दत्तू तुकाराम बांदेकर

दत्तू तुकाराम बांदेकर हे एक विनोदी मराठी लेखक आसलें.

जल्म

कदत्तू तुकाराम बांदेकर हांचो जल्म कारावारा 1909 वर्सा जालो.

शिक्षण

बांदेकर हे कानडी भाशेंत फकत सात ‘बुकां’ शिकून मराठी भाशेचेर प्रभुत्व मेळोवपी एक हुशार, विनोदी मराठी लेखक आसलें.

वावर

तांचें सगलें जिवीत कश्टांनी गेलें, पूण तांच्या स्वभावांत ताचें कोडपण केन्नाच येवंक पावलें ना. व्हडव्हडल्या विव्दानां पसून ते थोडेशें शिकलेल्या सगल्यांकूच तांचें लिखाण आवडटालें.1934 वर्सा आचार्य अत्रे, दत्तू बांदेकर, सुंदर मानकर आनी कॅप्टन मा. कृ. शिदे हांणी ‘साहित्य झब्बूशाही विध्वंसक मंडळ’ नावांचें साहित्याचेर चर्चा करपी मंडळ काडलें. मंडळाची पयलीच सभा विभावरी शिरुरकर हांच्या वाङ्मयाचेर मुंबयच्या रॉयल ऑपेरा हावसांत जाली.तेन्नाच्यान अत्रेची आनी बांदेकरांची इश्टागत सुरु जाली.जुलय 1940 सावन बांदेकर आचार्य अत्र्यांच्या साप्ताहीक नवयुगांत ‘रविवारचा मोरावऴा’ नावांचें सदर बरयतालें.चित्रपट विशयाक समर्पीत ‘चित्रा’ मासिकांत ‘सख्या हरी’ ह्या टोपणनांवान प्रकाशीत जावपी बांदेकरांच्या सदरा खातीर ते सगल्यांचे लाडके लेखक जाले.दत्तू बांदेकर स्वता प्रसिध्दी पसून पयस रावतालो. तो इल्लो लजतालो की केन्ना भाशण करपाक उबो रावलो ना, जावं ताणें आपली मुलाखत लेगीत कोणाक दिली ना.

मरण

सगल्यांचो हो ‘सख्यहरी’ 3 ऑक्टोबर 1959 दिसा त्या ‘हरी’ क प्रीय जालो.