Avedem

विकिपीडिया कडल्यान
Jump to navigation Jump to search
Administrative map of Goa

Ganvachea Nanvacho Ithias[बदल]

Avedem ani tachea lagshirlea ganvcho regional plan

Oxi somjikai asa ki jedna Portuguese foujeche xipai Goem-che veg-vegle zage aplea tabeant ghetale tedna Dhorm porgottnar Portuguese xipaya borobor hea zagear pavle zaka atam Paroda mhunntat. Jedna te hea zagear pavle tedna tannkam thoim vhanvti nodi disli ani tannem mhullem “AQUI SEZA PARADE” mhunnje “Ami hanga thambu-ya” ani tea khatir tea zageak “Parada” mhunnunk survat zali, kaim vorsam uprant hea zageachem nanvant durusti korun tem “Paroda” kelem. The Foujecho senapati hea zagear ravlo ani uprant ti nodi balandun vo hupun dusrea vatten pavlo ani tea zageak “Avde” mhunnon nanv dilem. Tea ugdassak tannem thoim ek Copel bandlem ani tem “Livrament Saibinni-k” bhettoilem. Tea uprant xezarchea “Avde”ganvant “Dessai” aile ani tea ganvant tannim “Cotombi” ani “Assolda” oxe vegle ganv toyear kele. Je Dssai Cotombi ganvant ailole te “Prabhu Dessai”-chea fuddarponna khala asle tor je Dessai Asolda ailole te “Raut Dessai”-chea fuddarponna khala asle. Hea vattarantle Dessai uprant “Avde” yevun aplem pennem korunk lagle. Te hea ganvant yevchea adim thoim “Ganvkar” and “Gavdi” thoim apli vosti korun asle. He ganvkar fokot xetant kam kortale zankam “Xetkar” mhunnon olkhotale. Te xetam roitale khore pun tim xetam tanchea malkechim naslim torui tanncheach modem jim xetam te roitat tim xetam aplinch mhunnon te mandtale. Hea somjikayen tanncheach modem tannim aplim xetam vantlolim. Avde ailolea Dessai-ank thoddem xikxonn aslem tea khatir tannim ganvchea lokak te xetam roitat ti zomin tannchea nanvar korun ghevpachim kagot-potram ghevpak zai mhunnon xittkaile. Tannchem sangnnem aikun soglea xetkarani fatti fuddem kainch chinti nastna aplea xetachim kagot-potram aplea nanvar korunk Dessai-anchea tabeant kelim ani hem soglem korunk tankam aplo purai odhikar dilo. Xetkaranchea oxikxitponnacho faido ghevun Dessai-ani xetachi nondni kortana fokot panchvo vantto tannchea nanvar kelo ani baki zomin apli keli. Xetkari oxikxit aslolean tankam to unnav somzolona ani jem kitem tannkam dillem tem tannim manun ghetlem. Dessai ghoranneantlo sogleantlo zanto ani xrest monxean tea ganvachem nanv bodlun “Avedem” dovorlem.

Tholl vo Zageachi Mahiti[बदल]

Quepem Taluka-ntlo ho ek dhaktulo ganv zo Modganv-chea dokxinnek 14 Km pois asa, bhugolik dixen 15012’45” Uttar Asashansh (North Latitude) ani 74003’45” Purv rekhangsh (East Longitude)

Ganvchem Xetrfal ani Lok[बदल]

Hea ganvachem ekun xetrfal 227.38 hectares asa, zatuntlem sumar 159 hectares xetki zomin asa zantunt Bhat, Caju, Narl, vingoll toranchem kadd dhanya ani bhorxik veg-veglea torechea bhajjyechim porsam roitat. Sumar 6 hectares zominicher lok vosti asa zantunt roste, xalla , Ghoram, Devlam, Igorzo ani Khella mollam asant. Hea ganvantlea vaddeanchim nanvam oxim: Jerlabhat, Padribhat, Moll, Kovatem, Ganvkar Vaddo ani Quineabhat.

Avedem ganvchi panchayat

Hea Ganvant Ek Panchayat ghor, Tin bhovshik salam, Ek Khellam Moidan ani Khellam ghor ani Ek Ttopal ghor asam. Hea ganvantlea Lokak voizuki sovloti math xezarchea “Cotombi” ganvant asat.

Avedem ganvche Khellam Moidan
Avedem ganvche Khellam Moidan ani Khellam ghor
yogyh Molachem dukann

Hea Ganvant sumar 420 ghorabe asat ani ekunn lokvosti sumar 1650 asa zantuntle sumar 75% lok xikxit asat. Hamga 5 ghorabe anusuchit zat tor 584 lok anusuchit zomatintle asat. Hea ganvantlea 151 loka laguim NRGA-chim dakhol potram asant. Hea ganvant fokot ekuch yogyh Molachem dukann asa, zantunt Tandul ani Gonv palvi doen melltat. Hea ganvant Goribi rekhechea khala ravpi 157 hitdhakari asat.

