Shaktidevta

देवनागरी

Romi

Xakt somprodayachem soglleant xrextth oxem upasy doivt. Xok mhollear somrth zaup hea dhatuk ktin protyoi lagun xokti hem namv zala. Samrthy, porakr, prann he xokti xobdache tin mukhel orth asat. Dor eka ghottkant kareachea utpadonak upegi ani tea ghottkapasun ken'nach vegllaunk mellna oso zo khaxelo dhorm' asta taka xokti oxem mhonnttat. Dor eka ghottkachi khaxeli oxi ek xokt asta. Taka lagun xokti-i khub asat.Tatuntleo tin xokti mukhel asat teo oxeo-1)ontrong:he xoktik narainnachi svorupoxkti oxem mhollam.2)tottsth:svorupatmok nhoi ani vizati-i nhoi, oxe xoktik tottsth mhollam ani 3)bohirong:mohot'tva posun prithvi meren ani somst bhoutik vostumsokott oxi ji somvsarorup prokriti tika bohirong xokti mhonnttat.

Her deutam bhoxen xoktichyai rupachi kolpona kelea. Samrtheachem protik oso ximv hem tichem vahon asa. Ti choturbhuz, oxttoxuz, doxbhuz, oxttadoxobhuz asa. Tichea hatamni trixull, khoddg, khettok, porxu oxim xostram asat. Tichea koplacher tisro dollo asa. Tika chonddi, chamundda, bhoirvi, katyaini, kouxiki, tripura, lolita, xrividha, kamarnnea, minakxi, bhognoti oxim namvam asat. Dor eka namva rupachem ek khaxeloponn asun tache fattlean kitem-i tori kotha asa.

Xoktichim kaream: narainnache xoktik mohalkxmi oxem namv asa. Lokxmitontrant ti svota aplim kaream sangta tim oxim-

tirobhaustotha srixtti: sthiti: somhtirevo cho । onugroh iti proktom modiyom kormopxrokom' ।

orth-1)tirobhavo mhollear kormorup ovidhen jivatmeak revaddotta 2)srixtti 3)ticho samball 4)srixtticho somhar ani 5)onugroh mhollear jivatmeak mokx melloun divp him mhojim panch kormam asat.

Xoktichim tin mukhel rupam: mull ji adha xokti va mohamaya tika durga mhonnttat. He durgenuch fuddem devo karea khatir ani monxache udrogoti khatir prosonga promann tin rupam ghetlim. Mohasorsvoti him tin rupam trigunnatmok asat. Mohakali hi tomogunni asun ti teach gunnanchea rudroxivakodde sombond asa. Mohalkxmi hi sotvogunni asun ti zogdomba asa ani sotvogunni vixnnukodde sombond asa.Tika hi videadayi deuta asa. Hea tinuy rupancheo utpotikotha markonddey purannantlea soptoxotint dileat. Tancho apros oso asa-

1)mohakali: proloi kallant vixnnu yognidrent xexoxyyecher nhidil'lo astona, tachea kanantlean modhu ani koittobh namvache don doity bhair sorle. Poilinch tankam bromha dislo. Te borobor te taka marpak dhamvle. Bromhean bhogvontache yognidrechi tokhnnai korun tika sanglem, tum hea osurank bhuloi ani tea vixnnuk zago kor. Tem aikotach vixnnuchea angantlean mohakali utpon'n zali ani vixnnu zago zalo. Uprant vixnnu ani tea doiteanchem zhuz pettlem. Mahakalin tea doiteank veustit bhuloile ani tankam budhdibhrom' zalo. Tamnni vixnnuk sanglem, tum boro zhuz khelltta ami tujer prosn'n zaleat, tuka zai to vor mag. Tacher vixnnun aplea hatamnich tankam moronn yeuchem oso vor maglo. Doiteamni vixnnuk zai toso vor dilo punn ek ott ghatli, je suvatir udok aschemna oxach zagear vixnnun tankam marchem karonn tea vellar proloi zal'lean sogli prithvi ugkan bhoril'li. Vixnnun tanchi ott many keli ani aple manddyer tancheo tokleo gheun kapun uddoileo. Oxe toren mohakalin modhu-koittbhanche budhdik oso bhrom' kelo

2)mohalkxmi: mohixasur namvacho doity mohaboli zalo ani tannem devam kodde zhuz suru kelem indrak haroun to svota devancho raza zalo uprant soglle devo bromhodevak gheun vixnnu ani xonkra mhoreant gele ani tankam hi khobor sangli. Te borobor vixnnu, xonkrasoit sogllea devanchea angantlean ek tejixtt oso zhot bhair ailo ani tatuntlean mohalkxmi hi devi utpon'n zali. Devamni apapolim xostram tika divn mohixasuracho vodh korpak sanglem. Tinnem ek vhodd gorzona korini fuddem mohixasur ailo. Tannem mohalkxmi kodde vhodd zhuz kelem. Punn mohalkxmin tacho vodh korun devank obhoi dilem

3)mohasorsvoti: xumbh-nixumbh he doity devank haroun svota yo‌‌‍gone bhokte zale. Ten'na devamni himaloyacher vochun parvotichi tokhnnai keli. Tea vellar parvotichea agantlean ji devi progott zali tich mohasorsvoti. Tinnem xumbh-nixumbha kodde zhuz korun tankam marle.

Oxim him durgechi tin rupam asat. Dor eka rupant anik don don rupam provixtt zaun tinuy rupanchem trivritkoronn zalem.Uprant tea nnou rupank noudurga hem namv mell'llem. Te khatir xoktitontrant nnou hea ankoddoyak chodd mhotv asa.

