रवींद्रनाथ यशवंत पै रायतुरकार

रवींद्रनाथ यशवंत पै रायतुरकार (जल्म - 29 एप्रिल 1932, मडगांव, साश्ट) गोंयचो सुटकेझुजारी, शिक्षण बी.एससी., एम. एड. तो नॅशनल काँग्रेस गोवा हे संघटनेचो वांगडी आशिल्लो. 1954 त तो सुटके झुजाखातीर वांगडी जमोवप, पुर्तुगेज सत्तेआड कागदपत्रां छापून हाडप, पत्रकां वांटप असलीं कामां करतालो. 10 नोव्हेंबर 1954 ह्या दिसा पुर्तुगेज पुलीसांनी ताका धरलो. आगॅस्ट 1955 त ताका प्रदेशीक लाश्करी न्यायालया मुखार उबो करुन स वर्साखातीर ताका खर बंदखणीची ख्यास्त फर्मायली. तेचपरी 20 वर्सांखातीर ताच्या राजकीय हक्कांचेर बंदी घाली. फुडें चार वर्सां बंदखणीची ख्यास्त भोगतकच 24 नोव्हेंबर 1958 ह्या दिसा ताची सुटका जाली. भारत सरकारान ताम्रपत्र दिवन ताचो भोवमान केलो.