदल]

Mohan suttkezhuzari Juliao Menezes hancho zolm' 9 egostt 1909 hea vorsa zal'lo. Tannem gõychea suttke zhuzant mhotvacho vantto axil'lo. Hea gavant zaite vhodd suttkezhuzari zolmak aile. Namdevo Lottlakor, Vixvonath Arolokor, Prolhad Budolokar oxim kaim namvam amcheamni gheum yeta.

Feri[बदल]

Osollonnechea gavant ek vhoddli nhoim asa ani nhoinche degar feri asa. Hi feri lokank altoddi sokun poltoddim vhorun pauyta. Hea gavant khannanche, peyanchem, nustem pagpache sabar akrxok zage asat.

Paromparik veusai[बदल]

Osollonnecho bazar (tinto)

Hea gamvcho mukhel paromparik veusai mhonnlear nustemari. Hea gavant zaite kharvi asat. Gavantole chole aplea kuttumbavangodda nustem pagpak votat.

Teabair hea gavant xetkam', poderoponn, sur kaddpi, xett, girnnicho veusai osem sabar veusai choltat. Hea gamvchem mukel pik mhonnlear bhat ani nal'l.

Teabhair gimachea disamni Osoellonnechea bazarant ambe ani ponnox vikte gheupak mellttat. Osoellonnechea bazarant amkam torekovar nustem polloupak melltta. Osollonnecho bazar nusteak lagun khub famad asa. Hea bazarachi mukel khaxelotai mhonnlear hangam sungttache kitlexech prokar polloupak mellttat.

Aichea kallantoli udrogot[बदल]

Assolna pul

Sod'doyachea kalant oxollonne gavant ek pul bandla. Ho pul osollonne sokun kavelosim'm' melltta. Osollonnechea ani sorbhemvotonnchea lokank ho pul khub faideacho. Osollonne ho ek sobit ani koxttokori lokancho gamv. Hea gavant amkam zaitim pestam ani porbo polloupak melltta. Toxench ek itihasik gamv mhonn hea gamvan namna zoddil'li asa.

Bazaar[बदल]

Osollonnecho bazar ho ek kherit bazar. Hea bazarant lokanchi khub gordi asta. Hanga char roste asat - purvecho rosto Kukll'lle vota, poxchimentolo rosto Kavelosi vota, dokxinnentolo Vell'lli vota ani ut'torecho rosto Chimnchinim' vota. Osollonneche sorbhomvotonnoche gamv hea bazarak lagun lagi ayil'lem amkam dista.

Hea bazarant zaitem nustem melltta. Ho bazar salle nusteak lagun khub famad asa. Dokxinn gõycho lok hea hazarant nustem vhorpak mujrot yetat. Aitara disa hea bazarant xezarchea gamvcho lok gordi kortat. Himndu lok sadaronnoponnan somarak nustem khainat. Tori astona hea bazarant yeun te khub nustem vhortat. Aitara disa nusteachi dor khub asta.

Polleiat[बदल]

Goy Wikivoyage

  1. http://wikimapia.org/1454353/ASSOLNA-FISH-MARKET-ASSOLNA-GOA
"https://gom.wikipedia.org/w/index.php?title=Assolna_(Osollnneam)&oldid=204144" चे कडल्यान परतून मेळयलें