Hea ganvantle lok sabar dhondo kortat zoxea porim, Render (Maddar choddon sur kaddop), soro koddop, Gonvli (Gorvam Posop), Xetkar (xeth kamot korop), Khajekar (Festa-Porbank Godd khavodd korop), Gonvdi, Thovoi, Poder, Kamar, Muzg ani chevrisam-kar.

Ek bail kobrea tel kadpak khobrem sukoita
lok bhaat ukodtokoch sukoitanam
Gonvdi durig bandtat
Ganvcho render (Maddar choddon sur kaddpi)
Rendrache soro kadpache yontr
Ganvcho Thovoi
Ganche kai log chourisa porean kortat

Hea ganvche lokachem mull jevonn zaun asa xith ani nustem.

Xeth-kamot rovpak lok Baimchem udok vaportat teach porim Paroda Canal-achea udkachoi vapor zata. Hanga xethkar sorod ani Vaingonn oxeo don bhatacheo piko ghetat.

Hea ganvant ek tornatteancho khellam zomo asa zachem nanv “ Yuvak Sanghi”

Avedem ani Paroda modem Kushavati nodi asa tacher bandlolo Pul hea donui ganvank zoddta ani tea pulachem nanv “Paroda Bridge” zaun asam.

Ganvchem mukhel Zage[बदल]

Igorz[बदल]

Immaculate Conception Saibinnichi Igorz, Avedem-Paroda
Immaculate Conception Saibinnichi Igorz
  • Itihas:

1762 vorsa Jesuit padrini hem kopel bandlolem, zaka 1776 vorsa vaddovun Igorjecho akar dilo ani 1817 vorsa tika Igorjecho dorzo dilo. Tea uprant 1 june 1883 vorsa novi Igorz bandunk bunyadi fator bosoilo ani 1886 vorsa ticher axirvad ghatlo. 1994 vorsa porot hea Igorjechi durusti keli.

  • Bandpeanch nondni:

Hi Igorz “Mannerist Neo-Roman” poddotin “Neo-Classicizing” chem khaxelleponnan bandlea.Ti modlea akarachi ani tika 3 malyeanche 3 khonn asat. Dusrea malyer ek vhodd vosro asa, ek Ghantt ani trikoni bhaleam sarke akarachem Bandop.

Copelam[बदल]

Hea Ganvant sokoll boroilea tim Copelam asant:

Sant Sebastian chem Copel - Quineabhat
  • Sant Sebastian chem Copel jem Quineabhat-ant asam
  • Milagre Saibinnichem Copel jem Cuprimoddi-er asam
  • Desambrados Saibinnichem Copel jem Padribhat-ant asam
  • Livrament Saibinnichem Copel jem Jelabhat-ant asam

Devull[बदल]

- Shree Saunsthan Shantadurga - Chamundeshwari Kudtari Mahamaya

Shree Saunsthan Shantadurga Chamundeshwari Kudatari Mahamaya, hem duvull Avedem hangchea guddo vaddeant sthaplolem asa. Poilim hem devull 1560 vorsa kristanvachea xekddeant Curtorim ganvche Sandiwal vo Sandel hea vaddeant aslolem. Punn 16 vea xekddeant, dhormik bodolnneche bhirantik lagun hangche Devbhokt ani her lokamni hangache devinchem sthan bodlun poilim Chandravadi xarantlea xelvonnea ganvant vheleo ani uprant teo Avedem ganvant ghuddo, hea vaddeant vhorun tanchi stapnni keli. Tem devull aiz pasun Shree Saunsthan Shantadurga Chamundeshwari Kudatari Mahamaya hea nanvam guddo vaddeant asa. Ho ganv kepemchea talukent asa.

Mukel devi

Hea mondiracheo mukhel devi mhollear Shree Shantadurga and Shree Chamundeshwari Kudtari Mahamaya. Hea mondirache prottom murteo Shree Shantadurga and Shree Chamundeshwari Kudtari Mahamaya eka-mekache samkara Girbhagraha hatunt asat. Shree Chamundeshwari Shree Shantadurgechea uzvea vatten dovorleli asa.

Shree Udangi hi murti Shantadurga Chamundeshwati Devull sthapn zaunche adim hea gavant axil’li. Hi murti hea Devllache samkar eka gruha(temple) hatunt asa. Shree Udangi, hi murti muechea- dongrahea akarant asa.

Shree Laxminarayan, Shree Ganapati, Shree Mahadev, Shree Grampurush hanchi murti Shantadurga Chamundeshwari devllachea uzvea vattent stapit kelo

Tech porim, Shree Ravalnath hachi murti tea Devllache uzve vatten sthaploli asa. Hindu lok oxem mhantat kid or eka devllant tancho khaxa Ravalnnat asa zo lokanchi rakhonn korta.