Bharti-i dorxonant tontroxastr hem agllem vegllem dorxon asa. Tatuntole xoktichem svorup divy ani udat't asa. Tontrikamni tika srixttichem adikaronn manlea.Eka tontrant xoktichem vornnon kelam tem oxem-

yoseadrixtto noiv bhomnnddolanxo yoseadaseo vidyote no kxitix:। yoseatgoneant noiv xastrom kimnyoiryoseakar:sa poraxktirevo ।।

orth-poraxktik vixrvantolo khoinchoch bhag odrixtt na. Ticho das na oso khoinchoch raza na. Poraxkti zann'na oxem koslench xastr na ani zaka akar asa oxem sogllem mhollearuch poraxkti asa.

Purann kallant devivixim khubxim purannam nirmann vingodd vingodd kothanchea rupan lok monacher tthosoilem ani devank legit xokti mukhar nomoile.

Boudhdanchi xoktipuza: boudhd dhormant xoktipujecho arombh mohayan ponthachea vikasa vangddach zalo. Tara, hariti, vosundhora, progoneaparomita, provixtt zaleo. Tancheo murti-i tamnni nirmileo. Panch dheani budhdancheo panch svotontr xokti tamnni manleo. Okxobheachi lochna, voirochonachi tara, omitabhachi panddra, omoghoujrachi aryotara ani rotnosombhovachi mamki oxim tanchim namvam asat. Boudhd tontrant he dor eke xoktiche upasone khatir khaxele montr, mudra, monddol asat. Boudhdanchim zaitim xoktitontram asat.Tea tontramni tamnni xoktik xuny he songoneen sombodhlea. Hea sogllem utpon'n zata ani tatuntoch soglleacho viloi zata. Hem pormoxuny asa. Noiratmecho sombond xokti him zoxim porspor sonxrlixtt astat tech promann

tibetti boudhdant tara he deutek soglleant unchelem sthan asa. Ugrotara, vojrotara, tarecheo murti ghoddoileat ani chitram-i nirmann keleat

zoinanchi xoktipuza: zoinanchea xrvetambor monant dor eka tirthonkorachi ek ek xasnodevi manlea. Zoinant chokrexrvori he devik khub mhotv asa. Rohinni, progonepti, xrrinkhola oxa sorsvotichea solla prokarchea videavyuhak zoinam bhitor manyotai asa. Xakt somprodayachea zoinamni apleo xasnodeuta, videadevi ani chokrexrvori hancheo murti-i ghoddoileat. Toxench dor eka tirthonkachi poricharika mhunn ek yokxinni asta.Xakt somprodayant xoktichim jim vingodd vingodd rupam akarak aileant tinch rupam yokxinni hea rupant vegllea namvamni zoinamni apnnaileant. Tantrikanchea xottchokrovedhopod'dtik onnsoruk tea dheana bhitor xoddsth namvachea dheanant tannem vornnomoyi devachem tinton sanglam. Zoin montramni pronnou, maya him bizakxoram xakt tontrachea onurupoch astat.

Xoktipuza ani upasona: xoktipuza hi smart ani tontrik oxa don pod'dtimni kortat. Smartopuza hi sat'tvik asta. Sat'tvik uzasona panch prokaramni sidhd zata, te prokar oxe asat-

1)obhigomonH deuprotimechi ani deudorachi nitllosann rakhop. 2)upadonH pujechem sahity ektthauz. 3)yogH ixtt deutekodde atmobhauna 4)svadhyaiH montrancho orth zannun tacho zop korop, stotropatth, nam' gunnsonkirton, her 5)ijeaH vedxastrovihit chotuHxxttoyadi upcharamni puza korop

montr, yontr, chokr, neas,mudra,dikxa,bhutxudhdi, prannprotixttha him tontrik upasonechim angam asat. Chorcha,kria,yog he prokaruy asat. Tontrosadhok choddkorun xriyontracher devachi upasona kortat. Sadhok svobhava promann poxu,vir va divy asta. Vir sadhkak

guruchea san'nidheant rohsyosadhona korchi poddtta he sadhnechim don rupam astat-ek chokrosadhona ani dusri lotasadhona. Purannokaramni oxe toren xoktimahatmoi prosthapit kortokuch xoiv ani voixnnou somprodayankuy apaplea motanchi xoktit'tv apnnaunk lailem.Xoiv somprodayant uprant

odbhutoramainnant sita hi ramachi xokti zali. Tech bhoxen devi bhagoutant radha hi krixnnachi xokti manlea.

Videaragonei montrachi sadhna kortona chousxtt xoktinchi auronnopuza korpachi asta. Kulexi, kulnonda, vagixi, bhoirvi, uma, xri, xanti, chondda, dhumra, kali, koralini, mohalkxmi, konkali, rudrokali,sorsvoti,vagvadini, nokuli, bhodrokali,xoxiprobha, protyongira,sidhdolkxmi, omritexi,chonddika,khechri, bhuchri, sidhda, kamakxi, hingula, bola, zoya, vijea, ojita, nitea, porajita, vilasita, ghora, chitra, mugdha dhonexvori, somexrvori, mohachondda, videa,homsa, vinayika, vedogrbha, bhima, ugra, voidea,sodgoti, ugrexrvori,chondrogrbha,jeotsna,sotea, yoxouti, kulika, kamini,kamea, goneanouti, ddakini, rakini, lakini, kakini, xakini ani hakini oxim tanchim namvam asat.