Rakes ani Sundori

Eka sobit nanv-vostea ganvant, Harima, mhonnlolea xarant ek girest ani bollixt Raza aplea ekleach puta sangata, eka borea sobit razmahlant vosti kortalo. Tachea gharant disa-dispotti vhodd-vhodd somorombhnneo ani jevnnam zatalim. Ani hea jevnnank vhodd ani mananchea lokank ani girestank amontron astalem. Ek kuxal jivit sarlea uprant, Raza hea sonvsarantlo ontorta ani tacho put, razkunvor ekloch eksuro urta. Bapui somplo mhonnun to bapaichi chal bond korina, punn odhik nettan to somorombhnni ani jevnnam chaluch dovorta. Aplea bapai baxen, Razkunvor vagtalo dhekun taka “Mogacho Kunvor” oxem mhunnun tachea prantant taka pachartale. Osoch Eka disa, sunvoye pormonne “Mogachea Kuvoran” aplea raz-mhalant ek vhodd dhobazo dovorlo ani jevonn toyar kelem ani hea jevnnak jinsam basanchea lokank amontronn dilem. Sobhar girest and vhodd podvecho lok, borim-borim angvostram ghalun Razkunvrachea jevnna vostreant hajir axil’lo. Mhuzgam - vhazontramnim vosro suvalleachea gonngonnan bhoril’lo. Punn oxi ek mhunni asa “chorak khoi chan’neacho dubav” toxench Razkuvrak koim ghoribanchea hajirponnacho dubhav aslo. Taka “Mogacho Kuvor” mhunnttale, punn ghoribanchea mogak lagun nhoi, punn girestanim bapaik sor korun hem nanv taka dil’lem dhekun. Ghoribank to aplea lagim ghevunk vittetalo. Oxemch jevonn choltanam to veg-vegllea lokank apli bhett diun tanchexim bhasabas kortalo. Osoch bhett kortanam tachi nodor eke osotorecher veta. Ti ostori kallem saddem angvostr ghalun asli. Tichea matear ek kallo lugttacho palov axil’lean, tiche rup sarkem disunk yenaslem. Razkunvor tika bhariksannin tellun polloit ravlo. Ti ostori ghorib mhunn parkun to tichexim ghelo ani tika kikont korunk laglo. Tika okmanachea utramnim uloit sobhemazar ticheo moskoreo korunk laglo. Ticher tapttam marun tika sobhemazar lojent ghatli. To rajkunvor xikop ghetilo, tachea raj-mhalant hajir axil’le zaite zannar, punn to tea ostorek sarko parkunk visorlo. Ghoribh mhunn somzun tannem ‘Rakxinni’ lagim khellunk laglo. “Khel’lea mapan bogche poddtta,” oxench Raj-kunvran kel’lea okmanank ti Rahkxinn ostori taka xirapan favo korunk laita. Ti oxem uddgarta, “Eh kuvra…! Tum tujea bapaichea gharant tuje xanneponn choloitai? Bapaichea kustar “Mogacho Kunvor” mhonn namnnam mhelloitai? Apoiloleank tum okman kortai, tankam kenddttai, tor aik, tujer hanv xirap soddttam. Tum aiz monis asa to, hanv tuka monzatichea rupacho korun soddttam. Ho tambddo gulab tum polletai? Tacheo pakolleo zhoddun kobar zaunche poilim eka cheddvan tuzo khoro mog korunk zai, nam zalear tum osoch mortoloi.” Ani itlean to ordo monis ani ordo zonavor koso zata. Hem polleun somorombhnnek ailo’lo lok bhieun raj-mhal soddun pollun veta. Ani tea disak thaun zo “mogacho kunvor” axil’lo to “Rakhsacho por” zata. Hea ghoddne uprant Raj-mhalant koslech somorombh vo koslech karbar zaina zale. Tachea ghorak pollelearuch lok mhunnttalo “Raksache ghor-dar.” To itlo bhirakull axil’lean lok tachea savllek leghun bhietalo. Raj-kunvor ekloch, babddo zaun aplea dil’lea xirapachem chintalo. Tea gulabacheo zhodd’tteo paklli polleun jivita ani mornnaxim to zuztalo. Eka disa oxem ghoddlem ek laginchea ganvcho vepari hea Harima xarant vepar dondo korunk bhair sorta. Ho vepari ek ghorib goranneantlo aslo. Kai vorsam fattim tachi ghorkan