Krishna
| |
Romi
|
Krixnn ho vixnnuchea dha ovtarampoikim atthvo ovtar oxem mantat. Aplea oloukik kortritvan deuponn melloupi krixnn hi ek itihasik vyokti asop xoky asa oxem zannkaranchem mot asa. Krixnnacho zolm' sadaronnoponnan i.So.Po. 3185 vorsa zalo ani tachem nirvann i.So.Po. 3065 vorsam zalem oxem purannantlea adarauylean mantat. Porgittor, pusallokor hea sarke vivdan i.So.Po. 14 vem xotman ho krixnnacho kall mantat. Purat'tv sonxodhonant sampddil'li krixnnachi vdarka i.So.Po. 3000 vorsanchi oxem es. Ar. Ravo hachem mot asa.
Itihasant krixnnoche ul'lekh oxe mellttat: deukiputr krixnn (chhandogeoponixot 3.7.6); mull mohabharot (i.So.Po. 300 vorsam); horivonx (i.So.Po. Dusrem xotman); vixnnupurannacho panchvo onx (5 vem xotman), bhagout dhavo skond (9 vem xotman) ani bromhovoivrtopurann. Hatuntlean sangil'lem krixnnochoritr oxem asa: yodukulantlea vrixnni vonxant vosudevo ani deuki hankam mothurent bondkhonnint xraunn vody oxttomiche modheanoratik atthvo put zalo to krixnn. Akaxovannipromann vasudevacho put aplo ghat korit hea bhoyan yadouraz koms hannem aple bhoinnichea, mhollear deukichea so bhurgeank jivexim maril'li. Vasudevacho satvo put bolram' tachi dusri bail rohinni hichea gorbhant vaddlo. Krixnn zolmoleauporant vasudevan taka yomuna nhoinche poltoddi gokullant nondgop hachekodden pauylo. Krixnn ani bolram' gokullant aple monis dhaddun krixnnacho ghat korpache zaite yotn kele, punn te folladik zale nat. Putna, xokhasur, vrixobhasur hankam krixnnan marun uddoile. Uprant krixnn ani bolram' voyant yetkoch okrurak dhaddun dhonureagachea nimtan mothurek haddun tankam marpachem komsan yeujilem. Mothurek pautokoch krixnnan kuvloyapidd hea hoteak ani chamnnur hea mol'lak marun uddoun tannem mothurek rajy komsacho bapuy ugrosen hache suvadhin kelem. Uprant krixnn ani bolram' sandiponi rixikodden vochun ved-vedangam ani dhonurved xikle.
Mogdhacho somratth zorasondh ho komsacho mamv axil'lo. Komsachea mornnacho sudd gheupakhatir tannem otthra khep krixnnacher ghureo ghaleo. Dor fautt krixnn ani bolram' tacho porabhou korun taka dhamvddaun ghalo. Nimnne ghuryevellar krixnnan mothura soddun souraxttrant vdarka hanga novea rajeachi thapnnuk korun aplea rajeantole projek thoim haloili.
Kaloivon ani zorasondh hea dogamyni hea vellar krixnnacher ghuri ghal'li. Krixnn zorasondhachea hatak laglona ani kaloivon haka bhiel'leachem nimit't korun to gomont porvotauyole eke hourent lipun raulo. Thoim muchkund ho raza nhidil'lo. Taka krixnn somzun kaloivonan khontt marun utthylo. Punn muchkundan dolle ugddottokoch tachea tezan kaloivon bhosm' zalo. Zorasondhan gomont porvotauylea ranak uzo lailo ani krixnn ani bolram' tea ujeant hulpun mele oxem somzun to porthun gelo. Krixnn dusreutten surkxitoponnan vdarkek paulo.
