जॅक द सिक्वेरा
देवनागरी
|
जुआंव ह्युगो एदुवार्दो द सिक्वेरा (२० एप्रील १९१५ - १७ ऑक्टोबर १९८९) हाका डॉ़. जॅक द सिक्वेरा वा जाक सिक्वेर म्हूण वळखतात. तो एक गोंयचो फुडारी आनी फादर ऑफ ओपिनीयन पोल अशें म्हणून वळखतात. गोंयांक घटक राज्याचो पांवडो मेळोवन दिवपा खातीर हो म्हना मनीस नेटान वावुरलो. डॉ. जॅक द सिक्वेरा हो युनायटेड गोवन्स पार्टीचो अध्यक्ष आशिल्लो. गोंय महाराष्ट्र राज्यांत विलीन जावचें काय ना , ह्या प्रस्नाचेर विचार करपाक ताणें भारत सरकाराक ओपिनीयन पोल दवरपाक सांगलो.
जिवीत[बदल]
डॉ. जॅक द सिक्वेरा हाचो जल्म बर्मा (आतां माय्नमार) २० एप्रील ह्या दिसा श्री. एॅरास्मो द सिक्वेरा आनी श्रीमती एॅना जुलया द सा सिक्वेरा हांकां जल्मलो. लिसेवाचें शिक्षण घेतल्या उपरांत, एॅश्कोला मॅडिका द गोवा हांगा वखदाचें शिक्षण घेतलें. २१ वर्सांचे पिरायेचो आसतना ताचो बापूय सोंपलो आनी घराण्याचो धंदो सांबाळपा खातीर ताका आपलें शिक्षण सोडचें पडलें. लिलीता मार्गारिदा द गोव्येया पिंटो हे चलये कडेन तो २३ वर्सांचे पिरायेचेर तो लग्न जालो। तांकां दोंगाय ९ भुरगीं जल्मलीं।
17 ऑक्टोबर 1989, 74 वर्सांचो आसतना डॉ. जॅक द सिक्वेरा हो संवसार सोडून गेलो.
राजकीय जीण[बदल]
गोंयचो पक्ष ह्या संघाचो डॉ. सिक्वेरा फुडारी आशिल्लो. फुडें ह्याच संघाक लागून युनायटेड गोवन हो राजकीय पक्ष निर्माण जावंक पावलो.