एन् सुहास

विकिपीडिया कडल्यान

एन् सुहास हो कोंकणींतलो एक फामाद साहित्यीक. १९८० सावन सातत्यान वेगवेगळया विशयांचेर लेखन करीत आयल्यात. कथा,कादंबरी,कविता,ललीत लेख,नाटक,नाटकुलीं आदी प्रकार हाताळ्ळ्यात.[1]

गोंय तशेंच गोयांभायर मुंबय,बिहार,पुणें,उत्तर प्रदेश आदी राज्यांतली नेमाळी आनी मासिकांनी तांकां साहित्यीक प्रसिध्दी दिल्या. ह्या साहित्या खातीर चडशं इनामां जोडल्यांत.

आकाशवाणी पणजी,मुंबय आनी श्रीलंका केंद्रांचेर कार्यावळी सादर केल्यात आनी तांच्या साहित्याची वितरावणी जाल्या.लेखना बरोबर वेगवेगळयां संस्थामदीं कार्यरत रावन साहित्यीक, सामाजीक आनी सांस्कृतीक कार्यावळींनीं वांटो घेतात. मडगांवच्या कोंकणी भाशा मंडळाचे कार्यकारिणी सामितीचेर स वर्सा काम केलां आनी करीत आसात. चौथ्या राष्ट्रीय बालमहोत्सवाचे आनी उत्क्रांती कला केंद्राच्या २-या अेकांकी महोत्सवाचे यादस्तिकेचें यश्स्वी संपादन केलां.हातांत घेतिल्लें कार्य सातत्यान तडीक व्हरप हें खाशेलेंपण.गोंयचे घटक राज्य,कोंकणी राज्यभाशेचो आनी कोंकणीक आठवे वळेरेत सुवात ह्या स्वभिमानाचे चळवळींत सक्रीय सहभाग घेतला.गोंय राज्याच्या वीज खात्यांत १९८९ सावन नोकरेंत आसा।

संदर्भ[बदल]

  1. खेळांगण-एन् सुहास,श्री सुरभि प्रकाशन,२००६
"https://gom.wikipedia.org/w/index.php?title=एन्_सुहास&oldid=200831" चे कडल्यान परतून मेळयलें