तारी, दामोदर ऊर्फ बाबनी पुरुषोतम

तारी, दामोदर ऊर्फ बाबनी पुरुषोतम (जल्म - 15 जानेवारी 1932, वळवय, फोंडें) सुटकेझुजारी. ताणें लिसेंवाचें दुसरें वर्स तशेंच एस. एस. सी. मेरेन शिक्षण घेतलें. 1946 वर्सा सावन तो नॅशनल कॉग्रेस गोवा हे संघटणेचो वांगडी आशिल्लो. उपरांत तो आझाद गोमंतक दल संघटणेचो वांगडी जालो.

27 मार्च, 1955 ह्या दिसा सचिवालयांत टायम - बॉम दवरपाक ताणें रोहिदास तारीक पालव दिलो. 27 मे 1955 ह्य दिसा हळदोणें पोलीस ठाण्याचेर हल्लो करता आसतना जखमी जाल्ल्या दल संघटणेच्या वावुरप्यांक ताणें आदार दिलो. 30 जून 1955 ह्या दिसा पाळी दिसा पाळी मिनाखाणीचेर आनी 5 फेब्रुवारी 1956 ह्या दिसा चांदेल पोलीस ठाण्याचेर हल्लो करपांत ताणें वांटो घेतिल्लो. 31 जुलय 1956 ह्या दिसा माशेल, तोंकर बसीर स्फोट घडोवन हाडपाक ताचो हात आशिल्लो.

ताचे गैरहाजेरीत प्रादेशिक लस्क री न्यायालयान ताका 29 डिसेंबर 1956 ह्या दिसा 24 बंदखणीची ख्यास्त फर्मायली. 12 ऑगस्ट 1956 ह्य दिसा पिसुर्लें मिनाखाणीचेर हल्लो करुन थंयची यंत्रणा ताणें इबाडून उडयली. 19 फेब्रुवारी 1957 ह्य दिसा ताणें शिरगांव मिनाखाणीचेर हल्लो केल्लो. व्हाळशी दिवचले ताणें लस्करी जिपीचेर स्फोट घडोवन हाडलो. पोलिसांनी ताच्या घराचेर धाड घाली आनी ताचें रायफल आनी हेर वस्तू जप्त केल्यो. तशेंच, ताच्या बापायक धरुन तावोय बापायक धरुन तावोय छळ केलो. भारत सरकारान ताम्रपत्र दिवन ताचो भोवमान केलो.