Sant Blaise

विकिपीडिया कडल्यान
हुपून वचात: दिशा-नियंत्रण, सोद
Holy Trinity Column-Saint Blaise
Church of St. Blasius in Dubrovnik


Sant Blaise ek Kristi Dhormancho rogtxakxi. Sant Blaise-ache bov toddim zanvay amkam melltam, punn tachem Devosanv khub famad. Dor vorsa Fabrerache 3rer povitr sobha tacho ugddas korta. Vodda manan hea disa talleak axirvadd mellta oxem lokacho somoz ani bhavarth asa.



Jivit[बदल]

Tacho zolm Armeniachea sebastent zalo. To 'Philosopy' xiklo ani voiz koso somazant vavurlo. Toruy to apnalea Dev bhirantechea jivitantlean Devak khub lagim axil'lo. Tachea povitrtayechea ani somazacho mog axil'lea jivitak lagun, taka tachea ghanvcho gonvlli bap koso lokan vinchun kaddlo ani taka 316 vorsa Gonvlli bap mhunn maklo. To ek boreantlo boro gonvlli bap zalo.Tannem lokanche kuddiche toxench otmeanche bolaikek lagun kub vavurlo, haka lagun zaito lok tachexim yetalo .

Apovnnem[बदल]

Tea kallar Kristi dhormant kub vaitt aile, lok ek Dev bhiranteche jivit jeye naxil'le, kudd'ddea Devank buztale. Patxea Armenian St.Blaiseak zaito dumallo dilo. Taka aplemisanv fuddem vorunk kub koxtt zatale. Tednam tachea monant povitr pustokantli voll yeta, "Eka nogrant tumkam dhumallo diit zalear, dusrea nogrant pollun vochat."(Mt.10:23) Punn tannem aplo bhavart kednach halovunk nam ani ekach Devak bhuztalo.

Lok'kanni[बदल]

Oxi ek lok'kanni asa ki hakach lagun to aplo ghanv soddun eksure jivit jiyevunk laglo. Deva sangata vell sarunk to ranant pavlo, ranant tannem monzati koddem ixtagot keli ani to dholinint ravunk laglo, thuy to dholint magnnem kortalo. Ekdam oxem ghodlem ki to dholint magnem kortanam, xikari monzatincho xikar kortam-kortam te St.Blaiseachea dholi lagim pavle, pautanch te ojaple ani uprant bheyle karonn to jednam magnnem kortalo tednam sogllim zonvaram xinv, kole, vanxel, tache dholi bhair ravun taka poletalim. Uprant tea xikareani gonvlli bapak voron bondkonnint ghalo.

Bonddkonnint astanam taka bhett diunk lok yetalo karon to tankam buzvon ditalo,tanche jivit novsortalo tanche jivit novsortalo ani tankam kuddichi tochech otmeanchi bollaiki todiunk vavurtalo. Ekadam ek avoy aplea bhurgeak ghevun tache sorxim aili, karonn tichea burgeanchea talleak nustieacho kantto laglolo. Sant Blaisean bhurgeachea talleantlo kantto sunttunk formaile ani rokddoch tacho tallo suttlo.

Sant Blaiseache Martierponn[बदल]

Xekim St. Blaiseak zuvizan apoilo ani taka kudd'ddea Devank bhuzunk formailem, punn tannem sohoz ponni nakarlem ani sangle ki, Kudd'dde tumi karonn tumka Devache asnne disona, tacho uzvadd disonam, eka mon'xean koxe porim kudd'ddea Devachi bhuzonn korunk zata jednam to aplea koria Devacho mog onbhovta. Tannem tankam sangle ki to tankam bhiyena, tache kuddicher tanchi xokti asa zalear tanchea otmeancher Devachi xokti asa oxem to udgarlo. Heach karonnak lagun tacher mornnache formonn marle ani fabrerache 3rer tachi gomtti katorli, ani aplea bhavarthak lagun to kristi dhormacho bolli zalo.

Polleiat[बदल]

List_of_Catholic_saints

"https://gom.wikipedia.org/w/index.php?title=Sant_Blaise&oldid=163979" चे कडल्यान परतून मेळयलें