Shree Jalmis hachi murti mukhel mondirache bhair eka daktulea fatrant asa. Tech borobar char Shree Mahrangan Shilas Udangi devlla mukhar ast.

Zatra[बदल]

( Poush Pournima Zatrotsav)

Shree Saunsthan Shantadurga - Chamundeshwari Kudtari Mahamaya

Hea devllachem vorsa vollinchem fest mhollear Zatra (vo Poush Pournima Zatrotsav) hi Poush Punav hea disa zata. Hem fest tin dis mhonllear Paush : Shudha Trayodashi hea disamni zata. Hangche lok hem donui devi stapit korpacho dis pallunk hi zatra somorombdtat.

Tryodashi, chatrodashi, punav hea tin disamni hi Zatra hangche lok somorombtat. Hea disamni sokallche hangche bhott obhishek kortat. Tem mhonlllear hea devllache donui murteank dudh, ghee, monv, god, ani sakor lavun nhannoitta. Hem choltonam te bhott matrancho zap kortat. Oxem mhonntat montrancho zap kortanam teo devi tea murtint aplo akar getat ani teo murti povitr zatat. Uprant tea murtincher gondross(perfume) martat ani Chandan (sandlewood), kumkum and haldi pitto tea murtinchea kopllek laitat. Hem sogllem tanche dhormik vidi pormonnem te kortat. Uprant tea Devink te nhesoitat ani tanchi aarti kortat. Uprant hea Devink Neved (food for God) hem ditat. Sokallim neved mhollear follam.

Denparam, deivink bhangarachea nhesnnan nhesoitat ani tankam Neved ditat. Hea vellar neved mhonllelar xit, ani dureo khavpacheo vostu. Teo vostu uprant zoma zal’lea lokank te ditat.

Sanjche vellar, te deivicheo dureo murti zatunt Devi aplo akar getat to vaprun palki toiar kortat. Tanheo dhomik vidhi palleo uprant teo Devi hea murtint aplo akar ghetat mhonn te mandtat. Ti Palki uprant devllache samkar bhonvddi korunk vortat. Uprant tea Devink panchgatt (food consisting of fruits) dakhoitat. Hem zoma zal’lea lokank te ditat. Hache uprant tea murti vorun mache samkar dovortat. Macher Kalotsav mhonnge sankasur he danavak marpacho dekavo zata. Tea danavak marle uprant devink nitoll korpak lagxil’lea nhoint vortat. Thimsor tea Devincher udok xitkaitat, ani teo vhorun devllant dovortat. Uprant zoma zal’lea lokank nattok polleunk mellta. Dusrea ani tisrea disa osloch kareakrom zata. Dusrea disa sanjechi mayurasan(mhonnge morachi palki) hachi bhonvddi kortat. Hea disamni ratcho kalotsov korinant. To fokt poileach disa zata. Tin disa uprant chovtea disachea fatodder, te maharat- he voddli palki mondirachi bovddi korunk vortat. Hea rothacho bharr(weight)dha ton (10 tonn) asa oxem tanche ek bhott sangta. Sokallche lok ekttaim zaun sangata zata te bhaxen ho Rath voddpak proitn kortat. Hea ratachi akhea devllachi bhonvddi kortat. Uprant to haddun suru zal’lea zagear haddun dovortat. Oxi hi zatra sompta.

Paddecho Pul[बदल]

Paddecho pul
Paddeco Pul- Unvarachea Disamni

Avedem ani paddechea ganva modlean Kushavati nhoi vanvta. Haka lagun he donui ganvacho mell korunk paddecho pull kubuch opeogi asa. Ho pull 1966 vorsa Concecao Anotonio Fernandes (Coisanv Patrao) ani Paddecho igorjicho Vicar Padre Joao Maria Raimundo Pereira, hachea adara kala to bandun ailo. Kushavati nhodi Sangechea ganvant suru zata. Ho Paddecho pul zaite pavtti unvar ievun buddla. Punn aiz pasun he pulak koslench ghombir nuksan zaunk pavlem nam ani aiz pasun ho pul ghott ani stir asa.

Xikxonnacheo sovloti[बदल]

Avedem ganvant ek sorkari prathmik xalla asa. Tech porim Immaculate Conception madyamik xalla asa. Heo xalla ganvchea bhurgeancho xikonnik vadd korunk adhar dita.

Prathmik Xalla

Immaculate Conception madyamik xalla hi ‘Goa Diocese of Education’ hi sonstha cholita.

Polleiat[बदल]

Goy Wikivoyage

"https://gom.wikipedia.org/w/index.php?title=Avedem&oldid=199066" चे कडल्यान परतून मेळयलें