Reindeer

विकिपीडिया कडल्यान
 
Romi
   
Two Scottish reindeer relax after pulling Santa's sleigh at the switching on of Christmas lights
The size of the antlers plays a significant role in establishing the hierarchy in the group
Male Porcupine caribou

Renddiyor (kull : sorvhiddi, prozati : rongifor, xastri-i namv rongifor tteronddos). Ut'tor yurop ani ut'tor axia khonddant mellpi ek mrig (horonn). Hech zatichem punn akaran matxem vhodd horonn ut'tor omerikent melltta. Taka keribu oxe mhonnttat.

Hornnachea her zatimni renddiyor hich zat monxallil'li asa. He zatint nor ani madi hea dogankuy xingam asat.

renddiyorachi toklesokott lambai 1.2 te 2.2 mittor. Tachem vozon sumar 90 te 318 krigre. Itlem asta. Tachea angar 2 te 4 sem'mi. Lambayeche datt kems astat. Tachea mullant movo kesancho datt thor asta. Xingam lamb patllil'lim, vegvegllea akaranchim asun tanche fantte tonkache astat. Bhumveamvlean ayil'li xingam mukhar ayil'lim astat. Dor vorsa nouhemborant (ximyalleant) xingam gollun poddttat ani uprant rokhddinch novim xingam yeunk survat zata. Survatik yeupi xingam movo ani sponjeavorim burak axil'li astat. Tankam rogtachi purounnuy bhorpur promannant zata. Kaim tempan rogtachi purounn bond zatkoch xingam ghott'tt zatat.

Renddiyoracho rong choddso topkiri va korddo asta. Sokoilo bhag dhovo va fikott rongacho asta. Ximya disamni topkiri rongachem rupantor dhovea rongant zata. Khur rund, posrott ani vhodd khanch poddil'le axil'lean movo zomin va borfauylean cholop taka kotthinn zaina. Te vorak 32 kimi. Gotin provas kortat. Borfachea vattharant tankam gaddyek zumptat.

Renddiyor ho kollpamni bhomvpi pranni, dusmanachi sulus lagpi mhonnttokoch te vattkulle ube rautat ani xistin fuddem votat. Tea vellar tanchim xingam-i eke vixixtt pod'dotin vattkullim ghumvtona distat. Sopttemborache okherek hozaramni renddiyor ekttham-i yeun datt ranant raunko votat. Purai ximyallo thoim kaddun vosont rituche survatik lhan ttollkim korun porot yetat. Zhaddanchi tornnim panam ani tonn hem tachem khann. Ximyalleant te dogddoful ani xoival khatat.

Oxmoyugant sumar 25 te 30 hozar vorsamadim renddiyor yuropant mellttale. Purvil'lea kallasaun he pranni monxallil'le asunk zai. Udent saiberiantleo tungos ani chukchi heo zomati renddiyorocho upeg tacher bosun toxench saman pois vhorpakhatir ani borfanoileo chakabogor gaddeo oddpakhatir kortale. Ut'tor yuropantlea skeddenivhiyon dexantlea heddgea zomatinche lok bhar vhorpakhatir renddiyorocho upeg kortale. Hea pranneaposunuch tankam mams ani dud mellttalem. Renddiyorachea dudantlean gaichea dudaporos choupttin lonni yeta ani dudacho upeg pieupakhatir chijh korpakhatiruy kortale. Tachea katddeaposun poteo toyar kortale.

Tanchem nak tikxonn asta. Dhokeachi suchounni korpakhatir renddiyor apli xempddi voir korta.

Stholantorachea vellar nor ani madi mazar yetat. Tacho gurvaroponnacho kall sumar 240 disancho asta. Madi 1 te 2 pilam kaddtta. 1 te dedd vorsamni pilam pirayent yetat. Tanchem aixu sumar pondra vorsanche asta.

Polleiat[बदल]

Reindeer

"https://gom.wikipedia.org/w/index.php?title=Reindeer&oldid=199897" चे कडल्यान परतून मेळयलें