peddear zaun tachi dhu ani to, dogai aplea gharant ravtalim. Dhu aplea bapaicho khubh mog kori ani bapui aple eklech duvecho mogan samball kori, ani tika kaich unnem zainam zaunk zaite teag koxttanchem kam korun to tika vhaddoitalo. Osoch veparek, Ranatlim vatt kaddttamnam, kubh varo ani paus yevun vhadoll modd zaunk laglem. “avois, mhojea Deva mhaka pav” oxem mhonnun, to apleak asro sodunk hennem tennem bhovunk laglo. Ani oxem sodit sodit to “Raksachea ghora” pavlo. Sanjecho vhell zal’lean an tufan vhodd aslean tannem ak’khi rat toich sarli. Sokallim utt’ttun to aplea ghara vhochpache toyarek lagtalo. Itlean tachi nodor “Raksa ghorachea” angnnat aslo’lea sobhit gulabancher ghelim. Vepari polleun gul’l zalo. To chinta “aiz he gulabache ful polleun mhoji dhu khuxal zateli.” Oxi ek mhonni asa “Zhogzhogta tem bhangar nhoi” ani oxench, apunn asa ti suvat ek “Raksache” ghor ani thoi “Rakes” ravtalo mhonn tea vepareak khobor nasli. To gulabache ful kaddttanam, Rakes yeta, ani vepareak aplea tabeant gheun, taka aple bhoddkonnit koydi korun dhovorta. Kitlech dis sorun vetat, ani tea vepareachem Cheddum chitnamnim guspota. Aplo bapui veparek ghel’lo, ghoracho pavonam mhonn taka sodit sodit tem hea “raksachea ghoraxim” pavta. Bheun bheun bhitor sorta. Darachea umreaxim pavtoch taka eka dadleacho avaz aikunk yeta. Ani lagim sorot zalear , to ticho bapui bhonnkonnit tanen-bhuken vholl-vhollttalo tem polleun tem cheddum dhukabhorit zata ani roddunk lagta. Tancho avaz aikun “rakes” thoi pavun sorta ani taka polleun bapui vhodlean hueli marun “taka sodd, taka sodd” mhunn bovall marta. Punn cheddu dhukabhorit aslem ani bhielolem korem, punn aplea bapaicho tem khubh mog kori dhekun lamb suskar gheta, ani kallzak ghottay gheun “rakesaxim” vicharta “Tuka kitem Zai?” ani to Rhakes taka Sangta “mhaka tum zai.” Cheddu taka sangta “hanv zai zalear, mhojea bapaik sodd ani mhaka bhoddkonnddit ghal.” Rakes monant chinta “hoch ek boro vhell asa. Mhaka dilem xirap nhopoit zatolem zalear hanvem tika mhjea mogan farounkuch zai. Tor tem mhojea mogan poddosor hanv tachea bapaik mhojexim dhovortolom.” Oxem chitun to tea cheddvak sangta “tujea bapaik hanv soddttolo, punn hanv khuxal zaisor disa dispoddtti tuvem mhoji seva korun zai. Ani uprant hanv dogainkui suttka ditolom.” Cheddum aplea Bapaichea moga khatir “Rakesachea” utrank hoikar dita. “Zoxem, ek Gulab tambddea roganche, dolleachi nodor rongoita” toxench Tea cheddvachi surobay ani mog, raksachea kallzant rigta. Punn xirapa pormonnem “cheddvan tacho mog korunk chodd ghorjechem aslem. Rakes babddo gulabacheo paklli poddun aplo jiv mornnaxim zuztalo tem bhirantin aslo ani dusre vatten chevddachea hoikarachi vat polloit ravil’lo. Oxem ek sangnnem asa “pasens kaddxim sorgar pavxi.” Sorv xevttim kitlech dis sarlea uprant ho dis pavta. Tem cheddu tea Raksacho sobhav ani boreponn polleun “Raksachea” mogan poddtta. Ani he sangunk tachea kuddant bhitor sorta. Tea cheddvacho hanso polleun “rakes khuxal zata.” Ani tem cheddu “Apunn tuzo mog Korta” oxem mhunnttach to “rakes khuxal zaun uddeo marta. Taka aple vengent gheun mogacho umo dita. Ani itlean taka dil’lea xirapantlo mhek’llo zata. To porot “raksacho por” aslo to “Mogacho Kunvor” zata ani cheddvak sasnachi kunvorin korun aplem bapaichem raj khaltikayen choloita.