Akkalkot Swami Samarth Maharaj
Romi
|
... to be edited.
Akkalkot Swami Samarth Maharaj[बदल]
Akkolkottokor Svamih (zolma ? - somadhi 1878). Zaka dut'tacho ovtar mantat oso ek sotpurux. Dutt sompordaiachea itihasant haka mhotvachi suvat asa. Hache survatiche jinnevixim kainch khobor mellna. 1857vorsak to Akkolkott hanga ailo ani okher meren thoinch ravlo. Lok taka Akkolkottche Svami heach nanvan vollkhotale. Ekdam konne tori tachea mull sthana vixim jedna taka prosn kelo tedna tannem zap dili- "ami kordollibonantlean bhair sorun Bangal dex, Ganga- godat'ttak him thollam bhomvt bhomvt nimnne hanga aile." kordollibonantlean bhair sorle, he tache sangnne velean tachea bhoktamni 1458 vorsa kordollibonant (xrixoil) nizanondak gel'lo norsinh sorsvotich hea Svamichea rupan porot ovtar ghevun aila oxench nixchit kelem.
Oprupancheo lila ani chomtkar hanni tachi jinn purai bhorlea. Tachem ulovp- vagop ek ekdam lhan bhurgea sarkem ani ek ekdam pixam sarkem astalem. Xenkddeani bhavik lok tachea dorxona khatir ietale. Tatunt Raje - Mharaze hanchoi aspav astalo. To konnacheach prosnank sarki zap dina axil'lo. Tannem kel'lea vavrak lagun Mharaxttrant dutt upasnecho prosar mottea promannant zalo. Svamichem ek avddinchem bhozon axil'leh- Xiv Xonkor nomami xonk Xivoxonkor xombho ie girizapoti bhovanixonkor xombho|| sontmhotam hoti bhetti horuxem nachum vallvontti|
Dheanost ovosthent Svami virai Xivachem dhean kortalo osem sangtat. tannem sobond maharaxttrant gurusomprodai vaddoilo. Chaitr vodio xoke 1800 disa to nizanondant vilin zalo. Akkolkott hanga tachi somadhi asa.