Dhormdutanchi Bhavartachi Uchcharnni

देवनागरी

Romi

ಕನ್ನಡ್

Sumar 1300 saun kreddo oposttolorom'. Dhormdutank xrey divpacho krom' oso asa: 1. Simanv Pedru, 2. Andre, 3. Zuanv, 4. Zakob (Zebdevacho put), 5.Tomas, 6. Zakob (Alfeusacho put), 7. Filip, 8. Bartolomev, 9. Matev, 10. Simao Zelott, 11.Judas Thaddeus, 12. Matheus

Dhormdutanchi Sotman'tam vo Dhormdutanchi Bhavartachi Uchcharnni

Dhormdutanchi sotman'tank ken'na ken'nai dhormdutanchi khunna oxem nanv ditat, hem Kristanv bhavarthachem survechem vidhan, ek bhavarthachi uchcharnni vo khunna. Sadaronnoponnan zaitea Kristanv somprodayamni, dharmik suvalleam vellar ani Kristanv bhavarthacho sar mhonnun tacho upeg kortat.

Tachem nanv poilech khepe sumar 390 ak melltta. 381 vorsa apnnayil'lea purai Niceiachi-Konstantinopolachi sotman'tamporos to lhan asa, punn azun-ui tachi rochnnuk spoxttoponnan tri-devik asa, tatunt Dev-Bap, Dev-Put ani Dev-Povitr Atmo hancher visvas dovoropachi khatri korpi vibhag asat.

Hi bhavarthachi uchcharnni bara ollimni toyar zal'lo axil'lean taka dhormodutanchi sotmanotam oxem namv dilam. Penttekostt uprant Jezuchea bara dhormdutantlea doreka dhormdutak devan ek olli boroupachi prernna dili oxem lok mantale.

Haka ken'na ken'nai Sotman'tanchem mottvem rup oxem-i mhonnttat.

Konknnint

Sotman’tam Devak, Sorv-podvedara Bapak, sorga ani prithumichea Rochnarak;
ani Jezu Kristak, Tacha ekleach Putak, amchea Somiak.
To Povitr Otmea vorvim gorbhim sombhovlo, Anvkvar Morie thavn zolmalo.
Pons Pilata khal Tannem koxtt sosle, Taka Khursar zoddlo, To melo, ani Taka nikepilo.
To mel’leam modhem denvlo, Tisrea disa mel'leantlo jivont zalo.
Sorgar choddlo, Sorv- podvedar Deva Bapachea ujveak bosla.
Thoim thavn jiveam ani mel’leanchi mun’subi korunk ietolo.
 
Sotman’tam Povitr Otmeak,
Katholik Povitr Sobhek, bhoktancho ektar,
patkanchem bhogsonnem,
kuddichem jivontponn,
sasnnachem jivit.

Amen.

Latin

Credo in Deum Patrem omnipotentem, Creatorem caeli et terrae,
et in Iesum Christum, Filium Eius unicum, Dominum nostrum,
qui conceptus est de Spiritu Sancto, natus ex Maria Virgine,
passus sub Pontio Pilato, crucifixus, mortuus, et sepultus,
descendit ad inferos, tertia die resurrexit a mortuis,
ascendit ad caelos, sedet ad dexteram Dei Patris omnipotentis,
inde venturus est
iudicare vivos et mortuos.
Credo in Spiritum Sanctum,
sanctam Ecclesiam catholicam,
sanctorum communionem,
remissionem peccatorum,
carnis resurrectionem,
vitam aeternam. Amen.