Vidrbh raza bhixmok hachi dhub rukminni hika tichea mogacho ador korun krixnnan ubarun vheli ani to tichekodden logn zalo. Hea vellar rukmi ho ticho bhavo ani tichea svoimvrak zomil'le her raza krixnnakodden zhuzunk aile. Krixnnan tancho soglleancho porabhou kelo. Hea poilea logna uprant krixnnan zambvonti, sotyobhama, kalinda, mitrovinda, sotea, bhodra ani lokxmonna hancheyvangodda logna kelim. Heo krixnnacheo oxttonayika zaun asat. Fuddem prahjeotixopurchea norkasurak marun uddoun tannem bondi kel'lea solla hozar bailanchi muktotai korun tanchekodden lognam kelim.
Krixnnachi panddvankodden bhett droupdisvoimvorachea vellar zali. Droupdik svoiyomvorant orzunan jikhleauporant krixnnan tankam borich sompt'ti dili ani purai yadoust'techo tenko dilo. Apli bhoinn subhdra hichem logn orzunavangodda korun divn krixnnan panddavankodden novem natem zoddlem. Bhimachea hatantlean tannem bollixtt zorasondhak marun uddoilo. Yudhixtthirachea rajsuy yogoneant krixnnak ogropujecho man mellil'lean xixupalan tacho opman kelo. Hachepoilim xixupalacho nnoveann'nnv oprodh maf kel'lea krixnnan taka marun uddoilo ani xalv, dontoukr, viduroth hea xixupalachea ixtt razankuy marun uddoile. Kourou-panddvachea dyutavellar yudhixtthiran droupdik ponnak laili ani to horlo. Hea vellar du:xasnan tichem vostrohoronn kortona krixnnan tika vostram divn tichi loz rakhli.
Panddvancho vonvas somptokoch kourvamni tankam rajeacho vantto divcho ani zhuz zauche nhoi mhunn krixnnan xixttai keli. Nimanne jen'na zhuz zalem ten'na krixnnan panddvacho pakho ghetlo ani aplem narainni namvachem soiny kourvamvottenchean zhuzunk dhaddlem. Mohabharotantly zhuzant krixnn orzunacho sarthi zalo ani zhuzavellar sombhromit zal'lea orzunak totvogineanoyukt gitecho updex korun taka kortoveak prourit't kelo. Tachea moladik margodrxonauporant panddavo zhuzant zoitivont zale.
Yadvambhitor koloh zaun tamnni unmot'toponnan ekamekank marunk survat kelea uprant bolramon aple kuddicho teag kelo. Krixnnak aplo ovtar sompot ayil'leachi zannvikai zal'li. Ek dis oxvot'th rukhaponda ujve manddyer davo pam-i dourun boxil'lea krixnnacher eka pardhean horonn somzun bann marlo ten'na krixnnan somvsaracho teag kelo.
Krixnnavixim porneo sahiteantlean toretorechem vornnon vachunk melltta. Ani vingodd vingodd vivdanamni vegvegllea podhdotin tachea choritrachem foddnnixi kelam. Kaim zannanchea motan to lokotor itihasik monis zal'lean taka deuponn mell'llem. Tannem aplea ovratachea kallkhonddant doiteank marun uddoup, kaliamrdon, gourdhon porvot ukhlun dhorop oslea prosongantlean odbhutoponn melloilem. Hea prosongantolim protikam pois korun tancho loukik orth spoxtt korpachoi vaur boreach zannkaramni kela. Krixnnachi oloukik budhd, sobitokai, kuddichem bollgem, prosongaudhan, xoury, kuxllotai, voktritv, mutsodiponna hancher ani tachea nisprih vrit'tivangoddach kavebaz rajkaronn ani veuharik xanneponnacher borich borpaull zalea, unchelea pamvddeavoili tatvik vicharosompoda tache bhogoudgitentlea totvogineamnantlean dista. Tatunt upnixodancho ani purvil'lea totvopronnalincho sogllo apros dixtti poddtta. Gourdhon pujesarkea prosongavellar tannem dakhyil'li sudarok vrit'ti ani somazodharonnekhatir voidik ani vedpurv oxa donoi poromporancho somnvoi, heo gozali taka hindu dhormantlea devam'modim mhotvachi suvat ditat.