टोबियास ॲसर

विकिपीडिया कडल्यान
(ॲसर, टोबियास मायकेल कॅरल सून पुनर्निर्देशित)
टोबियास मायकेल कॅरल ॲसर

टोबियास मायकेल कॅरल ॲसर (जल्मः 28 एप्रील 1838, ॲमस्टरडम; मरणः 29 जुलै 1913). एक नामनेचो डच न्यायवेत्तो (Jurist). तो ॲमस्टरडम विद्यापिठांत वेवसायिक आनी खाजगी आंसरराष्ट्रीय कायद्याचो प्राध्यापक आशिल्लो. 1869 त, ताणें आपल्या दोन वांगड्यांक घेवन Revue de Droit International et de Legislation Compare’e’ (Review of International Law and of comparative Legislation) हो नियाळ केलो. Institute de Droit International (Institute of International Law) हे संस्थेचो तो संस्थापक.

1891 त, ताणें डच सरकाराक सुचोवणी करून आंतरराष्ट्रीय खाजगी कायद्याचें एकसूत्रीकरण जावचें म्हूण हेग हांगा परिशद घडोवन हाडपाक लायली. परिशदेची बसका पयले फावट 1893 त भरली आनी ही बसका म्हळ्यार हेग कुटुंबीक कायद्या विशीं हेग कबलातीची सासणा खातीर संस्था कायद्या विशीं हेग कबलातीची सासणा खातीर संस्था थारली. 1911-12 त आंतरराष्ट्रीय हुंडी (Bills of Exchange) कायद्याच्या एकसुत्रीकरणा खातीर घडोवन हाडिल्ल्या परिशदेचें अध्यक्षपद ताका फाव जालें. 1893 त तो डच Road Van State (Council of State) चो वांगडी जालो. 1899 ते 1907 ह्या काळांत भरिल्ल्या हेग शांतताय परिशदांनी डच प्रतिनिधी म्हुण ताणें वांटो घेतलो.

पयले हेग शांतताय परिशदेंत सासणाचें लवाद न्यायालय (Permanany Court of Arbitration) करपा खातीर ताणें केल्ल्या मोलादिक वावराखातीर 1911 त, शांतताये खातीर आशिल्लो नोबेल पुरस्कार ताका आल्फ्रेड हरमान फ्राईड हाच्यावांगडा वांटून मेळ्ळो.

"https://gom.wikipedia.org/w/index.php?title=टोबियास_ॲसर&oldid=209933" चे कडल्यान परतून मेळयलें