Logoreo

विकिपीडिया कडल्यान
Jump to navigation Jump to search
ह्या विषयावयर देवनागारींत बरयिल्लें पान वाच : लगोऱ्यो

…. Page needs to be Edited.


Bengalurachea rostear logoreo khellpi bhurgim.

Ek moidani khell 500 – 600 vorsam savn procholit asa. Eknathachea gathent tacho ul’lekh asa. Pexveanchea kallant ghoddeacher bosun ho khell khellop zatalo oxem mhonnttat, Sodeachea kallant ganvgirea vattharamni lhan bhurgim ho khell khellttat. Lakddache cheptte vattkule kuddke vo cheptte fator vo nolleancheo nollkutteo ekamekacher manddun dovorpache ani poixilean pel’l marun he fator uddovpache oxe torecho ho khell asta,Hea khella khatir je fator vaportat tankanch logoreo mhonnttat. 6 cheptte vattkule fator ani ek kollos mellun 7 logoreo astat. Soglleant pondak dovorpachi lagor 5 tem 6 inch veasachi asta, Modleo logoreo he lagore poros lhan lhan zavn soglleant voilea kollosacho veas 2 tem 3 inch asta.

Zoim logoreo manddun dovortat thoim modhiobindu kaddun tache bhonvtonni don vattkull ankhun ghetat,Vattkullacho modheo regesavn ek somantor reg kaddttat. Hika nemreg mhonnttat.

Logoreo

Hea khellant don pongodd vantto ghetat.Dor eke vatten 5 – 10 khellgodde astat. Eka pongddantle khellgodde pel’l marun logorenchi mall foddttat ani ti poddttokoch porot logoreo manddpacho iotn kortat, Hankam khellpi vo rochpi mhonnttat, Nemregeche altoddin ube ravn pel’l marpacho asta, Dusre vatteche khellgodde mukhavoile vatten lhan vattkullachea bhair ube ravn pel’l jikhpacho iotn kortat, Pel’l logorek lagnastana zomnir poddun voir voita ten’na sokoil poddche adim to jikhlear pel’l marpi goddi bad zata,Pel’l jikhlona zalear dor ekleavotin tin tin khepe marunk melltta. Logoreo podd nastana legit soglleanche pel’l marun zatokoch ddav purai zata,

Logori khellpi pokxantlea khellgoddean pel’l marun logoreo uddoitokoch virodhi gottantle khellgodde soglleo logoreo dhattea vattkulla bhitoruch patllavn ghaltat, Punn khellgodde soglleo logoreo porot manddche adim ekech favttim hem kam korunk melltta. Khellpi khellgodde poddleleo logoreo manddun dovorta astana dusrea pokxantlo ek khellgoddo pel’l kaddun dhakttea vattkullant ubo ravn logoreo manddpeam modim konnacherui to pel’l marta. To pel’l zomnik lagnastana logoreo manddpeam modlea konnacheai angak laglear zachea nemak lagun logoreo poddttat to goddi bad zata. Uprant dusro khellgoddo pel’l marta.

Logoreo uddovpi gottan logoreo uddoitokoch pel’lak hat lavpacho nasta Tech porim vhoddlea vattkulla bhair vochpachem nasta, Toxem kelear to goddo bad thorta.Virodhi gottantlea khellgoddeamni marlolo pel’l chukoit tannim lagoreoi manddpacheo astat. Heo logoreo rochun zaleo mhonnttokoch ddav purai zata.

Ddav suru kortana khellpi vattkuleachea ordea bhagant ube ravtat ani jhelpi dusrea ordea bhagant ube ravtat.Logoreo poddosor vo ddav sompo meren khellgoddeamni mukhavoile vattenchean ord vattkullant palov ghalpachem nasta.Logoreo poddttokoch mat teo manddisor vo nem marpi bad zaisor khoincheai khellgoddeank moidanachea (vhodd vattkullachea) khoincheai bhagant vochunk melltta.

Dor pongddak don vo tin ddav khellunk melltta Logoreo uddoitokoch khellpi pokxak 10 gunn mellttat, Logoreo porot manddttokoch 5 gunn mellttat, Jhelpi pongddan marlolea dor eka khellgoddea bodol tea pokxak 5 gunn mellttat. Khellache nem moddlear tea tea pongddak 5 gunn unnem kortat, Sogllea ddavamni mell’llole gunn ektthaim korun jea pongddache gunn chodd zatat to pongodd zoitivont zata.

K, V. S. M.. / I.D.

"https://gom.wikipedia.org/w/index.php?title=Logoreo&oldid=134624" चे कडल्यान परतून मेळयलें