बोरये

बोरये हो फोंडे म्हालांतलो एक ल्हानसो गांव.हाका बोरी आनी बोरीम अशेंय म्हणटात. फोंडा- मडगांव ह्या महामार्गाचेर आनी फोंडा शारा सावन 5 कि.मी. अंतराचेर आसा.

सुवात

बोरये पणजेच्यान 29 कि.मी. पयस आसा. तळावली, कुरका, बांबोळी, शिरोडा, हे गांव बोरयेक लागीं आसात. तशेंच मडगांव, कुडचडें, फोंडा, हीं शारां लागीं आसात. ह्या गांवचें क्षेत्रफळ 1443.6 जावन आसा. हो गांव उत्तर गोंय जिल्हो आनी दक्षिण गोंय जिल्ल्याच्या शिमेंचेर आसा.

इतिहास

आदल्या काळार ह्या गांवांक बदरी ह्या नांवांन वळखताले. झाडांच्या नांवां वयल्यान गांवांक नांवां दिवपाची परंपरा आशिल्ल्यान, बोरये गांवांक बोरीच्या झाडाक लागून बोरये हें नांव पडलां आसूं येता.

भूगोल

जुवारी न्हंयच्या उजव्या काठार आशिल्लो हो गांव सोबीत देण्यांनी भरला.बोरये हो गांव 15°21'42" उत्तर अक्षांश आनी 73°59'58" पूर्व रेक्षांश मदें आसा. सैमीक सोबीतकायेन नटयिल्ल्या ह्या गांवांत दोंगरांचेर खळखळपी झरे व्हांवतात. हांगां माड, माडयो, आंबे, पणस आनी वेगवेगळ्या मसाल्याच्या पिकान समृद्ध आशिल्ली कुळागरां आनी शेतां हांगां आसात.

धार्मीक वास्तू

देवळां

• श्री. नवदुर्गा संस्थान
• सिध्दनाथ पर्वत
• साई बाबा संस्थान

शिक्षणीक संस्था

सरकारी माधयमीक शाळा

पळयात

Goy Wikivoyage