"Arch‍bisp" च्या आवृत्तींत अंतर

विकिपीडिया कडल्यान
Content deleted Content added
Created page with " {{Dhaktem pan}} …. Page needs to be Edited. == Arch‍bisp vo Archbishop == Kiristamv dhormant padri ani bixop asat. Padri mhollear puroit. Te dhormachi seva kortat. Punn..."
(कांय फरक ना)‎

23:56, 20 मे 2016 मेरेन पुनर्नियाळ

…. Page needs to be Edited.

Arch‍bisp vo Archbishop

Kiristamv dhormant padri ani bixop asat. Padri mhollear puroit. Te dhormachi seva kortat. Punn te dusreank padriponnachi ‘ makhnni ’ (dikxa) divonk xoknat. Hi ‘ makhnni ’divpacho odhikar fokot bixpakuch asta. Kiristamv dhormant padrinchi erd (lettin bhaxent erdo - ordo) ani bixpachi erd asa.

Jen'na igrz ek vhoddli somstha zaun asta, ten'na ti zaitea prantamni (ddayosijini –diocese) vanttil'li asta. Eka-eka prantant ek bixop asta. Thoddea prantancho zomo ek ‘mohaprant ’ va ‘ arkiddayosiz (Arkidiocese) ’ zata. Hea mohaprantachea voddilak ‘ archobixop ’ mhonnttat. Poileach xenkddeamni je zome jezuchea apostolamni (apostle) suru kel'le, tea zomeanchea bixpank ‘ patriark ’ mhonnttale. Tankam atam'meren ‘ patriark ’ hem manachem namv ditat. Bixpanche erdint pamvdde asnat, soglle ek sarke. Pap saib legit ek bixop. Punn manachea ani podvechea vorgant bixop oxe toren vanttil'le asatH- bixop, archobixop, patriark. Hatuntlea thoddeank pap saib ‘ kardinal ’ korta.

Gõychea arkiddayosijichea bixpak, archobixop ani patriarkachem manachem namv dil'lem asa. Soglle archobixop mohaprantache voddil nhoi. Zaiteo arkiddayosiji-i fokot namvapurteo asat. Ddayosijicho zomo asna, mhollear ek mohaddayosiz ani tachea sokoil her ddayosiz oxem na. Torilegit tea ddayosijik manachem namv ‘ arkiddayosiz ’ asa ani bixpak ‘ archobixop ’ mhonnttat. Zaite khepe archobixop hem manachem namv koxem eka bixpak dita. To eke ddayosijicho bixop, punn taka archobixopacho man asta.

Khoinchech ddayosijiche bixop zainasotona, zaite archobixop asat. Pap saiban desandesamni aple dut dhaddil'le asat. Tankam apostolik, (spostolik), nunchio (nuncio)pap saibache kocherent zaitea toreche dhormovantte (Congregations) asat. Ekeka vantteacho voddil chodd korun ek ‘ karddinal ’ asa ani chittnnis ek va don archobixop.

Mohaprantache je archobixop asat, tanchea golleant pap saib ‘ pal'liyum' ’ (pallium- ek khaxelo bhes) ghalta. Pallium hi tanche podvechi kuru asa. (Canon 437. New Code- C.Law). Tankam ‘ mettropolitton ’ oxem mhonnttat ani tamnni aplea khala axil'lea ddayosijint kidem korum yeta tem Can. 436 hatunt sangil'lem asa. Ho Pallium te aplea misachea va her dhormik dobajeanchea khaxelea nhesnnacher aple ddayosijint va aple sokoil axil'le ddayosijint ghaltat. Her archobixopank oslo Pallium mellna.


Polleiat

Archbishop

ह्या विषयावयर देवनागारींत बरयिल्लें पान वाच : आर्चबिशप
"https://gom.wikipedia.org/w/index.php?title=Arch‍bisp&oldid=139963" चे कडल्यान परतून मेळयलें